Lk 24:45 - Nouvo Testaman dan Kreol Morisien

⁴⁵ Lerla li ouver zot lintelizans pouki zot konpran Lekritir.

Nouvo Testaman Kreol Morisien Harmonisation NTPS KM

⁴⁵ Lerla li ouver zot lintelizans pou ki zot konpran Lekritir.

Lk 24:45 ပူးပေါင်းရင်းမြစ်များ

Lk 24:32

Sakenn dir so kamarad, “Eski nou leker pa ti pe brile andan kan li ti pe koz ar nou lor sime e kan li ti pe explik nou Lekritir?”

Zistwar Bann Zapot 16:14

Parmi zot ti ena enn fam ki apel Lidia, enn abitan Tiatir. Li ti enn marsan letof gran valer, li ti ador Bondie. Lesegner ti prepar so leker pou li ekout Pol avek atansion.

Zistwar Bann Zapot 26:18

pou ouver zot lizie, tir zot dan teneb pou met zot dan lalimier; pou sorti dan pouvwar Satan pou al ver Bondie, pouki zot gagn pardon zot bann pese ek gagn zot plas parmi lepep Bondie ki sanktifie par lafwa dan mwa.’

Ef 5:14

e seki vizib, li lalimier. Akoz sa ena enn koze ki dir, “Twa ki dan somey, lev twa, twa ki dan lamor, lev twa, e Lekris pou briy lor twa.”

1 Zn 5:20

E nou kone ki Garson Bondie finn vini, li finn donn nou lintelizans pouki nou konn vre Bondie. Nou res ini avek vre Bondie, ini avek so Garson Zezi Kris. Limem vre Bondie e lavi eternel.

Revelasion 3:7

Let ki finn ekrir pou anz dan legliz Filadelfi: “Sa kikenn ki sin ek vre, ki ena lakle David, li ouver e personn pa kapav ferme, li ferme e personn pa kapav ouver: