Let pou Romin 12:8 - Nouvo Testaman dan Kreol Morisien

⁸ si kikenn ena don pou ankouraz lezot, ki li ankouraze; si li ena don pou partaz avek lezot, ki li fer sa avek zenerozite; seki dirize, bizin fer sa avek zel; seki ed bann malere, fer sa avek lazwa.

Nouvo Testaman Kreol Morisien Harmonisation NTPS KM

⁸ si kikenn ena don pou ankouraz lezot, ki li ankouraze; si li ena don pou partaz avek lezot, ki li fer sa avek zenerozite; seki dirize, bizin fer sa avek zel; seki ed bann malere, fer sa avek lazwa.

Let pou Romin 12:8 ပူးပေါင်းရင်းမြစ်များ

Mt 25:40

Lerla lerwa reponn zot: ‘Laverite, mo dir zot, sak fwa ki zot finn fer sa ar enn sa bann pli tipti la ki dan mo fami, ar momem ki zot ti fer sa.’

Zistwar Bann Zapot 11:23

Letan li ariv laba li trouv lagras Bondie, li ti bien-bien kontan. Li ti ankouraz zot tou pou res fidel ar Lesegner ar tou zot leker.

Zistwar Bann Zapot 13:12

Letan gouverner trouv seki finn arive, li vinn enn krwayan. Li ti bien inpresione par lansegnman Lesegner.

Zistwar Bann Zapot 13:15

Kouma fini lir liv Lalwa ek liv Profet, bann sef sinagog fer dir zot, “Mo bann frer, si zot ena kik mesaz pou ankouraz bann dimoun ki la, zot kapav koze.”

Zistwar Bann Zapot 15:32

Zid ek Silas, ki zotmem zot ti bann profet, ti explik boukou pou ankouraz ek ranforsi bann frer dan zot lafwa.

Zistwar Bann Zapot 20:2

Pandan so vwayaz dan sa rezion la li ankouraz bann fidel, ziska ki li ariv Lagres.

Zistwar Bann Zapot 20:28

Vey lor zotmem e lor tou zot troupo kot Lespri Sin finn met zot gardien. Pran swin Legliz ki Bondie finn gagne pou limem par disan so prop Garson.

Zistwar Bann Zapot 4:36

Zozef ti enn Levit ki ti ne an Sip, bann apot ti donn li enn nom gate Barnabas, ki vedir ‘Garson ki ankouraz lezot.’

Let pou Romin 12:13

Partaz seki zot ena ar bann frer ek ser ki pena. Pratik lospitalite toultan.

Let pou Romin 13:6

Akoz sa osi ki zot bizin pey tax, parski bannla pe donn zotmem pou akonplir sa travay la kouma bann serviter Bondie.

1 Ko 12:28

Bondie finn met tou anplas dan legliz. Premie, li finn met apot, deziem bann profet, trwaziem bann ki responsab pou ansegne, apre bann ki akonplir mirak, apre bann ki kapav geri malad, bann ki ed lezot, bann ki diriz travay legliz, e bann ki koz langaz ki ena parol etranz.

1 Ko 14:3

Me tou seki profetize koz ar dimoun pou fortifie zot, pou ankouraz zot ek konsol zot.

2 Ko 1:12

Rasinn nou fierte, se temwagnaz nou konsians: nou konportman dan lemonn e avek zot li nouri par sinserite ek pirte ki Bondie donn nou. Nou pa gide par sazes imin me par lagras Bondie.

2 Ko 11:3

Mo bien per ki zot panse pou gate, parey kouma Ev ti les li egare par riz serpan, e ki sa antrenn zot lwin e zot perdi zot devosion sinp pou Lekris.

2 Ko 8:12

Si zot ena bonn volonte, Bondie aksepte don ki zot done dapre seki zot ena, pa dapre seki zot pena.

2 Ko 9:11

Li pou toultan fer zot ena ase larises pouki zot res zenere; koumsa atraver nou, enn kantite dimoun pou remersie Bondie pou bann don ki zot finn done.

2 Ko 9:13

Akoz prev ki zot montre par zot servis, enn kantite pou glorifie Bondie pou zot fidelite anver Bonn Nouvel Lekris, zot gran zenerozite pou partaz zot dibien avek bannla, e avek tou lezot ankor.

2 Ko 9:7

Sakenn bizin donn dapre seki li finn deside dan so leker, san regrete ek san presion lor li. Bondie kontan dimoun ki donn avek lazwa.

Ef 6:5

Bann esklav bizin obeir zot met lor later ar lakrint e tranbleman; fer sa avek enn leker sinser, koumadir zot pe servi Lekris.

Let pou Kolosien 3:22

Bann esklav, dan tou kiksoz obeir zot bann met ki lor later. Servi zot, pa parski pe vey zot, kouma dir zot pe rod fer plezir bann imin, me ar enn leker ki sinp e ki ena lakrint pou Lesegner.

1 Tes 2:3

Ofet, lapel ki nou pe adres zot tou, li pa baze lor lerer oubien lor okenn motif inpir, nou pa anvi trik personn.

1 Tes 2:8

Nou lafeksion pou zot li telman gran ki nou ti pare pou partaz avek zot, pa zis Bonn Nouvel Bondie me osi nou prop lavi, telman zot ti finn vinn pros ar nou.

1 Tim 4:13

Ziska ki mo vini, konsakre to letan pou etidie Lekritir, fer bann predikasion ek donn lansegnman.

1 Tim 5:17

Bann ansien ki diriz bien legliz merit enn doub saler, sirtou bann ki bizin travay dir pou prese ek ansegne.

1 Tim 6:18

Rekomann zot fer lebien. Zot bizin ris ar bonaksion, fer bann don ek partaze.

Eb 10:25

Anou pa abandonn nou lasanble kouma detrwa finn pran labitid; okontrer anou plis ankouraz nou kamarad parski kouma zot trouve zour Lesegner pe aprose.

Eb 13:17

Obeir zot dirizan e swiv zot lord, parski bannla pe vey lor zot lam, zot bann dimoun ki bizin rann kont Bondie. Fer zot travay avek boukou lazwa e non pa avek tristes parski sa pa pou amenn okenn lavantaz pou zot.

Eb 13:22

Mo bann frer ek ser, mo fer enn lapel ar zot; ekout sa mesaz lankourazman la avek pasians, parski seki mo finn ekrir; li pa tro long.

Eb 13:24

Fer konpliman tou zot dirizan, ek tou pep Bondie. Bann frer e bann ser an Itali fer zot konpliman.

Eb 13:7

Mazinn zot bann ansien dirizan ki finn anons zot parol Bondie. Mazinn fason ki zot ti pe viv e kouma zot finn mor, e imit zot lafwa.