Let pou Romin 3:9 - Nouvo Testaman dan Kreol Morisien

⁹ Alors ki nou konklizion? Eski nou, bann Zwif, nou dan meyer kondision ki lezot devan Bondie? Pa ditou! Mo finn deza montre ki tou dimoun, Zwif oubien Grek, nou tou anba dominasion pese.

Nouvo Testaman Kreol Morisien Harmonisation NTPS KM

⁹ Alors ki nou konklizion? Eski nou, bann Zwif, nou dan meyer kondision ki lezot devan Bondie? Pa ditou! Mo finn deza montre ki tou dimounn, Zwif oubien Grek, nou tou anba dominasion pese.

Let pou Romin 3:9 ပူးပေါင်းရင်းမြစ်များ

Lk 7:39

Letan Farizien ki ti invit Zezi trouv sa, li dir dan limem, “Si vremem li ti enn profet li ti pou kone ki kalite fam pe tous li e ki li enn fam move lavi.”

Let pou Romin 1:18

Depi lesiel lao, Bondie montre so koler kont tou pese e tou linzistis ki dimoun komet, e par sa bann move aksion la zot touf laverite.

Let pou Romin 11:32

Parski Bondie finn anferm tou dimoun dan dezobeisans pouki li montre so konpasion lor tou dimoun.

Let pou Romin 11:7

Ki arive alor? Lepep Izrael pa finn gagn seki li ti pe rode; zis sa ti group ki Bondie ti swazire la ki finn trouv lagras. Leres, zot leker finn vinn dir.

Let pou Romin 2:1

Zot ki fer zizman lor enn lot, zot pena okenn exkiz, parski letan zot ziz enn lot alor ki zot, zot fer mem aksion, zot pe kondann zotmem.

Let pou Romin 3:1

Eski kan ou Zwif ou ena kik lavantaz? Ki valer sirkonsizion ena?

Let pou Romin 3:19

Nou kone ki seki lalwa dir, li pe adres li ar bann seki anba lalwa, pouki tou labous ferme ek ki lemonn antie rekonet ki li anba zizman Bondie.

Let pou Romin 3:5

Me si bann move kiksoz ki nou fer montre lazistis Bondie, ki nou pou dir? Bondie pa zis parski li pini nou? La mo koz kouma enn imin.

Let pou Romin 6:15

Abe ki nou pou dir la? Eski nou pou fer pese parski nou nepli anba lalwa, me dan lagras Bondie? Pena sime!

Let pou Romin 7:14

Nou kone ki lalwa li spiritiel; me mwa mo pa spiritiel, mo kouma enn esklav ki obeir pese.

1 Ko 10:19

Zot panse ki par sa, mo pe dir ki enn idol ou bien sakrifis ki finn ofer li ena kik valer?

1 Ko 14:15

Alor ki mo bizin fer? Mo pou priye inspire par Lespri, me mo pou osi priye avek mo lintelizans. Mo pou sant avek mo lespri, me mo pou osi sant avek mo lintelizans.

1 Ko 4:7

Dan ki manier to panse to pli siperyer ki enn lot? Tou seki to ena, to pa finn gagn sa ar Bondie? Si li koumsa, kifer to fer vantar komsi seki to ena la, to pa finn gagn li ankado?

Ga 3:10

Dimoun ki depann lor lobeisans lalwa, li deza anba malediksion. Dan Lekritir finn dir: “Dimoun ki pa obzerv ek obeir tou seki finn ekrir dan lalwa pou modi.”

Ga 3:22

Me Lekritir deklare ki lemonn antie prizonie pouvwar pese, pouki promes Bondie li realize pou bann krwayan akoz zot lafwa dan Zezi Kris.

Let pou Filipien 1:18

Pa fer nanye! Seki inportan, mem avek aryer panse ou dan laverite, ki zot anons Kris. Akoz samem mo dan lazwa. Mo pou kontigne rezwir ankor,