Let pou Romin 5:18 - Nouvo Testaman dan Kreol Morisien

¹⁸ Alor, parey kouma fot enn sel finn amenn kondanasion tou dimoun, dan mem manier aksion zis enn sel dimoun, Zezi Kris, sap tou dimoun depi zizman, rann zot lib pou viv.

Nouvo Testaman Kreol Morisien Harmonisation NTPS KM

¹⁸ Alor, parey kouma fot enn sel finn amenn kondanasion tou dimounn, dan mem manier aksion zis enn sel dimounn, Zezi Kris, sap tou dimounn depi zizman, rann zot lib pou viv.

Let pou Romin 5:18 ပူးပေါင်းရင်းမြစ်များ

Zn 1:7

Li ti vini kouma temwin pou donn so temwagnaz lor lalimier e pouki tou dimoun krwar.

Zn 12:32

E mwa, kan bannla pou lev mwa lao depi lor later, mo pou atir tou dimoun ar mwa.”

Zn 3:26

Zot vinn get Zan e zot dir li, “Rabi, dimoun lor ki to finn temwagne-la e ki ti avek twa lot kote Zourdin, ala, li osi li pe batize e tou dimoun pe al ar li.”

Zistwar Bann Zapot 13:39

Par Zezi tou dimoun ki krwar pe gagn liberasion so bann pese ki lalwa Moiz pa ti kapav fer.

Let pou Romin 3:25

Bondie finn ofer li kouma sakrifis pouki par lamor Lekris dimoun gagn pardon zot pese par lafwa ki zot ena dan li. Li ti fer sa pou montre so zistis, parski dan so pasians li ti les bann pese ki ti komet avan res san pinision;

Let pou Romin 4:25

Li ti finn livre dan lame lamor pou nou bann pese, e li finn releve pou rann nou zis devan Bondie.

Let pou Romin 5:12

Par enn zom pese finn vinn dan lemonn, e lamor finn rantre par pese, e lamor finn tous tou dimoun, parski tou finn fer pese.

Let pou Romin 5:15

Me nou pa kapav konpar sa de la; parski don gratwi Bondie pa parey kouma fot ki Adam finn fer. Enn kantite finn mor akoz fot sa enn dimoun la; panse aster ki kantite dimoun finn touse par don gratwi ki Bondie finn done par lagras enn sel dimoun, Zezi Kris.

Let pou Romin 5:19

Par dezobeisans enn sel, boukou dimoun finn tom dan pese, dan mem manier, par lobeisans enn sel, boukou dimoun revinn zis devan Bondie.

Let pou Romin 6:14

Anefe, pese pou nepli dominn zot parski zot nepli anba lalwa, me zot pe viv dan lagras Bondie.

1 Ko 15:22

Tou bann dimoun mor parski zot lie ar Adam; dan Lekris tou pou gagn lavi.

Eb 2:9

Me nou trouv Zezi, ki pou enn tipe letan finn met li pli ba ki bann anz. Nou trouv li kourone avek laglwar e loner parski li finn soufer lamor. Par lagras Bondie, li finn gout lamor pou tou dimoun.

2 Pi 1:1

Mwa Simon Pier, serviter ek apot Zezi Kris. Mo pe adres zot, bann dimoun ki finn resevwar don presie lafwa kouma nou, atraver lazistis Bondie e nou Sover Zezi Kris:

1 Zn 2:20

Me zot, zot finn resevwar lonksion sorti kot Sa Enn ki Sin e zot ena konesans laverite.