Lk 13:11 - Nouvo Testaman dan Kreol Morisien

¹¹ Ti ena la, enn madam ki ti ena enn infirmite pandan dizwit-an akoz enn move lespri. Li ti kourbe e li pa ti kapav dres drwat.

Nouvo Testaman Kreol Morisien Harmonisation NTPS KM

¹¹ Ti ena la, enn madam ki ti ena enn infirmite pandan dizwit an akoz enn move lespri. Li ti kourbe e li pa ti kapav dres drwat.

Lk 13:11 ပူးပေါင်းရင်းမြစ်များ

Mt 4:23

Zezi finn al partou dan Galile, li ti pe ansegne dan zot sinagog, li ti pe proklam Bonn Nouvel lor size Rwayom Bondie. Li ti geri bann dimoun avek toutsort kalite malad.

Mk 9:21

Zezi dimann so papa, “Depi komie letan li gagn sa?” Li reponn, “Depi li zanfan.

Lk 13:12

Letan Zezi trouv li, li apel madam la e li dir li, “Fam, to finn delivre depi to maladi.”

Lk 13:16

Eski zour saba, pa ti bizin liber sa madam la, ki enn tifi Abraam, e ki Satan finn atase pandan dizwit-an?”

Lk 21:28

Kan tousala pou arive, drese, lev latet parski zot delivrans pe aprose.”

Lk 8:2

ek detrwa madam lor ki Zezi ti tir bann lespri move e ti geri zot bann maladi. Parmi ti ena Marie, ki ti apel Magdala lor ki ti ena set demon ki Zezi ti pouse,

Lk 8:27

Kouma li debarke, enn abitan lavil ki ti posede ar boukou demon vinn zwenn li. Depi lontan li ti finn aret met linz e li pa ti pe res dan lakaz me dan simitier.

Lk 8:43

Ti ena enn madam parmi, ki ti ena enn lemorazi ki ti pe minn li depi douz-an. Li ti finn depans tou seki li ti ena ar dokter. Personn pa finn kapav geri li.

Zistwar Bann Zapot 3:2

bann dimoun ti pe amenn enn zom ki ti paralize depi so nesans. Toulezour zot ti vinn depoz li dan lantre tanp ki ti apel ‘Zoli Laport’ pouki li dimann sarite tou bann ki rant dan tanp.

Zistwar Bann Zapot 4:22

Sa dimoun ki ti geri par mirak la ti ena plis ki karant-an.