Let Zak 1:27 - Nouvo Testaman dan Kreol Morisien

²⁷ Ala seki Bondie Papa konsider kouma vre relizion ki pena okenn tas: pran swin bann orfelin ek vev dan zot soufrans e pa les zot kontamine par lemonn.

Nouvo Testaman Kreol Morisien Harmonisation NTPS KM

²⁷ Ala seki Bondie Papa konsider kouma vre relizion ki pena okenn tas: pran swin bann orfelin ek vev dan zot soufrans e pa les zot kontamine par lemond.

Let Zak 1:27 ပူးပေါင်းရင်းမြစ်များ

Mt 12:32

Si kikenn koz kont Garson Limanite, li pou pardone, me si kikenn koz kont Lespri Sin, li pa pou pardone, ni lor later ni dan lemonn ki pe vini.

Mt 5:8

Bienere zot ki ena leker san tas, zot pou ar Bondie e zot pou trouv li.

Lk 1:6

Toulede ti pe viv drwat devan Bondie, parski zot ti pe swiv lalwa ek so bann komannman kouma bizin.

Let pou Romin 12:2

Pa rant dan moul sa lemonn la, me les Bondie transform zot par enn intelizans nouvo, pouki zot kapav diserne ki volonte Bondie, setadir seki bon, seki agreab, seki parfe.

Let pou Romin 2:13

Pa seki ekout lalwa ki drwat devan Bondie, me seki met lalwa anpratik ki Bondie deklar drwat.

Ga 1:4

Zezi Kris, finn donn limem pou nou pese e li finn delivre nou dan sa lemonn move la dapre volonte Bondie nou Papa.

Ga 3:11

Li kler ki personn pa kapav deklar limem zis devan Bondie par lalwa, parski finn ekrir: “Kikenn ki zis par lafwa, li pou viv.”

Ga 5:6

Pou kikenn ki avek Zezi Kris, sirkonsizion ou pa sirkonsizion, sa pena okenn linportans; lafwa ki azir par lamour ki konte.

Ga 6:14

Abe mwa, mo pou fer vantar akoz lakrwa nou Segner Zezi Kris; par sa lakrwa la lemonn finn fini krisifie pou mwa e mo finn fini krisifie pou lemonn.

Ef 2:2

Lontan zot ti pe viv sa lavi la; sa lepok la zot ti pe swiv bondie sa lemonn la, sa prins ki ant lesiel ek later, sa lespri ki pe azir aster parmi bann ki opoz Bondie.

1 Tim 1:5

Konpran kifer mo pe donn sa lord la. Mo oule lamour dan enn leker prop, enn konsians drwat ek enn lafwa sinser.

1 Tim 5:4

Si enn vev ena zanfan ou tizanfan, zot bizin montre li kouma met anpratik zot lafwa anver zot fami e rann zot paran ou gran paran seki zot dwa. Vremem, sa pou fer plezir Bondie.

Let pou Tit 2:12

Samem lagras ki ansegn nou rezet linkrwayans ek bann zwisans lemonn pou amenn enn lavi sinp lor later dan la zistis ek lafwa.

Let Zak 3:17

Me lasazes ki sorti depi lao, avan tou li pir; li osi pasifik, dou, amikal; li ranpli ar konpasion e li prodwir boukou bon aksion san okenn tras partipri ou ipokrizi.

Let Zak 3:9

Nou servi li pou loue Lesegner, nou Papa, e avek samem lalang nou donn malediksion dimoun ki Bondie finn kre parey kouma li.

Let Zak 4:4

Bann infidel! Eski zot pa kone ki lamitie pou lemonn vedir zot lennmi Bondie? Dimoun ki swazir kontan lemonn li fer limem vinn lennmi Bondie.

2 Pi 1:4

Koumsamem ki li donn nou sa bann don presie ki li finn promet, pouki atraver sa, zot pou evit tom dan piez move dezir e zot pou kapav partisip dan so natir divinn.

2 Pi 2:20

Ofet dimoun ki finn kapav sap dan bann move inflians lemonn akoz zot finn konn Zezi Kris, nou Segner ek Sover, apre zot remay dan lak, zot sitiasion pou vinn pir ki avan.

2 Pi 3:14

Akoz samem, mo bann bieneme, letan ki zot pe atann sa zour la, fer tou seki zot kapav pouki zot res san tas, san okenn pese e ki li trouv zot pe viv anpe avek li.

1 Zn 5:18

Nou kone ki dimoun ki pran nesans kot Bondie, pa fer pese, parski Sa-Enn ki finn pran nesans kot Bondie la protez li, e Lemal pa kapav tous li.