Lk 4:6 - Nouvo Testaman dan Kreol Morisien

⁶ Li dir Zezi, “Mo pou donn twa tou sa pouvwar la ek tou so rises, parski tousala mo finn resevwar e mo kapav donn sa ninport kisannla.

Nouvo Testaman Kreol Morisien Harmonisation NTPS KM

⁶ Li dir Zezi, “Mo pou donn twa tou sa pouvwar-la ek tou so rises, parski tousala mo finn resevwar e mo kapav donn sa ninport kisann-la.

Lk 4:6 ပူးပေါင်းရင်းမြစ်များ

Lk 4:7

Si to prostern twa devan mwa, tousala pou vinn pou twa.”

Zn 12:31

Asterla mo pou ziz lemonn e so gran sef pou deor.

Zn 14:30

Mo nepli pou dir zot tousala; sef demon ki diriz lemonn pe vini e li pa kapav fer mwa nanye.

Zn 8:44

Zot sorti ar diab. Limem zot papa; akoz samem zot ena mem santiman ki li. Depi komansman li ti enn asasin e zame li ti dan laverite parski pena laverite dan li; kan li koz manti, li pe azir dapre so natir; li enn manter e limem papa bann manter.

2 Ko 11:14

Nou pa etone! Satan limem degize kouma anz lalimier.

Ef 2:2

Lontan zot ti pe viv sa lavi la; sa lepok la zot ti pe swiv bondie sa lemonn la, sa prins ki ant lesiel ek later, sa lespri ki pe azir aster parmi bann ki opoz Bondie.

1 Pi 1:24

Parski finn ekrir: “Tou dimoun, zot kouma lerb e zot laglwar parey kouma bann fler dan karo; lerb sek e so fler tonbe,

1 Zn 5:19

Nou kone ki nou zanfan Bondie, e lemonn antie li dan pouvwar Lemal.

Revelasion 12:9

Sa gro dragon la ti perdi so plas. Sa vie serpan ki zot ti apel diab, ou Satan, sedikter lemonn, li avek so bann anz ti perdi zot plas dan lesiel.

Revelasion 13:2

E bebet ki mo ti trouve li ti resanble enn leopar, so lapat kouma lapat lours, e so lagel kouma lagel lion. Dragon ti donn li so pwisans ek so tronn avek enn gran lotorite.

Revelasion 13:7

Li ti osi ena drwa fer lager ar lepep Bondie e gagn laviktwar lor zot. Li ti osi ena lotorite lor tou tribi, pep, langaz ek nasion.