Let pou Romin 5:17 - Nouvo Testaman dan Kreol Morisien

¹⁷ Lamor finn manifeste so pouvwar par fot enn sel dimoun; mazine aster konbien plis bann ki resevwar lagras Bondie dan labondans, ansam ar don lazistis, konbien plis zot pou regne dan lavi akoz enn sel dimoun: Zezi Kris.

Nouvo Testaman Kreol Morisien Harmonisation NTPS KM

¹⁷ Lamor finn manifeste so pouvwar par fot enn sel dimounn; mazine aster komie plis bann ki resevwar lagras Bondie dan labondans, ansam ar don lazistis, komie plis zot pou regne dan lavi akoz enn sel dimounn: Zezi Kris.

Let pou Romin 5:17 ပူးပေါင်းရင်းမြစ်များ

Mt 25:34

Alor lerwa pou dir ar bann ki dan kote drwat, ‘Vini, zot ki mo papa finn beni. Resevwar rwayom ki Bondie finn prepare pou zot depi kreasion lemonn.

Zn 10:10

Voler vini zis pou kokin, touye ek detrir; mwa, mo finn vini pou zot gagn lavi, e pouki zot gagn li anabondans.

Let pou Romin 5:12

Par enn zom pese finn vinn dan lemonn, e lamor finn rantre par pese, e lamor finn tous tou dimoun, parski tou finn fer pese.

Let pou Romin 5:15

Me nou pa kapav konpar sa de la; parski don gratwi Bondie pa parey kouma fot ki Adam finn fer. Enn kantite finn mor akoz fot sa enn dimoun la; panse aster ki kantite dimoun finn touse par don gratwi ki Bondie finn done par lagras enn sel dimoun, Zezi Kris.

Let pou Romin 5:20

Ler Lalwa finn vini, bann pese finn ogmante. Me la kot pese ti ogmante, lagras dan so abondans ti ogmant ankor plis.

Let pou Romin 6:14

Anefe, pese pou nepli dominn zot parski zot nepli anba lalwa, me zot pe viv dan lagras Bondie.

Let pou Romin 6:23

Saler pese, li lamor, me don Bondie li lavi eternel dan Zezi Kris nou Segner.

Let pou Romin 8:39

ni bann lafors lao, ni bann lafors anba, ni okenn lot kiksoz dan kreasion, kapav separ nou ar lamour ki Bondie ena pou nou dan Kris Zezi nou Segner.

1 Ko 15:49

Parey kouma nou ti resanble dapre zom ki sorti dan later, parey nou pou kouma zom ki sorti lesiel.

1 Ko 4:8

Zot deza ena tou seki zot oule! Zot deza finn vinn ris! Zot finn vinn bann lerwa, alor ki nou, nou bann nanye ditou! A, si selma zot ti vremem bann lerwa! Koumsa nou ti pou kapav lerwa nou osi ansam ar zot.

Let pou Filipien 3:9

e mo ini avek li. Mo pa kapav dir ki mo zis akoz mo pratik lalwa. Mo lazistis li baze lor lafwa dan Kris, enn lazistis ki sorti kot Bondie, baze lor lafwa.

1 Tim 1:14

Nou Segner finn vers lor mwa ankor plis lagras e li finn akord mwa lafwa ek lamour ki dan Zezi Kris.

2 Tim 2:12

Si nou res ferm avek li, nou pou regn avek li. Si arive nou renie li, li osi li pou renie nou.

Let Zak 2:5

Mo bann frer ek ser bieneme, ekout mwa: Bondie finn swazir bann ki pov dapre lemonn pouki zot vinn ris dan lafwa e posed rwayom ki finn promet bann ki kontan li.

1 Pi 2:9

Me zot, okontrer, zot enn ras ki Bondie finn swazire, bann pret rwayal, enn nasion sin, Bondie so prop pep ki finn swazir pou proklam bann mervey Sa Enn ki finn apel zot pou sorti dan teneb pou rant dan so lalimier merveye.

Revelasion 1:6

Li finn fer nou vinn enn rwayom pret pou servi Bondie Papa. Laglwar ek pwisans pou Zezi Kris pou touzour. Amen.

Revelasion 20:4

Lerla mo trouv bann tronn, e bann ki ti pe asiz lor sa bann tronn la ti ena lotorite pou zize. Mo ti trouv osi nam bann dimoun ki zot latet ti koupe akoz zot temwagnaz lor Zezi ek parol Bondie. Zot pa ti ador Bebet ni so zimaz e zot pa ti resevwar so mark lor zot fron ou zot lame. Zot ti regagn lavi e zot ti regne avek Kris pandan mil an.

Revelasion 20:6

Bann ki ti partaz sa premie rezireksion la, zot ti vremem ere ek sin. Deziem lamor pena okenn pouvwar lor zot. Zot pou vinn pret pou Bondie ek Kris, e zot pou regn avek li pandan mil an.

Revelasion 22:5

Nepli pou ena lanwit; personn pa pou bizin lalimier flanbo ou lalimier soley; Segner Bondie, limem pou zot lalimier, e zot pou regne pou touzour.

Revelasion 3:21

Dimoun ki gagn laviktwar, mo pou permet li asiz lor mo tronn parey kouma mo osi, apre ki mo ti gagn laviktwar, mo ti asiz avek mo papa lor so tronn.