Let pou Romin 8:36 - Nouvo Testaman dan Kreol Morisien

³⁶ Parey kouma finn ekrir: “Akoz twa nou dan danze lamor toulezour, tret nou kouma mouton ki pou egorze dan labousri.”

Nouvo Testaman Kreol Morisien Harmonisation NTPS KM

³⁶ Parey kouma finn ekrir: “Akoz twa nou dan danze lamor toulezour, tret nou kouma mouton ki pou egorze dan labatwar.”

Let pou Romin 8:36 ပူးပေါင်းရင်းမြစ်များ

Zn 16:2

Bannla pou met zot deor dan sinagog. Me ler pe vini kot dimoun, ki pou touy zot, pou krwar ki zot pe servi Bondie kan zot pe fer sa,

Zistwar Bann Zapot 20:24

Pou mwa mo lavi pena okenn valer; linportans, seki mo akonplir devwar ki mo finn resevwar ar Lesegner Zezi. Li finn konfie mwa pou rann temwagnaz Bonn Nouvel ki montre lagras Bondie.

Zistwar Bann Zapot 8:32

Ala pasaz Lekritir ki li ti pe lir: “Parey kouma enn mouton ki zot pe amenn labatwar kouma enn annyo bien trankil devan bann ki pe koup so lalenn, li pa ouver so labous.

1 Ko 15:30

E noumem, kifer sak ler nou met noumem andanze?

1 Ko 15:31

Sak zour mo riske mo lavi; li vre, sa. Mo fierte pou zot dan Lesegner Zezi Kris ki fer mwa dir sa, mo bann frer ek mo bann ser.

1 Ko 4:9

Mo panse ki Bondie finn met nou, ki so bann apot, dan dernie plas. Nou kouma bann ki finn kondane pou mor, enn spektak pou lemonn antie, pou bann dimoun, kouma pou bann anz.

2 Ko 1:9

Nou ti ena linpresion ki finn kondann nou amor. Me sa finn arive pouki nou pa depann lor noumem, me depann zis lor Bondie ki relev seki finn mor.

2 Ko 11:23

Bannla serviter Lekris? Mo pou dir enn foli la: mo meyer serviter ki zot. Mo finn travay plis ki zot; mo finn fer plis prizon ki zot; mo finn plis gagn bate, e mo finn pas pre ar lamor plis ki zot.

2 Ko 6:9

tret nou etranze, mem ki bien konn nou; tret nou kouma bann ki pe mor, pourtan nou bien vivan; nou soufer boukou pinision, me nou pa mor;

Let pou Filipien 3:10

Mo ena enn dezir pou konn Kris ek pwisans so rezireksion, partisip dan so soufrans, e vinn parey kouma li dan so lamor,