Let pou Romin 15:5 - Nouvo Testaman dan Kreol Morisien

⁵ Ki Bondie ki donn landirans ek rekonfor, li osi met lakorite ant zot dapre lexanp Zezi Kris,

Nouvo Testaman Kreol Morisien Harmonisation NTPS KM

⁵ Ki Bondie ki donn landirans ek rekonfor, li osi met lakorite ant zot dapre lexanp Zezi Kris,

Let pou Romin 15:5 ပူးပေါင်းရင်းမြစ်များ

Zistwar Bann Zapot 4:32

Sa group krwayan la ti ena enn sel leker, enn sel lespri; personn pa ti dir ki so dibien pou li tousel sa, me zot ti met tou ansam ankominote.

Let pou Romin 12:16

Viv dan lakorite ant zotmem. Fode pa ena lorgey, me aksepte servi dan enn manier modes. Pa ena enn tro gran lopinion lor zotmem.

Let pou Romin 15:13

Ki Bondie, lasours lesperans, ranpli zot ar lazwa ek lape par lafwa ki zot ena dan li, pouki zot lesperans deborde par pwisans Lespri Sin.

Let pou Romin 15:3

Lekris pa ti fer limem plezir. Okontrer, dapre seki Lekritir dir, “Insilt ki ti pe avoy lor twa, finn tom lor mwa.”

1 Ko 1:10

Dan nom nou Segner Zezi Kris, mo fer enn lapel pouki zot tou res dakor ant zot, pouki pena okenn divizion parmi zot e ki zot bien ini dan enn sel panse ek enn sel konviksion.

2 Ko 13:11

Finalman, bann frer ek bann ser, viv dan lazwa, fer zefor pou vinn parfe, ankouraz zot kamarad, res dakor ant zot, viv dan lape, e Bondie ki lamour ek lape pou avek zot.

2 Ko 7:6

Me Bondie ki konsol bann ki abat, ti konsol nou par vizit Tit,

Ef 5:2

Zot manier viv bizin inspire par lamour, parey kouma Lekris ti kontan nou e li ti donn limem pou nou, kouma enn lofrand ek enn sakrifis ki ena enn bon parfin ki fer Bondie plezir.

Let pou Filipien 1:27

Me selman, amenn zot lavi dapre Bonn Nouvel Lekris. Mem si mo vinn get zot ou pa, mo espere tande ki zot pe tini ferm dan enn sel lespri pou lit ansam pou fer lafwa avanse dapre Bonn Nouvel.

Let pou Filipien 2:2

alor rann mwa osi zwaye par lakorite ant zot; ena enn sel leker, enn sel lamour e rod touzour linite.

Let pou Filipien 3:16

Me kot nou finn arive, anou kontigne tini ferm dan mem direksion.

Let pou Filipien 4:2

Mo inplor Evodi ek Sintik pou viv anakorite dan Lesegner.

1 Pi 3:20

Sa bann lespri la, dan letan lontan, pa ti obeir Bondie kan li ti pe atann ar boukou pasians dan lepok Noe ti pe aranz lars. Enn tigit dimoun, zis wit, ti sap dan deliz.

1 Pi 3:8

Finalman, zot tou, zot bizin ena mem lespri, mem konpasion ek mem santiman lamour ant zot. Ena enn bon leker e viv avek limilite.

2 Pi 3:15

Zot bizin konsider pasians nou Segner kouma enn lokazion pou nou akeyir delivrans Bondie, parey kouma nou frer Pol finn ekrir avek lasazes ki Bondie finn donn li.

2 Pi 3:9

Lesegner, li pa tarde pou realiz so promes, parey kouma sertin dimoun panse, me li pasian avek zot, parski li pa anvi ki enn parmi zot tonbe, me ki zot tou repanti.