Let pou Romin 14:15 - Nouvo Testaman dan Kreol Morisien

¹⁵ Si to bles enn frer ou enn ser akoz enn aliman ki to manze, alor to nepli pe azir par amour. Pa les sa aliman ki twa to manze koz lapert pou enn lot dimoun pouki Lekris finn donn so lavi.

Nouvo Testaman Kreol Morisien Harmonisation NTPS KM

¹⁵ Si to bles enn frer ou enn ser akoz enn aliman ki to manze, alor to nepli pe azir par lamour. Pa les sa aliman ki twa to manze la koz lapert pou enn lot dimounn pou ki Lekris finn donn so lavi.

Let pou Romin 14:15 ပူးပေါင်းရင်းမြစ်များ

Let pou Romin 13:10

Lamour pa fer ditor so prosin. Alor lamour akonplir tou seki lalwa demande.

Let pou Romin 14:20

Pa akoz size manze, nou al detrir seki Bondie finn fer. Tou manze bon, me li pa bon ki akoz enn manze, enn kikenn tom dan pese.

Let pou Romin 15:2

Sakenn parmi nou bizin fer so prosin plezir pou so prop bien, pouki li progrese dan lafwa.

1 Ko 13:1

Si mo koz langaz imin osi bien ki langaz bann anz, me mo pena lamour, mo zis enn ferblan vid ki fer tapaz ou enn sinbal ki fer boukou dibri.

1 Ko 8:1

Asterla mo pou ekrir lor manze ki dimoun ofer kouma sakrifis pou bann idol. Nou kone ki “Tou dimoun ena konesans.” Konesans gonfle latet ar lorgey, me lamour fer lakominote vinn pli for.

Ga 5:13

Me zot, mo bann frer ek ser, finn apel zot pouki zot lib. Selma fode pa zot mal servi zot liberte e viv dapre zot prop natir imin. Okontrer, les zot gide par lamour e met zot oservis zot bann kamarad.

Ef 5:2

Zot manier viv bizin inspire par lamour, parey kouma Lekris ti kontan nou e li ti donn limem pou nou, kouma enn lofrand ek enn sakrifis ki ena enn bon parfin ki fer Bondie plezir.

2 Pi 2:1

Me finn ena osi bann fos profet ki finn leve parmi lepep, parey kouma pou ena fos profeser parmi zot ki, dan kasiet pou donn fos lansegnman. Zot pou introdwir bann fos doktrinn destriktif e zot pou mem rezet Lemet ki finn sov zot. Akoz sa, zot pou al ver zot prop destriksion.

1 Zn 2:2

Li finn ofer limem kouma sakrifis pou nou pese, pa zis pou nou tousel me osi pou pese lemonn antie.