Let pou Romin 3:22 - Nouvo Testaman dan Kreol Morisien

²² Bondie rann nou zis devan li par lafwa ki nou ena dan Zezi Kris. Li tret tou dimoun egal,

Nouvo Testaman Kreol Morisien Harmonisation NTPS KM

²² Bondie rann nou zis devan li par lafwa ki nou ena dan Zezi Kris. Li tret tou dimounn egal,

Let pou Romin 3:22 ပူးပေါင်းရင်းမြစ်များ

Lk 15:22

Me papa la dir ar so bann serviter, ‘Degaze, amenn pli bon kostim, abiy li, met enn bag dan so ledwa, met soulie dan so lipie.

Zistwar Bann Zapot 11:12

Lespri Sin dir mwa al ar zot san okenn ezitasion. Sa sis frer la finn al ar mwa kot Korney e nou finn rant dan so lakaz.

Zistwar Bann Zapot 15:9

Li pa finn fer okenn diferans ant zot ek nou, li finn pirifie zot leker par lafwa.

Zistwar Bann Zapot 3:16

Sa zom ki zot trouve e ki zot kone la finn retrouv so lafors par lafwa dan nom Zezi Kris. Par sa nom lamem e so lafwa dan Zezi ki li finn regagn so lasante, kouma zot tou zot inn trouve.

Let pou Romin 1:17

Bonn Nouvel revel kouma Bondie amenn drwatir. Zis lafwa tousel ki fer sa, depi komansman ziska lafin, parey kouma Lekritir deklare, “Dimoun ki drwat par lafwa, pou viv.”

Let pou Romin 10:12

Pena okenn diferans ant Zwif ek non-Zwif; toulede ena mem Segner ki beni avek labondans tou seki invok li,

Let pou Romin 10:4

Lekris finn amenn lalwa ver so lafin, pouki tou seki krwar Bondie, zot zistifie.

Let pou Romin 2:1

Zot ki fer zizman lor enn lot, zot pena okenn exkiz, parski letan zot ziz enn lot alor ki zot, zot fer mem aksion, zot pe kondann zotmem.

Let pou Romin 3:30

parski Bondie enn sel, e li pou zistifie bann ki pratik sirkonsizion akoz zot lafwa, e li pou zistifie bann ki pa pratik sirkonsizion akoz zot lafwa.

Let pou Romin 4:16

Pou sa rezon la, promes la baze lor lafwa pouki li enn don Bondie e li valab pou tou bann desandan Abraam; pa zis pou dimoun ki obeir lalwa, me osi pou dimoun ki krwar, parey kouma Abraam ti krwar. Pou nou tou Abraam enn papa spiritiel.

Let pou Romin 8:1

Asterla pena okenn kondanasion pou bann dimoun ki dan Zezi Kris.

Let pou Romin 9:30

Ki nou kapav dir alor? Bann non-Zwif ki pa ti pe rod rann zot drwat devan Bondie, finn vinn drwat par lafwa;

1 Ko 12:13

E nou tou, ki nou Zwif ou non-Zwif, esklav ou lib, nou tou finn batize pou form enn sel lekor par mem Lespri, e Bondie finn donn nou tou mem Lespri dan nou leker.

1 Ko 4:7

Dan ki manier to panse to pli siperyer ki enn lot? Tou seki to ena, to pa finn gagn sa ar Bondie? Si li koumsa, kifer to fer vantar komsi seki to ena la, to pa finn gagn li ankado?

Ga 2:16

Pourtan nou kone ki enn dimoun pa zistifie par pratik lalwa me par so lafwa dan Zezi Kris. Nou osi, nou finn krwar dan Zezi Kris, pouki nou zistifie par Zezi Kris, e pa par pratik lalwa, parski personn pa zistifie parski li pratik lalwa.

Ga 2:20

alor, li nepli mwa ki pe viv, me Kris ki pe viv dan mwa. Lavi ki mo pe viv aster la kouma enn imin, mo viv li par lafwa dan Garson Bondie, ki kontan mwa e finn donn so lavi pou mwa.

Ga 3:22

Me Lekritir deklare ki lemonn antie prizonie pouvwar pese, pouki promes Bondie li realize pou bann krwayan akoz zot lafwa dan Zezi Kris.

Ga 3:28

Li pa fer okenn diferans ki to enn Zwif ou enn Grek, esklav ou lib, zom ou fam, parski nou tou enn sel dan Zezi Kris.

Ef 3:12

Par Lekris ek par nou lafwa dan li nou kapav ena kouraz pou rant dan prezans Bondie ar konfians.

Let pou Filipien 3:9

e mo ini avek li. Mo pa kapav dir ki mo zis akoz mo pratik lalwa. Mo lazistis li baze lor lafwa dan Kris, enn lazistis ki sorti kot Bondie, baze lor lafwa.

Let pou Kolosien 3:11

la, pena ni Grek ni Zwif, ni seki sirkonsi ni seki pa sirkonsi, etranze, tribi pa sivilize, esklav, lib, me selman Lekris ki tou, Lekris dan zot tou.

Let Zak 2:23

La, nou trouv realizasion pasaz Lekritir ki dir: “Abraam finn krwar dan Bondie ki finn rekonet li kouma zis,” e zot finn apel li kamarad Bondie.