Let pou Romin 6:19 - Nouvo Testaman dan Kreol Morisien

¹⁹ Mo pe explik sa dan langaz sinp parski zot natir feb. Parey kouma zot ti abitie livre zot lekor pou esklavaz inpirte ek lemal ki deplizanpli pe grandi, asterla ofer zotmem kouma esklav lavi drwat devan Bondie ki pou amenn zot ver enn lavi sin.

Nouvo Testaman Kreol Morisien Harmonisation NTPS KM

¹⁹ Mo pe explik sa dan langaz sinp parski zot natir feb. Parey kouma zot ti abitie livre zot lekor pou esklavaz inpirte ek lemal ki deplizanpli pe grandi, aster-la ofer zotmem kouma esklav lavi drwat devan Bondie ki pou amenn zot ver enn lavi sin.

Let pou Romin 6:19 ပူးပေါင်းရင်းမြစ်များ

Mt 4:23

Zezi finn al partou dan Galile, li ti pe ansegne dan zot sinagog, li ti pe proklam Bonn Nouvel lor size Rwayom Bondie. Li ti geri bann dimoun avek toutsort kalite malad.

Let pou Romin 15:1

Nou ki for dan lafwa, nou bizin ed bann ki feb, e pa zis rod seki fer noumem plezir.

Let pou Romin 3:5

Me si bann move kiksoz ki nou fer montre lazistis Bondie, ki nou pou dir? Bondie pa zis parski li pini nou? La mo koz kouma enn imin.

Let pou Romin 6:13

Pa livre diferant parti zot lekor pouki pese fer zot vinn instriman move kiksoz; okontrer ofer zotmem Bondie kouma bann dimoun vivan ki finn sorti depi dan lamor, e ofer zotmem anantie kouma instriman pou enn lavi drwat devan Bondie.

Let pou Romin 7:23

Me mo trouv enn lot lalwa ki pe fer so louvraz dan mo lekor, li pe fer lager ar lalwa mo lintelizans. Li fer mwa prizonie lalwa pese ki pe travay dan mo lekor.

Let pou Romin 8:26

Dan mem manier Lespri vinn ed nou dan nou febles, parski nou pa konn priye kouma bizin, me Lespri limem intersed pou nou par bann soupir ki pa kapav exprime par okenn parol.

1 Ko 5:6

Li pa korek ki zot fier. Zot bien kone ki enn tigit levin fer lapat antie gonfle.

1 Ko 6:11

Ala kouma sertin parmi zot ti ete. Me nou Segner Zezi ek Lespri Bondie finn pirifie zot, finn sanktifie zot, ek finn met zot drwat devan Bondie.

1 Ko 9:8

Pa zis dan lavi toulezour ki mo tir bann lexanp. Lalwa Moiz osi dir sa.

Ga 3:15

Mo bann frer, mo bann ser, mo pou donn zot enn lexanp ki tou dimoun servi: enn fwa ki enn testaman finn etabli, personn pa kapav kas li, oubien azout kiksoz ar li.

Eb 12:15

Zot bizin veye ki personn pa detourn li kont lagras Bondie; ki zot pa vinn kouma bann rasinn amer ranpli ar pwazon ki kapav anpwazonn boukou dimoun.

Eb 4:15

Nou pena enn gran pret ki pa kapav sinpatiz ar nou dan nou febles, me nou ena enn ki finn konn tantasion dan tousort fason, me ki pa finn fer pese.