Let pou Romin 6:21 - Nouvo Testaman dan Kreol Morisien

²¹ Ki profi zot ti gagne dan enn lavi ki ti pe kondir zot ver lamor e ki zordi fer zot gagn onte? Sa bann louvraz la amenn lamor!

Nouvo Testaman Kreol Morisien Harmonisation NTPS KM

²¹ Ki profi zot ti gagne dan enn lavi ki ti pe kondir zot ver lamor e ki zordi fer zot gagn onte? Sa bann louvraz-la amenn lamor!

Let pou Romin 6:21 ပူးပေါင်းရင်းမြစ်များ

Let pou Romin 1:32

Zot konn zizman Bondie: seki viv koumsa merit lamor. Pourtan zot pa selma kontigne fer sa bann zafer la, zot osi ankouraz lezot pou pratik sa.

Let pou Romin 5:12

Par enn zom pese finn vinn dan lemonn, e lamor finn rantre par pese, e lamor finn tous tou dimoun, parski tou finn fer pese.

Let pou Romin 6:16

Eski zot pa kone kan zot livre zotmem kouma enn esklav pou obeir enn dimoun, zot esklav sa dimoun ki zot pe obeir la? Swa zot esklav pese ki ena pou rezilta lamor ou esklav lobeisans ki ena pou rezilta lavi drwat devan Bondie.

Let pou Romin 6:23

Saler pese, li lamor, me don Bondie li lavi eternel dan Zezi Kris nou Segner.

Let pou Romin 7:5

Letan nou ti kontrole par nou natir imin, bann move dezir provoke par lalwa ti pe azir dan nou lekor e nou ti pe raport fri ki amenn lamor.

Let pou Romin 8:13

Si zot viv dapre natir pese, zot pou mor. Me si par Lespri zot touy aksion natir pese, alor la, zot pou viv.

Let pou Romin 8:6

Si natir imin ki pe kontrole, sa li amenn lamor; me si Lespri ki dirize, sa li donn lavi ek lape.

2 Ko 4:2

Nou finn renons bann plan ki fer dan kasiet ek dan laont; nou pena aksion ki desevwar lezot e nou pa falsifie parol Bondie. Okontrer nou fer konn laverite dan enn fason kler devan konsians tou dimoun dan prezans Bondie.

2 Ko 7:11

Get enn kou rezilta tristes selon Bondie: wi, gete ki kalite bonn volonte zot ena, komie zot prese pou defann zotmem, ki indignasion zot ena, lafreyer osi, dezir pou retrouv mwa, zel ki zot ena, lanvi pou pini lemal. Zot finn prouve ki zot inosan dan sa zafer la.

Let pou Filipien 3:19

Zot pe al ver zot destriksion; zot vant samem zot Bondie, zot fier pou kiksoz ki ti bizin fer zot onte; zot mazinn zis bann zafer sa lemonn la.

Eb 10:29

Ki pou ariv sa dimoun ki mepriz Garson Bondie, ki tret bonavini disan lalians Bondie ki finn pirifie li e ki insilte Lespri lagras? Zot kapav devine ki kantite sever so pinision pou ete!

Eb 6:8

Me si later la raport pikan ek move lerb, li pa vo nanye, li pe pas pre ar malediksion, e li pou fini dan dife.

Let Zak 1:15

Lerla, kan sa dezir la finn forme, li donn nesans pese, e kan pese grandi li donn lamor.

Let Zak 5:20

rapel bien: dimoun ki retir enn peser dan trou, li pou sov lam sa peser la depi lamor, e enn kantite pese pou pardone.

1 Pi 4:17

Ler finn arive kot zizman pou koumanse lor pep Bondie; si li koumans avek nou, kouma sa pou ete avek lezot ki dezobeir Bonn Nouvel ki sorti kot Bondie?

1 Zn 2:28

Asterla mo bann zanfan, res ini avek li, pouki ler li revel li, nou kapav ranpli ar lasirans, e nou pa onte devan li zour ki li vini.

Revelasion 16:6

Parski zot finn vers disan lepep Bondie ek profet, to finn donn zot disan pou bwar. Samem ki zot merite!”

Revelasion 20:14

Apre ti zet lamor ek Ades dan basin dife. Basin dife, samem deziem lamor.