Let pou Romin 2:5 - Nouvo Testaman dan Kreol Morisien

⁵ Me to pa oule konpran, to pa dispoze sanze. Akoz sa to atir enn pli gran pinision lor twa pou sa zour kot Bondie pou revel so zizman ki zis.

Nouvo Testaman Kreol Morisien Harmonisation NTPS KM

⁵ Me to pa oule konpran, to pa dispoze sanze. Akoz sa to atir enn pli gran pinision lor twa pou sa zour kot Bondie pou revel so zizman ki zis la.

Let pou Romin 2:5 ပူးပေါင်းရင်းမြစ်များ

Let pou Romin 1:18

Depi lesiel lao, Bondie montre so koler kont tou pese e tou linzistis ki dimoun komet, e par sa bann move aksion la zot touf laverite.

Let pou Romin 11:25

Mo bann frer, mo bann ser, mo anvi ki zot konn enn mister, pouki zot pa konsider zotmem kouma bann tro gran saz. Mister la, seki leker enn parti Izrael finn vinn dir pou enn letan selma, ziska ki lakantite bann non-Zwif konn Bondie.

Let pou Romin 9:22

Bondie ti anvi montre so koler e fer konn so pwisans. Li ti siport avek enn gran pasians bann lobze ki merit so koler, seki ti pe al ver destriksion.

2 Ko 5:10

Nou tou pou bizin dibout devan zizman Lekris, pouki sakenn gagn so rekonpans dapre seki li finn fer letan li ti dan sa lekor la, ki li bon kiksoz, ki li move kiksoz.

2 Tes 1:5

Samem prev ki zizman Bondie li drwat, e seki zot pe siporte la, li pou rann zot dign Rwayom Bondie, pou ki zot pe soufer.

Eb 3:13

Me ki sakenn ankouraz so kamarad zour apre zour. Zot bizin kontigne osi lontan ki ena enn letan ki apel “zordi” pouki personn parmi zot pa les so leker vinn ros, oubien les zot anbete par pese.

Eb 3:15

Lekritir dir, “Zordi, kan to tann so lavwa, pa rann to leker dir kouma to bann anset ki ti revolte.”

Eb 4:7

Alor Bondie finn met anplas enn lot zour ki apel “zordi”. Boukou lane apre li ti dir atraver David: “Zordi kan zot tann so lavwa pa ferm zot leker.”

Let Zak 5:3

Zot lor ek zot larzan pe rouye. Sa larouy la pou servi kouma enn temwagnaz kont zot e li pou manz zot laser kouma dife. Zot finn anpil enn ta larises dan sa bann dernie zour la.

2 Pi 2:9

alor Lesegner kone ki fason pou delivre bann dimoun drwat depi zot difikilte e kouma li gard bann peser anba so pinision ziska zour zizman;

2 Pi 3:7

Me, sa mem parol la finn rezerv lesiel ek later zordi pou dife. Zot finn bien prezerve pou zour zizman ek destriksion bann peser.

Let Zid 1:6

Zot rapel bann anz ki pa ti gard zot pozision, zot ti kit zot lakaz, e zot finn res toultan ansene dan prizon teneb ziska gran zour zizman Bondie.

Revelasion 2:21

Mo ti donn li letan pou repanti, me li ti refize e kontign prostitie li.

Revelasion 6:17

Parski gran zour zot koler finn arive, e kisannla pou kapav reziste?”