Let pou Romin 11:36 - Nouvo Testaman dan Kreol Morisien

³⁶ Tou sorti kot Bondie, tou existe par li e pou li. Tou laglwar pou Bondie pou touzour! Amen!

Nouvo Testaman Kreol Morisien Harmonisation NTPS KM

³⁶ Tou sorti kot Bondie, tou existe par li e pou li. Tou laglwar pou Bondie pou touzour! Amen!

Let pou Romin 11:36 ပူးပေါင်းရင်းမြစ်များ

Mt 6:13

Pa les nou tom dan tantasion Me tir nou dan lemal.’

Lk 19:38

Zot ti pe dir, “Li finn beni Lerwa ki pe vinn lor nom Lesegner! Lape dan lesiel e laglwar pou Bondie Treo!”

Lk 2:14

“Laglwar pou Bondie lao e lape lor later ar tou seki li kontan.”

Zistwar Bann Zapot 17:28

Kouma kikenn ti dir: ‘Par li nou viv, nou ena mouvman, nou ena lexistans.’ Li kouma sertin zot poet finn dir: ‘Nou osi, nou so zanfan.’

Let pou Romin 16:27

Nou rann glwar Bondie, litousel ena tou sazes; par Zezi Kris nou glorifie li pou touzour! Amen.

1 Ko 11:12

Parey kouma fam finn kre depi zom, zom pran nesans depi fam, ek tou kiksoz sorti kot Bondie.

1 Ko 8:6

me pou nou ena enn sel Bondie, nou Papa, ki finn kre tou kiksoz, e par li ki nou ena lavi. Ena osi enn sel Segner, Zezi Kris; par li tou kiksoz existe e par li nou ena lavi.

Ga 1:5

Laglwar pou li pou touzour ek touzour. Amen.

Ef 3:21

pou li tou laglwar dan legliz e dan Lekris, zenerasion apre zenerasion e pou toultan! Amen.

Let pou Filipien 4:20

Laglwar pou Bondie papa, asterla e pou touzour, amenn.

1 Tim 1:17

Tou loner, tou laglwar pou Bondie pou leternite. Li regne pou touzour, li invizib e li tousel Bondie. Amen.

1 Tim 6:16

li tousel imortel, li res dan enn lalimier kot personn pa kapav aprose. Personn pa finn trouv li, ni pe trouv li. Laglwar, pwisans eternel pou li. Amen.

2 Tim 4:18

Lesegner pou delivre mwa ankor depi tou bann piez ek li pou gard mwa pou so rwayom. Laglwar pou li dan leternite. Amen.

Eb 13:21

Ki sa Bondie lape la, fer zot pratik tou seki bon pou zot fer so volonte; ki li realiz dan nou seki bon devan so lizie atraver Zezi Kris, pou li laglwar pou touzour.

Eb 2:10

Li normal ki Bondie ki finn kre ek prezerv tou kiksoz, fer Zezi vinn parfe atraver lasoufrans, pouki boukou dimoun partisip dan so laglwar. Zezi, limem linisiater zot delivrans.

1 Pi 4:11

Si kikenn koze, li bizin transmet mesaz Bondie; seki servi, li bizin servi avek lafors ki sorti kot Bondie, pouki par Zezi Kris, nou kapav glorifie Bondie dan tou kiksoz.

1 Pi 5:11

Pouvwar pou li pou touzour. Amen.

2 Pi 3:18

Kontigne progrese dan lagras ek konesans nou Segner ek Sover Zezi Kris. Laglwar pou li azordi ek dan leternite. Amenn.

Let Zid 1:25

pou sel Bondie ek Sover, atraver Zezi Kris nou Segner, laglwar, lamazeste, pwisans ek lotorite asterla e pou touzour. Amen.

Revelasion 19:1

Apre sa mo tann koumadir enn lavwa for, bann lafoul dan lesiel ki pe dir, “Alelouya! Laglwar ek pwisans pou nou Bondie, ki sov nou.

Revelasion 21:6

Lerla li ti dir mwa, “Fini asterla! Momem Alfa ek Omega, komansman ek lafin. Dimoun ki gagn swaf, mo pou donn zot delo lasours lavi ki pa pou kout zot nanye.

Revelasion 7:10

Zot kriye bien for, “Selman Bondie ek Annyo ki donn liberasion, zot ki pe asiz lor tronn.”

Revelasion 7:12

Zot dir, “Amen! Louanz, laglwar, lasazes, rekonesans, loner, pwisans ek lafors pou Bondie pou touzour ek touzour, Amen”