Lk 18:12 - Nouvo Testaman dan Kreol Morisien

¹² Mo gard karem de fwa par semenn, mo donn enn diziem reveni ki mo gagne.’

Nouvo Testaman Kreol Morisien Harmonisation NTPS KM

¹² Mo gard karem de fwa par semenn, mo donn enn diziem reveni ki mo gagne.’

Lk 18:12 ပူးပေါင်းရင်းမြစ်များ

Mt 5:20

Les mo dir zot ki si zot pa montre zot pli fidel anver volonte Bondie ki sa bann Farizien ek dokter lalwa la, zot pa pou rant dan lesiel.

Mt 6:1

“Tansion zot pratik zot devwar relizie devan lezot, zis pou lizie lezot; sinon zot pa pou gagn rekonpans ki sorti kot zot Papa dan lesiel.

Mt 6:16

Kan zot fer karem, pa bizin fer lakagn, kouma bann ipokrit, zot fer long-long figir pou montre lezot ki zot pe karem. Laverite mo dir zot, zot finn fini gagn zot rekonpans;

Mt 6:5

Kan zot fer lapriyer, pa fer kouma bann ipokrit ki kontan vinn devan pou priye dan sinagog e dan kat kwin lari pouki dimoun trouv zot. Laverite mo dir zot, sa bann la finn deza gagn zot rekonpans.

Mt 9:14

Apre sa, bann disip Zan vinn get Zezi e dimann li, “Kifer nou ek bann Farizien, nou fer karem, me to disip pa fer karem ditou?”

Lk 11:42

Maler lor zot bann Farizien! Zot donn enn diziem prodwi zot zardin kouma lamant, kotomili e tou kalite legim; me zot bliye lazistis ek lamour Bondie; pourtan samem ki zot ti bizin fer san bliye leres.

Lk 17:10

Zot osi parey. Letan zot fini fer seki finn komann zot, dir, ‘Nou bann sinp serviter, nou nek finn fer seki ti bizin fer.’ ”

Let pou Romin 3:27

Eski ena rezon pou nou fer vantar? Non, pena okenn rezon! Kifer? Parski nou obeir lalwa? Non, me akoz lafwa.

1 Ko 1:29

pouki personn pa fer fezer devan Bondie.

Ga 1:14

Mo ti devans tou mo bann frer Zwif ki ti dan mo laz dan pratik larelizion, sitan mo ti devoue pou tradision mo bann anset.

Ef 2:9

Li pa vinn atraver aksion imin, koumsa personn pa kapav fer fanor.

1 Tim 4:8

Li pa sitan itil ki to okip to lekor, me li pli bon ki to met to latet pou swiv Bondie parski li promet twa lavi zordi ek pou leternite.