Let pou Romin 11:22 - Nouvo Testaman dan Kreol Morisien

²² Konsider bonte ek severite Bondie. Li sever ar bann ki ti tonbe, e li bon anver twa, si to kontign res dan so bonte. Sinon, pou koup twa kouma brans.

Nouvo Testaman Kreol Morisien Harmonisation NTPS KM

²² Konsider bonte ek severite Bondie. Li sever ar bann ki ti tonbe, e li bon anver twa, si to kontign res dan so bonte. Sinon, pou koup twa kouma brans.

Let pou Romin 11:22 ပူးပေါင်းရင်းမြစ်များ

Lk 8:15

Seki tom dan bon later, sa bann ki ekout laparol, gard li dan enn leker bon ek onet, e zot raport fri ar pasians ek perseverans.

Zn 15:2

Tou brans ki lor sa pie la e ki pa raporte, mo Papa tir zot zete; me tou brans ki raporte, li tay zot pouki zot donn ankor plis.

Zn 8:31

Lerla Zezi dir ar bann Zwif ki finn krwar dan li, “Si zot gard mo parol, zot mo bann vre disip,

Zistwar Bann Zapot 11:23

Letan li ariv laba li trouv lagras Bondie, li ti bien-bien kontan. Li ti ankouraz zot tou pou res fidel ar Lesegner ar tou zot leker.

Zistwar Bann Zapot 14:22

Zot ti fortifie ek ankouraz bann disip pou res ferm dan lafwa. Zot dir, “Nou bizin pas par boukou difikilte pou nou kapav rant dan Rwayom Bondie.”

Let pou Romin 11:21

Si Bondie pa finn epargn brans natirel, to krwar li pou epargn twa?

Let pou Romin 2:7

Li pou donn lavi eternel bann ki persevere pou fer dibien, bann ki pe rod laglwar, loner ek lavi imortel.

1 Ko 15:2

Par sa Bonn Nouvel la ki zot sove, si zot res atase dan enn fason ferm ar parol ki mo finn anonse. Sinon, savedir zot finn krwar dan vid.

Ga 6:9

Anou pa dekouraze fer dibien, parski ler peryod larekolt arive nou pou rekolte si nou pa bes lebra.

1 Tes 3:5

Pou sa rezon la, letan mo ti nepli kapav siporte, mo ti avoy Timote pou pran ransegnman lor zot lafwa. Mo ti per ki diab tant zot e tou sa lapenn ki nou finn done la, finn tom dan dilo.

1 Tes 3:8

Aster la nou pe kapav viv parski zot finn tini ferm dan zot latasman avek Lesegner.

Eb 10:23

Anou tini ferm lesperans ki nou proklame, parski Bondie gard touzour so promes.

Eb 3:14

Ofet nou enn partner avek Lekris, si nou gard sa konfians ki nou ena depi komansman la, ziska lafin.

Eb 3:6

Me Lekris, finn fidel dan lakaz Bondie kouma so Garson. E noumem ki so lakaz, si nou res ferm dan nou lasirans ek fierte dan lesperans.

1 Zn 2:19

Sa bann zans la finn sorti kot nou me zot pa ti vremem ar nou, lakoz samem zot inn kit nou; parski si zot ti ar nou, zot ti pou res avek nou, me zot finn fer li kler ki personn parmi zot pa ar nou.

Revelasion 2:5

Rapel bien kot to finn sorti pou tom la, sanz to konportman e azir parey kouma to ti abitie fer dan komansman. Si to pa sanz twa, mo pou vinn tir to sandelie dan so plas.