Lk 20:47 - Nouvo Testaman dan Kreol Morisien

⁴⁷ Zot devor tikas ki bann vev finn ramase e zot fer long-long lapriyer pouki tou dimoun trouv zot. Zot pou gagn pli gran kondanasion.

Nouvo Testaman Kreol Morisien Harmonisation NTPS KM

⁴⁷ Zot devor ti-kas ki bann vev finn ramase e zot fer long-long lapriyer pou ki tou dimounn trouv zot. Zot pou gagn pli gran kondanasion.

Lk 20:47 ပူးပေါင်းရင်းမြစ်များ

Mt 23:13

Maler lor tou bann dokter lalwa ek Farizien ipokrit! Zot finn ferm laport lesiel pou dimoun. Zotmem zot pa rantre e kan lezot anvi rantre, zot blok laport.

Mt 23:14

Maler lor zot dokter lalwa ek Farizien ipokrit, zot manz tou manze bann vev, zot fer long-long lapriyer pou lizie dimoun. Akoz samem zot pou gagn enn pli gran kondanasion.

Mk 12:40

Zot manz dibien bann vev e zot fer long-long lapriyer pou lizie dimoun, sa bannla, zot kondanasion pou pli lour.”

Lk 12:1

Ti ena telman enn gran lafoul ki dimoun ti pe mars lor lipie zot kamarad. Lerla Zezi koumans dir ar so bann disip, “Fer atansion levin bann Farizien, setadir, zot ipokrizi.

Lk 20:46

“Mefie zot bann dokter lalwa ki kontan pavane avek gran-gran rob e ki kontan kan dimoun salye zot dan bann plas piblik; dan sinagog, zot swazir bann plas kot tou dimoun pou trouv zot e dan bann dine, zot rod bann plas doner.

Lk 21:1

Zezi get partou e li trouv bann dimoun ris ki ti pe met larzan dan tron.

1 Tes 2:5

Kouma zot kone, zame nou pa finn servi bann parol pou flat noumem oubien pou kasiet gourmandiz materyel; Bondie li nou temwin.

Let pou Tit 1:16

Zot dir ki zot konn Bondie, me par zot bann aksion, zot renie li. Zot enn bann rebel ki Bondie deteste ek zot pa vo nanye pou enn sou.

Let Zak 3:1

Mo bann frer ek ser, fode pa ki zot tou rod vinn ansegnan. Zot kone, nou, bann ansegnan, pou ziz nou pli severman ki lezot.