Let Zak 1:1 - Nouvo Testaman dan Kreol Morisien

¹ Mwa, Zak, enn serviter Bondie ek Segner Zezi Kris, Mo pe salye zot tou pep Bondie disperse dan lemonn antie.

Nouvo Testaman Kreol Morisien Harmonisation NTPS KM

¹ Mwa, Zak, enn serviter Bondie ek Segner Zezi Kris, Mo pe salie zot tou pep Bondie disperse dan lemond antie.

Let Zak 1:1 ပူးပေါင်းရင်းမြစ်များ

Mt 10:3

Filip ek Bartime; Toma ek Matie ramaser tax; Zak ti garson Alfe, e Tade,

Mt 13:55

Pa limem garson sarpantie? So mama, pa Marie? So bann frer pa Zak, Zozef, Simon ek Zida?

Mt 19:28

Zezi dir zot, “Laverite mo dir zot, dan sa nouvo lemonn la, kan Garson Limanite pou asiz lor so tronn dan laglwar, zot ki finn swiv mwa, zot osi zot pou asiz lor douz tronn pou ziz douz tribi Izrael.

Mk 3:18

ti ena osi Andre, Filip, Bartelmi, Matie, Toma, Zak garson Alfe, Tade, Simon ki ti res Kana

Lk 22:30

pouki zot manze ek bwar lor mem latab ar mwa dan mo Rwayom e ki zot siez lor tronn pou ziz douz tribi Izrael.”

Lk 6:15

Matie ek Toma, Zak garson Alfe ek Simon ki ti apel Zelot,

Zn 12:26

Si kikenn anvi servi mwa, fodre li swiv mwa; la kot mo ete, mo serviter osi pou la; si kikenn servi mwa, mo Papa pou onor li.”

Zn 7:35

Bann Zwif dir ant zotmem, “Ki kote li pe ale pou nou pa kapav trouv li? Eski li pa pou al kot bann Zwif ki finn emigre kot bann Grek, e laba li pou ansegn bann Grek osi?

Zistwar Bann Zapot 1:13

Kan zot ti ariv Zerizalem, zot ti mont dan lasam dan lakaz kot zot ti pe reste; la ti ena Pier, Zan, Zak ek Andre, Filip ek Toma, Bartelmy ek Matie; Zak garson Alfe, Simon Zelot e Zid, garson Zak.

Zistwar Bann Zapot 12:17

Pier fer enn sign ar so lame pou dir zot res trankil. Li rakont zot kouma Lesegner finn tir li dan prizon. Li dir bannla, “Al rakont sa Zak ek bann lezot frer.” Apre sa li sorti li al dan enn lot landrwa.

Zistwar Bann Zapot 15:13

Kan zot ti fini koze, Zak dir, “Bann frer ekout mwa.

Zistwar Bann Zapot 15:21

Depi lontan pe lir lalwa Moiz dan bann sinagog, ek pe anons li dan tou lavil, sak zour saba.”

Zistwar Bann Zapot 15:23

Ti donn zot enn let pou amene. Dan let la ti ekrir: “Nou, bann apot ek bann ansien, nou salye zot bann frer parmi non-Zwif ki viv dan Antios, Siri ek Silisi.

Zistwar Bann Zapot 2:5

Dan Zerizalem ti ena bann Zwif ki ti bien devoue pou Bondie, e ki ti sorti partou lor later.

Zistwar Bann Zapot 21:18

Landime Pol ti vinn ar nou pou al vizit Zak kot tou bann ansien osi ti reyni.

Zistwar Bann Zapot 23:26

“Exselans Gouverner Felix, Klod Lizias ki salye twa.

Zistwar Bann Zapot 26:7

Samem promes ki nou douz tribi pe anvi trouv akonpli, pandan ki zot loue Bondie gramatin tanto. Lerwa Agripa, akoz sa lesperans la ki bann Zwif pe akiz mwa.

Zistwar Bann Zapot 8:1

Sol ti dakor ar zot krim lor Etienn.

Let pou Romin 1:1

Mwa Pol, mo enn serviter Zezi Kris, enn apot ki Bondie finn swazire ek apele pou pres so Bonn Nouvel,

Ga 1:19

Me mo pa ti trouv okenn lezot apot apar Zak, frer Lesegner.

Ga 2:12

Ofet avan ki Zak ti avoy sertin dimoun, Pier ti pe manz avek bann payin; me ler bannla vini, li retir li, li ti per bann ki partizan sirkonsizion.

Ga 2:9

Letan Zak, Pier ek Zan, bann gran pilie legliz, rekonet lagras ki Bondie finn donn mwa, zot ser nou lame, Barnabas ek momem, kouma enn sign lakorite. Nou tom dakor ki nou al kot bann non-Zwif e zot kot bann Zwif.

Let pou Filipien 1:1

Mwa Pol ek Timote, serviter Zezi Kris. Nou pe ekrir tou bann pep Bondie dan Filip, zot bann dirizan ek bann diak.

2 Tim 4:21

Fer demars vini avan liver. Ebril, Pidens, Lin, Klodia ek tou bann frer e bann ser salye twa.

Let pou Tit 1:1

Mwa Pol, serviter Bondie, mo enn apot Zezi Kris ki finn swazir pou amenn bann krwayan dan lafwa ek gid zot dan laverite.

1 Pi 1:1

Mwa, Pier, enn apot Zezi Kris, mo pe ekrir zot, pep ki Bondie finn swazir e ki pe viv anexil inpe partou dan Pon, Galasi, Kapados, Lazi ek Bitini.

2 Pi 1:1

Mwa Simon Pier, serviter ek apot Zezi Kris. Mo pe adres zot, bann dimoun ki finn resevwar don presie lafwa kouma nou, atraver lazistis Bondie e nou Sover Zezi Kris:

Let Zid 1:1

Zid, serviter Zezi Kris ek so frer Zak pe ekrir sa let la tou bann dimoun ki finn apele par Bondie e ki viv dan lamour Bondie Papa anba proteksion Zezi Kris.

Revelasion 7:4

E mo tann kantite tou bann ki ti finn resevwar sele: ti ena san karann-kat mil dan sak tribi pep Izrael.