Let pou Romin 8:15 - Nouvo Testaman dan Kreol Morisien

¹⁵ Sa Lespri ki zot finn gagne la, li pa enn lespri esklavaz, e ki replonz zot dan lafreyer, me zot finn resevwar enn Lespri ki fer zot zanfan Bondie, e ki fer nou kriye, “Abba! Papa!”

Nouvo Testaman Kreol Morisien Harmonisation NTPS KM

¹⁵ Sa Lespri ki zot finn gagne la, li pa enn lespri esklavaz, e ki replonz zot dan lafreyer, me zot finn resevwar enn Lespri ki fer zot zanfan Bondie, e ki fer nou kriye, “Abba! Papa!”

Let pou Romin 8:15 ပူးပေါင်းရင်းမြစ်များ

Mt 25:25

Mo finn gagn per, e mo finn al kasiet talan la anba later. Ala, mo rann ou li.’

Mk 14:36

Li dir, “Abba! Pa! Pou twa tou posib; tir sa koup la devan mwa, me fer ki tou arive dapre to volonte, pa dapre mo volonte.”

Lk 11:2

Lerla li dir zot, “Kan zot priye, dir: Papa, ki to nom sanktifie; fer to regn vini.

Lk 22:42

Li dir, “Papa, si to kapav, tir sa koup la devan mwa; me pa fer mo volonte, me to volonte.”

Lk 8:28

Kan li trouv Zezi, li zet so lekor devan Zezi e li kriye for-for, “Ki to oule ar mwa, Zezi, Garson Bondie Treo? Mo sipliy twa, pa tourmant mwa.”

Lk 8:37

Lerla tou bann abitan dan lezanviron ek bann Zerazenien dimann Zezi kit zot lavil ale parski zot ti gagn enn gran lafreyer. Alors Zezi rant dan pirog e li retourne.

Zn 16:8

Kan li vini, li pou prouve ki lemonn pa kone ki ete pese, lazistis ek zizman.

Zn 20:17

Zezi dir, “Pa tous mwa, parski mo pankor mont kot mo Papa. Al kot mo bann frer e dir zot, ‘Mo pe al kot mo Papa ek zot Papa, kot mo Bondie ek zot Bondie.’ ”

Zistwar Bann Zapot 16:29

Gard la dimann fer li gagn lalimier e li galoup andan. Li tranble ar laper, li tom devan Pol ek Silas.

Zistwar Bann Zapot 2:37

Letan bann dimoun tann sa zot ti boulverse dan zot leker, zot dir Pier e lezot apot, “Frer, ki nou bizin fer?”

Let pou Romin 8:16

Lespri Bondie zwenn li ansam ar nou lespri pou deklare ki nou zanfan Bondie.

Let pou Romin 8:23

Me pa zis kreasion ki pe soupire. Nou osi; nou ki ena premie fri Lespri, nou soupire dan fon noumem pandan ki nou pe atann ki Bondie adopte nou, e akord nou delivrans total.

Let pou Romin 8:26

Dan mem manier Lespri vinn ed nou dan nou febles, parski nou pa konn priye kouma bizin, me Lespri limem intersed pou nou par bann soupir ki pa kapav exprime par okenn parol.

Let pou Romin 9:4

Zot bann Izraelit. Bondie finn adopte zot; li finn donn zot so laglwar, bann lalians, ek bann promes;

1 Ko 2:12

Nou pa finn resevwar lespri lemonn, me Lespri ki sorti kot Bondie pouki nou kapav rekonet bann don ki li donn nou dan so bonte.

2 Ko 11:4

Anefe, zot kapav toler ninport kisannla ki vinn pres enn Zezi diferan ar seki nou finn anons zot; zot pare pou resevwar enn lot lespri e enn lot Bonn Nouvel ki diferan ar Lespri e Bonn Nouvel ki nou finn anons zot.

Ga 2:4

malgre ki enn bann fos frer ti glis anba-anba pou espionn liberte ki nou ena dan Zezi Kris e pou anprizonn nou dan lalwa.

Ga 5:1

Kris finn liber nou pouki nou vinn vremem lib. Alor zot bizin tini ferm, pa les zot kraze anba fardo lesklavaz ankor.

Ef 1:5

Dan lamour li finn predestinn nou pou vinn so bann zanfan adoptif par Zezi Kris, dapre so volonte ek so plezir.

2 Tim 1:7

Lespri ranpli nou avek lafors, lamour ek kontrol lor noumem.

Eb 2:15

Li delivre tou bann ki ti pe pas tou zot lexistans dan lesklavaz, akoz zot per lamor.

Let Zak 2:19

Zot krwar ki ena enn sel Bondie; zot fer bien. Mem bann demon osi krwar sa - e zot tranble avek laper.

1 Zn 4:18

Pena okenn lafreyer dan lamour; vre lamour repous tou freyer. Lafreyer li liye ar pinision, e tou dimoun ki gagn per, li pa ankor viv vre lamour.