Let pou Romin 6:22 - Nouvo Testaman dan Kreol Morisien

²² Asterla zot finn lib par rapor ar pese e zot finn vinn esklav Bondie, zot ena sanktifikasion pou fri, ek so rezilta li lavi eternel.

Nouvo Testaman Kreol Morisien Harmonisation NTPS KM

²² Aster-la zot finn lib par rapor ar pese e zot finn vinn esklav Bondie, zot ena sanktifikasion pou fri, ek so rezilta li lavi eternel.

Let pou Romin 6:22 ပူးပေါင်းရင်းမြစ်များ

Mt 13:40

Parey kouma nou ramas bann move lerb pou brile, koumsamem li pou ete ler lafin-dimonn arive.

Mt 13:43

Lerla, bann ki finn res fidel pou briye kouma lalimier soley dan rwayom zot Papa. Seki ena zorey ava tande.”

Mt 19:29

Dimoun ki finn kit lakaz, frer, ser, papa, mama, zanfan ek zot later akoz mwa, pou resevwar san fwa plis e zot pou erit lavi eternel.

Mt 25:46

E sa bann la pou pini pou toultan, me bann zis, zot pou gagn lavi eternel.”

Zn 15:16

Pa zot ki finn swazir mwa, me mwa ki finn swazir zot. Mo finn donn zot mision, ale, raport fri e ki zot fri dire. Lerla tou seki zot demann mo Papa lor mo nom, li pou donn zot.

Zn 15:2

Tou brans ki lor sa pie la e ki pa raporte, mo Papa tir zot zete; me tou brans ki raporte, li tay zot pouki zot donn ankor plis.

Zn 4:36

Kouper la pe deza tous so lapey e li pe ramas so rekolt pou lavi eternel; lerla, toulede, planter ek kouper pou fet lakoup ansam.

Zn 8:32

Zot pou konn laverite e laverite pou rann zot lib.”

Let pou Romin 6:14

Anefe, pese pou nepli dominn zot parski zot nepli anba lalwa, me zot pe viv dan lagras Bondie.

Let pou Romin 6:18

Bondie finn liber zot depi zot pese e zot finn vinn esklav lazistis.

Let pou Romin 6:21

Ki profi zot ti gagne dan enn lavi ki ti pe kondir zot ver lamor e ki zordi fer zot gagn onte? Sa bann louvraz la amenn lamor!

Let pou Romin 7:25

Granmersi Bondie, par nou Segner Zezi Kris! Par mo lintelizans mo esklav Bondie, me par mo lekor mo esklav lalwa pese.

Let pou Romin 7:4

Li parey pou zot mo bann frer, mo bann ser. Par rapor ar lalwa zot finn mor, parski zot fer parti lekor Lekris, pouki zot apartenir ar enn lot ki finn resisite depi bann mor, koumsa nou kapav raport fri pou Bondie.

Let pou Romin 8:2

Anefe, lalwa Lespri Sin ki donn lavi par Zezi Kris finn liber twa depi lalwa pese ek lamor.

1 Ko 7:22

Parski enn esklav ki Lesegner apele li enn zom lib ki depann lor Lesegner; parey, zom lib ki Lekris apele, li so esklav.

2 Ko 3:17

Lesegner limem Lespri, ek la kot Lespri prezan, la ena liberte.

Ga 1:10

Asterla, eski mo pe rod faver bann imin oubien faver Bondie? Eski mo pe sey fer plezir bann imin? Si mo ti ankor pe fer plezir bann zom, alor mo pa ti pou enn serviter Zezi Kris.

Ga 5:13

Me zot, mo bann frer ek ser, finn apel zot pouki zot lib. Selma fode pa zot mal servi zot liberte e viv dapre zot prop natir imin. Okontrer, les zot gide par lamour e met zot oservis zot bann kamarad.

Ga 5:22

Me bann fri ki Lespri li prodwir, li lamour, lazwa, lape, pasians, bonte, konpreansion, fidelite,

Ef 5:9

Fri lalimier li dan tou seki bon, tou seki bien, tou seki vre.

Let pou Filipien 1:11

zot pou ranpli ar fri lazistis ki sorti kot Zezi Kris pou laglwar ek louanz Bondie.

Let pou Filipien 4:17

Mo pa zis anvi rod enn donasion ki pou mo prop benefis.

Let pou Kolosien 1:10

pouki zot amenn enn lavi dign Lesegner, e ki zot rod fer li plezir. Par tou saki zot pou fer de bon, zot pou prodwir bann fri e zot pou progrese dan vre konesans Bondie.

Let pou Kolosien 4:12

Epafras, ki enn parmi zot e enn serviter Zezi Kris, dir zot bonzour. Li touzour priy pou zot avek tou so leker, pouki zot res ferm, avek bann konviksion for, e ki zot donn enn wi total pou fer volonte Bondie.

Let pou Tit 1:1

Mwa Pol, serviter Bondie, mo enn apot Zezi Kris ki finn swazir pou amenn bann krwayan dan lafwa ek gid zot dan laverite.

Eb 12:14

Sey viv anpe avek tou dimoun, viv enn lavi sin, parski san sa, personn pa pou kapav trouv Lesegner.

Let Zak 1:1

Mwa, Zak, enn serviter Bondie ek Segner Zezi Kris, Mo pe salye zot tou pep Bondie disperse dan lemonn antie.

1 Pi 1:9

parski zot pe rekolte fri zot lafwa; delivrans zot lam.

1 Pi 2:16

Konport zot kouma bann dimoun lib. Pa bizin servi zot liberte kouma enn vwal pou kasiet lemal, me azir kouma serviter Bondie.

Revelasion 7:13

Apre enn parmi bann ansien adres mwa laparol, li dir, “Ki sannla sa bann dimoun ki finn abiy an blan la, e kot zot sorti?”