Let pou Romin 5:10 - Nouvo Testaman dan Kreol Morisien

¹⁰ Nou ti bann ennmi Bondie, me nou finn rekonsilie ar li par lamor so Garson; aster ki nou rekonsilie ar li, ena plis rezon ki nou pou sove par lavi so Garson.

Nouvo Testaman Kreol Morisien Harmonisation NTPS KM

¹⁰ Nou ti bann lennmi Bondie, me nou finn rekonsilie ar li par lamor so Garson; aster ki nou rekonsilie ar li, ena plis rezon ki nou pou sove par lavi so Garson.

Let pou Romin 5:10 ပူးပေါင်းရင်းမြစ်များ

Zn 14:19

Dan enn tigit letan ankor, lemonn nepli pou trouv mwa me zot, zot pou kontigne trouv mwa parski mo pou viv e zot osi zot pou viv.

Zn 5:26

Parey kouma Papa la lasours lavi, par enn don so Papa, Garson la osi lasours lavi.

Zn 6:40

Samem volonte mo Papa: tou dimoun ki trouv so Garson e krwar dan li, pou gagn lavi eternel, e mwa mo pou resisit zot dan dernie zour.”

Zn 6:57

Parey kouma mo Papa ki lasours lavi finn avoy mwa, e mwa mo viv par li, parey seki manz mwa, li osi pou viv par mwa.

Let pou Romin 11:28

Konsernan Bonn Nouvel, bann Zwif lennmi Bondie, e sa tom bien pou zot bann non-Zwif; me konsernan seki Bondie finn swazire, bannla touzour bann dimoun ki Bondie kontan akoz zot anset,

Let pou Romin 5:11

Ek ena plis ankor: nou met nou fierte dan Bondie par nou Segner Zezi Kris, par ki, aster, nou finn rekonsilie ar Bondie.

Let pou Romin 5:6

Letan nou ti ankor feb, Lekris ti mor pou bann peser dan letan ki ti finn fixe.

Let pou Romin 8:32

Li pa finn epargn so prop Garson, me finn livre li pou nou; si li pe donn nou so prop garson, eski li pa pou donn nou tou seki bizin par so lagras?

Let pou Romin 8:34

Ki sannla kapav kondann zot? Personn. Parski Lekris limem ki ti mor, me plis ki sa, li finn resisite e li adrwat Bondie pou intersed pou nou.

Let pou Romin 8:7

Bann dimoun ki preokipe par natir imin zot ennmi Bondie, parski sa natir la li pa soumet li ar lalwa Bondie, dayer li mem pa kapav fer li.

2 Ko 5:20

Alor dan nom Lekris, nou vinn bann anbasader, komsi Bondie pe fer so lapel atraver nou; dan nom Lekris nou sipliye zot: les zot rekonsilie avek Bondie.

2 Ko 5:21

Lekris pa ti ena pese, me Bondie finn met nou pese lor li, pouki letan nou ini ansam ar li, nou rant dan enn lavi akseptab devan Bondie.

Ef 2:16

Par mwayin lakrwa li ti rekonsilie toulede dan enn sel lekor avek Bondie. Par lakrwa li ti touy laenn.

Ef 2:3

Nou osi, nou tou ti parmi sa bann la, nou ti pe viv dapre bann dezir natir pese, nou ti pe fer volonte nou natir e swiv so bann inpilsion. Nou ti vwe pou gagn koler Bondie kouma lezot.

Eb 2:17

Pou sa rezon la, li bizin vinn parey kouma so bann frer e ser dan tou fason, pou li kapav vinn enn gran pret fidel ek ranpli ar mizerikord dan servis Bondie, e pouki bann pese dimoun pardone.

Eb 7:25

Alor samem li kapav sov dimoun ki vinn kot Bondie atraver li, parski li touzour vivan pou pled dan zot faver.

1 Zn 2:1

Mo bann ti zanfan, mo pe ekrir zot tousala pouki zot pa fer pese. Me si kikenn fer pese nou ena enn avoka kot Bondie Papa: Zezi Kris ki zis.

1 Zn 4:10

Ala ki vedir lamour: pa nou ki finn kontan Bondie me Bondie ki finn kontan nou e li finn avoy so garson sakrifie limem pou nou pese.

Revelasion 1:18

momem lasours lavi, mo ti finn mor, asterla gete, mo vivan pou leternite; e mo ena pouvwar lor lamor e mo posed lakle laport Ades.