Let pou Tit 3:1 - Nouvo Testaman dan Kreol Morisien

¹ Rapel tou dimoun ki zot bizin respekte bann dirizan ek bann otorite sivil. Zot bizin viv dan lobeisans ek fer bann bonaksion.

Nouvo Testaman Kreol Morisien Harmonisation NTPS KM

¹ Rapel tou dimounn ki zot bizin respekte bann dirizan ek bann otorite sivil. Zot bizin viv dan lobeisans ek fer bann bon aksion.

Let pou Tit 3:1 ပူးပေါင်းရင်းမြစ်များ

Mt 22:21

Zot reponn, “Lanperer.” Li dir zot, “Rann lanperer seki pou lanperer e rann Bondie seki pou Bondie.”

1 Ko 15:58

Alor, mo bann frer ek ser, debout ferm. Pa les nanye destabiliz zot. Kontign progrese dan travay Lesegner, parski zot kone ki nanye pa perdi kan zot servi Lesegner.

Ef 2:10

Nou, nou louvraz Bondie, li finn fasonn nou, li finn kre nou dan Zezi Kris pouki nou realiz bann bonaksion ki Bondie finn prepare davans.

Let pou Filipien 1:11

zot pou ranpli ar fri lazistis ki sorti kot Zezi Kris pou laglwar ek louanz Bondie.

Let pou Kolosien 1:10

pouki zot amenn enn lavi dign Lesegner, e ki zot rod fer li plezir. Par tou saki zot pou fer de bon, zot pou prodwir bann fri e zot pou progrese dan vre konesans Bondie.

1 Tim 2:2

pou bann lerwa, tou bann ki ena lotorite, pouki lape ek trankilite regne e ki nou kapav viv dan lapiete ek dan dignite.

1 Tim 4:6

Si to expoz tou sa bann parol la ar bann frer ek ser, to pou vinn enn bon serviter Zezi Kris. Zot pou trouve ki to pe nouri twa avek parol lafwa e ki to pe swiv bon lansegnman avek serye.

1 Tim 5:10

To bizin gete si li ena bon repitasion, si li finn bien elve so bann zanfan, si li finn konn akey dimoun, si li finn met limem oservis bann frer ek ser ki vini, si li finn aport sekour bann malere, si li finn fer dibien ek bann bonaksion.

2 Tim 1:6

Ala kifer mo dimann twa gard vivan don spiritiel ki Bondie finn depoz dan to leker kan mo finn inpoz lame lor twa.

2 Tim 2:14

Pa les personn bliye tousala. Dimann zot, par nom Bondie, pa vinn diskit ninport. Tousala gaspiyaz pou zorey e li detrir dimoun ki pe ekoute.

2 Tim 2:21

Koumsamem, seki prezerv limem kont bann erer, li pou parey enn ki ena valer par so pirte. So met pou pran li bien swin ek li pou itil pou tou bann lokazion.

Let pou Tit 1:16

Zot dir ki zot konn Bondie, me par zot bann aksion, zot renie li. Zot enn bann rebel ki Bondie deteste ek zot pa vo nanye pou enn sou.

Let pou Tit 2:14

Li finn donn so lavi pou nou afin ki li tir nou dan pese ek fer nou vinn so sel pep ki destine pou fer lebien.

Let pou Tit 3:14

Bann Kretien bizin aprann servi zot letan fer bon kiksoz pou reponn bann vre bezwin. Koumsa zot pou raport bann fri.

Let pou Tit 3:8

Sa enn parol sir. Mo oule ki to met lanfaz lor sa bann kestion la afin ki bann ki finn met zot lafwa dan Bondie, zot ena aker pou fer lebien devan tou dimoun, seki enn bon zafer an limem.

Eb 13:21

Ki sa Bondie lape la, fer zot pratik tou seki bon pou zot fer so volonte; ki li realiz dan nou seki bon devan so lizie atraver Zezi Kris, pou li laglwar pou touzour.

2 Pi 1:12

Akoz samem mo panse li normal ki mo kontigne rapel zot sa bann kitsoz la, mem si zot deza konn li e ki zot bien atase ek laverite ki zot ena asterla.

Let Zid 1:5

Mem si zot konn tousala, mo anvi rapel zot kouma Lesegner finn sov so pep depi later Lezip enn fwa pou tou, me pli tar li ti detrir bann ki pa ti krwar.