Let pou Romin 12:13 - Nouvo Testaman dan Kreol Morisien

¹³ Partaz seki zot ena ar bann frer ek ser ki pena. Pratik lospitalite toultan.

Nouvo Testaman Kreol Morisien Harmonisation NTPS KM

¹³ Partaz seki zot ena ar bann frer ek ser ki pena. Pratik lospitalite touletan.

Let pou Romin 12:13 ပူးပေါင်းရင်းမြစ်များ

Mt 25:35

Avredir mo ti fin e zot finn donn mwa manze. Mo ti swaf e zot finn donn mwa bwar. Mo ti enn etranze e zot finn akeyir mwa.

Zistwar Bann Zapot 10:4

Li get anz la avek freyer e li dir, “Ki ena, Segner?” Anz la dir li, “Bondie finn pran kont to lapriyer ek led ki to donn bann pov.

Zistwar Bann Zapot 4:35

e ti remet li bann apot, ki ti distribie resours la selon bezwin sakenn.

Let pou Romin 12:8

si kikenn ena don pou ankouraz lezot, ki li ankouraze; si li ena don pou partaz avek lezot, ki li fer sa avek zenerozite; seki dirize, bizin fer sa avek zel; seki ed bann malere, fer sa avek lazwa.

1 Ko 16:15

Frer ek ser, zot kone ki Stefanas ek so fami ti bann premie konverti dan Akai. Zot finn devoue zotmem pou servi lepep Bondie. Mo sipliye zot, frer ek ser,

2 Ko 9:1

Li pa vremem neseser ki mo ekrir zot lor size led ki bizin avoy bann krwayan ki dan Zide.

2 Ko 9:12

Sa kontribision la, li pa zis konble seki lepep Bondie pe manke, me li fer enn debordman aksiondegras pou dir Bondie mersi.

Ga 6:10

Alor, tanki nou ena letan, anou travay pou bien tou dimoun spesialman pou bann ki pros avek nou dan lafwa.

1 Tim 3:2

Levek bizin enn dimoun ki san repros, enn mari fidel, enn dimoun sinp, rezonab e respektab, ki ena lespri ouver e fodre li kapav donn lansegnman.

1 Tim 5:10

To bizin gete si li ena bon repitasion, si li finn bien elve so bann zanfan, si li finn konn akey dimoun, si li finn met limem oservis bann frer ek ser ki vini, si li finn aport sekour bann malere, si li finn fer dibien ek bann bonaksion.

Let pou Tit 1:8

Okontrer, li bizin akeyan, fer dibien, ekilibre, enn dimoun zis, devoue, ki konn kontrol limem.

Let pou Tit 3:14

Bann Kretien bizin aprann servi zot letan fer bon kiksoz pou reponn bann vre bezwin. Koumsa zot pou raport bann fri.

Let pou Filemon 1:7

Frer, to lamour finn donn mwa boukou lazwa ek lankourazman parski to finn rekonfort leker bann krwayan.

Eb 13:16

Pa bliye pou fer dibien ek partaz seki zot ena, parski samem bann sakrifis ki fer plezir Bondie.

Eb 13:2

Pa refiz pou akeyir bann etranze dan zot lakaz. Dimoun ki finn fer sa, zot finn akeyir bann anz kot zot san ki zot kone.

Eb 6:10

Bondie, li pa sa kantite inzis la pou bliye zot travay ek lamour ki zot finn montre li, letan ki zot ti pe servi bann krwayan parey kouma zot pe ankor fer zordi.

1 Pi 4:9

Ouver zot laport ar tou dimoun san ki zot plegne.

1 Zn 3:17

Si kikenn ena tou seki li bizin pou viv bien e li ferm so leker ar enn lot ki pena nanye, kouma li kapav dir ki li kontan Bondie?

3 Zn 1:5

Kamarad, to azir dapre to lafwa vizavi to bann frer ek ser, mem si zot bann etranze.