Let Zak 2:14 - Nouvo Testaman dan Kreol Morisien

¹⁴ Mo bann frer ek ser, ki sa servi zot si kikenn pe dir, “Mo ena lafwa,” si li pa prouv li par bann aksion? Eski sa kalite lafwa la kapav sov twa?

Nouvo Testaman Kreol Morisien Harmonisation NTPS KM

¹⁴ Mo bann frer ek ser, ki sa servi zot si kikenn pe dir, “Mo ena lafwa,” si li pa prouv li par bann aksion? Eski sa kalite lafwa-la kapav sov twa?

Let Zak 2:14 ပူးပေါင်းရင်းမြစ်များ

Mt 5:20

Les mo dir zot ki si zot pa montre zot pli fidel anver volonte Bondie ki sa bann Farizien ek dokter lalwa la, zot pa pou rant dan lesiel.

Lk 3:11

Li reponn zot, “Dimoun ki ena de palto bizin partaz ar seki pena, seki ena manze bizin fer parey.”

Lk 6:49

Me dimoun ki ekout mo parol me pa met li anpratik, li kouma enn dimoun ki finn mont so lakaz san fouy fondasion. Kouma larivier desann, li balye lakaz la, nanye pa reste.”

Zistwar Bann Zapot 15:9

Li pa finn fer okenn diferans ant zot ek nou, li finn pirifie zot leker par lafwa.

Zistwar Bann Zapot 8:13

Mem Simon ti krwar. Apre so batem li ti res avek Filip e li ti etone kan li ti trouv bann sign ek mirak ki ti pe arive.

Zistwar Bann Zapot 8:21

To pena nanye pou gagne parski to leker pa drwat devan Bondie.

Let pou Romin 2:25

Sirkonsizion ena valer kan to obzerv lalwa, me si to dezobeir lalwa, li parey koumadir to pa finn fer sirkonsizion.

1 Ko 15:2

Par sa Bonn Nouvel la ki zot sove, si zot res atase dan enn fason ferm ar parol ki mo finn anonse. Sinon, savedir zot finn krwar dan vid.

1 Ko 16:22

Si kikenn pa kontan Lesegner, ki li modi. Maranata. Vini Segner!

Ga 5:13

Me zot, mo bann frer ek ser, finn apel zot pouki zot lib. Selma fode pa zot mal servi zot liberte e viv dapre zot prop natir imin. Okontrer, les zot gide par lamour e met zot oservis zot bann kamarad.

Ga 5:6

Pou kikenn ki avek Zezi Kris, sirkonsizion ou pa sirkonsizion, sa pena okenn linportans; lafwa ki azir par lamour ki konte.

1 Tes 1:3

Devan nou Bondie ek Papa nou rapel seki zot finn fer akoz zot lafwa, kouma zot finn travay dir akoz zot lamour pou Zezi e kouma zot finn tini ferm dan lesperans pou Zezi Kris.

1 Tim 1:5

Konpran kifer mo pe donn sa lord la. Mo oule lamour dan enn leker prop, enn konsians drwat ek enn lafwa sinser.

1 Tim 4:8

Li pa sitan itil ki to okip to lekor, me li pli bon ki to met to latet pou swiv Bondie parski li promet twa lavi zordi ek pou leternite.

Let pou Tit 1:16

Zot dir ki zot konn Bondie, me par zot bann aksion, zot renie li. Zot enn bann rebel ki Bondie deteste ek zot pa vo nanye pou enn sou.

Let pou Tit 3:8

Sa enn parol sir. Mo oule ki to met lanfaz lor sa bann kestion la afin ki bann ki finn met zot lafwa dan Bondie, zot ena aker pou fer lebien devan tou dimoun, seki enn bon zafer an limem.

Eb 11:17

Kan Bondie ti teste Abraam, par lafwa li ti ofer Izaak kouma sakrifis. Abraam ki finn resevwar promes Bondie, ti pre pou sakrifie so sel garson.

Eb 13:9

Pa les tousort lansegnman etranze anbet zot. Li bon ki zot fortifie zot leker avek lagras Bondie, e non pa par bann regleman konsernan manze. Bann ki finn obzerv sa bann regleman la pa finn tir okenn benefis ladan.

Let Zak 1:16

Mo bann kamarad, pa les zot anbete.

Let Zak 2:16

Ki sa servi si to dir zot: “Orevwar, port zot bien; abiy zot bien e manze vant plin!” - si to pa donn zot seki neseser pou zot viv?

Let Zak 2:18

Kikenn kapav dir; “Enn dimoun ena lafwa e enn lot ena aksion.” Mo pou reponn li: “Montre mwa to lafwa san bann aksion! Abe mwa, mo pou prouv twa mo lafwa par mo bann aksion.”

Let Zak 2:26

Parey kouma enn lekor san lespri li mor, nou lafwa osi san bann aksion, li mor.

2 Pi 1:5

Pou sa rezon la, zot bizin fer tou zefor posib pou ki avek zot lafwa zot azout enn bon konportman, e avek zot bon konportman vre konesans Bondie.