Let Zak 2:5 - Nouvo Testaman dan Kreol Morisien

⁵ Mo bann frer ek ser bieneme, ekout mwa: Bondie finn swazir bann ki pov dapre lemonn pouki zot vinn ris dan lafwa e posed rwayom ki finn promet bann ki kontan li.

Nouvo Testaman Kreol Morisien Harmonisation NTPS KM

⁵ Mo bann frer ek ser bieneme, ekout mwa: Bondie finn swazir bann ki pov dapre lemond pou ki zot vinn ris dan lafwa e posed rwayom ki finn promet bann ki kontan li.

Let Zak 2:5 ပူးပေါင်းရင်းမြစ်များ

Mt 11:5

bann aveg pe trouv kler, bann andikape pe marse, bann lepre pe pirifie, bann sourd pe tande, bann mor pe resisite e bann pov pe tann Bonn Nouvel ki pe anonse.

Mt 25:34

Alor lerwa pou dir ar bann ki dan kote drwat, ‘Vini, zot ki mo papa finn beni. Resevwar rwayom ki Bondie finn prepare pou zot depi kreasion lemonn.

Mt 5:3

“Bienere zot ki pov dan zot lespri, Rwayom Bondie li pou zot.

Mk 7:14

Li apel lafoul ankor, li dir zot, “Ekout mwa bien zot tou, sey konpran sa ki mo pe dir.

Lk 12:21

Ala seki pou ariv dimoun ki ramas dibien zis pou li, me ki pa ramas rises kot Bondie.”

Lk 12:32

Pa gagn per, ti troupo, parski Bondie kontan pou donn zot so Rwayom.

Lk 16:22

Arive ki pov malere la mor e bann anz amenn li pre kot Abraam. Ris la osi mor e zot anter li.

Lk 16:25

Me Abraam dir, ‘Mo garson, rapel bien ki dan to lavi lor later to ti dan bien, alor ki Lazar ti gagn boukou maler; me asterla li dan bien isi, e twa to dan soufrans.

Lk 22:29

akoz samem mo pou donn zot pouvwar lor Rwayom parey kouma mo Papa finn donn mwa,

Lk 6:20

Apre sa Zezi get so bann disip e li dir, “Bienere zot ki bann pov, Rwayom Bondie pou zot.

Zn 7:48

Eski ena kik gran pret, kik Farizien ki krwar dan li?

Zistwar Bann Zapot 7:2

Etienn reponn, “Bann frer, bann gran dimoun, ekout mwa. Bondie dan so laglwar ti revel li ar nou anset Abraam letan li ti dan Mezopotami, avan ki li ti al res Aran.

Let pou Romin 8:17

Si nou zanfan Bondie, alor nou eritie Bondie, ek nou eritie ansam ar Lekris. Si nou soufer avek Lekris nou pou osi partaz so laglwar.

1 Ko 2:9

Me kouma Lekritir deklare, “Seki lizie pa finn trouve, seki zorey pa finn tande, seki okenn dimoun pa finn panse kapav arive, samem ki Bondie finn prepare pou dimoun ki kontan li.”

2 Ko 4:15

Tousala li pou zot benefis. E letan lagras Bondie tous plis dimoun ankor, sa pou ogmant lapriyer rekonesans ki exprim laglwar Bondie.

2 Ko 6:10

mem dan sagrin nou toultan zwaye; nou pov, me nou anrisi boukou dimoun; li paret ki nou pena nanye, me anverite nou posed tou kiksoz!

2 Ko 8:9

Zot konn lagras Zezi Kris, mem si li ti ris, li finn fer li pov pou zot, pouki par so povrete zot kapav vinn ris.

Ef 1:18

Mo priye ki li ouver zot leker ver so lalimier pou zot kone dan ki lesperans li pe apel zot, ki rises e ki mervey ena dan so leritaz ki li pe donn zot parmi pep Bondie,

Ef 3:8

Parmi tou bann krwayan momem dernie parmi bann dernie. Malgre sa Bondie finn fer mwa enn gran faver: pou al anons bann non-Zwif larises infini ki Lekris ena,

1 Tes 2:12

Nou finn ankouraz zot, rekonfort zot ek plede pouki zot amenn enn lavi korek dapre Bondie, ki apel zot pou partaz ar li so rwayom ek so laglwar.

2 Tes 1:5

Samem prev ki zizman Bondie li drwat, e seki zot pe siporte la, li pou rann zot dign Rwayom Bondie, pou ki zot pe soufer.

1 Tim 6:18

Rekomann zot fer lebien. Zot bizin ris ar bonaksion, fer bann don ek partaze.

2 Tim 4:18

Lesegner pou delivre mwa ankor depi tou bann piez ek li pou gard mwa pou so rwayom. Laglwar pou li dan leternite. Amen.

2 Tim 4:8

Asterla, finn ler pou mo gagn kouronn lazistis ki Lesegner, sel bon ziz, pou donn mwa zour zizman. Pa mo tousel, me tou seki finn atann so zour dan lamour.

Eb 11:26

Li ti konsidere ki soufer pou Lemesi ena boukou plis valer ki bann trezor Lezip, parski li ti gard so lizie fixe lor rekonpans ki pou vini apre.

Let Zak 1:12

Li pou bienere sa dimoun ki tini ferm dan leprev. Bann ki prouve zot ferm pou resevwar kouronn laviktwar ki Bondie finn promet bann ki kontan li.

Let Zak 1:16

Mo bann kamarad, pa les zot anbete.

Let Zak 1:19

Mo bann kamarad, konpran sa bien: sakenn bizin rapid pou ekoute, me pa prese pou koze, pa ankoler vit,

Let Zak 1:9

Ki enn krwayan pov trouv so fierte akoz Bondie lev li lao,

1 Pi 1:4

enn leritaz ki finn rezerve pou zot dan lesiel, ki pa pou disparet, ni gate oubien fletri.

2 Pi 1:11

Dan sa fason la, zot pou gagn enn gran privilez pou rant dan rwayom eternel Zezi Kris nou Segner ek Sover.

Revelasion 2:9

Mo konn to leprev ek to lamizer, me anrealite to ris! Mo konn bann dimal ki zot dir lor twa. Zot fer krwar, zot Zwif, me pa ditou, zot plito enn sinagog Satan.

Revelasion 21:7

Dimoun ki gagn laviktwar pou resevwar sa don la, e mo pou vinn so Bondie e li pou vinn mo zanfan.

Revelasion 3:18

Alor mo konsey twa aste lor ar mwa, lor ki finn rafine dan dife, pouki to kapav vinn ris. To kapav osi aste linz blan pou kouver twa; to nepli pou ena laont akoz to touni. Aste osi enn remed pou to lizie, to pou trouv kler.