Let pou Romin 1:7 - Nouvo Testaman dan Kreol Morisien

⁷ Mo pe ekrir pou tou bann ki dan Rom ki Bondie kontan e ki li finn apele pou swiv Zezi Kris. Ki Bondie nou Papa ek Lesegner Zezi Kris donn zot lagras ek lape.

Nouvo Testaman Kreol Morisien Harmonisation NTPS KM

⁷ Mo pe ekrir pou tou bann ki dan Rom ki Bondie kontan e ki li finn apele pou swiv Zezi Kris. Ki Bondie nou Papa ek Lesegner Zezi Kris donn zot lagras ek lape.

Let pou Romin 1:7 ပူးပေါင်းရင်းမြစ်များ

Mt 5:16

Dan samem fason, les to lalimier briye devan tou dimoun, pouki zot kapav trouv to bann bienfe e loue to Papa dan lesiel.

Zn 20:17

Zezi dir, “Pa tous mwa, parski mo pankor mont kot mo Papa. Al kot mo bann frer e dir zot, ‘Mo pe al kot mo Papa ek zot Papa, kot mo Bondie ek zot Bondie.’ ”

Zistwar Bann Zapot 15:23

Ti donn zot enn let pou amene. Dan let la ti ekrir: “Nou, bann apot ek bann ansien, nou salye zot bann frer parmi non-Zwif ki viv dan Antios, Siri ek Silisi.

Zistwar Bann Zapot 9:13

Ananias reponn, “Segner, mo finn tann enn kantite koze lor sa zom la, ki kantite ditor li finn fer to bann fidel dan Zerizalem.

Let pou Romin 1:6

E zot osi zot parmi seki Bondie ti apele pou Zezi Kris.

Let pou Romin 5:1

Asterla ki nou finn zistifie par lafwa, nou ena lape avek Bondie atraver nou Segner Zezi Kris.

Let pou Romin 5:5

Sa lesperans la li pa desevwar nou, parski Bondie finn repann so lamour dan nou leker par Lespri Sin ki li finn donn nou.

Let pou Romin 8:28

Nou kone ki Bondie pou servi tou kiksoz pou bienet bann dimoun ki kontan li, ki li finn apele dapre so plan.

Let pou Romin 8:39

ni bann lafors lao, ni bann lafors anba, ni okenn lot kiksoz dan kreasion, kapav separ nou ar lamour ki Bondie ena pou nou dan Kris Zezi nou Segner.

Let pou Romin 9:25

parey kouma ti ekrir dan liv Oze: “Lepep ki pa pou mwa mo pou apel li ‘Mo pep.’ Nasion ki mo pa ti kontan mo pou apel li, ‘Mo Bieneme.’ ”

1 Ko 1:24

Me pou bann dimoun ki Bondie finn apele, Lekris limem ki montre sazes Bondie ek pwisans Bondie.

1 Ko 16:23

Ki lagras Lesegner Zezi res ar zot.

Ga 6:18

Mo bann frer, mo bann ser, ki lagras nou Segner Zezi Kris li ar zot lespri. Amen.

Ef 1:2

Ki Bondie nou Papa e Lesegner Zezi Kris donn zot lagras ek lape.

Ef 6:23

Ki Bondie Papa ek Lesegner Zezi Kris akord lape ek lamour, ar lafwa, tou bann frer, tou bann ser.

Let pou Filipien 1:2

Ki lagras ek lape Bondie nou papa ek nou Segner Zezi Kris res ar zot.

Let pou Filipien 4:13

Mo kapav fer fas avek tou sa bann sitiasion la parski Lekris li fortifie mwa.

Let pou Filipien 4:20

Laglwar pou Bondie papa, asterla e pou touzour, amenn.

Let pou Filipien 4:23

Ki lagras sorti kot Zezi Kris, res avek zot.

Let pou Kolosien 1:2

A bann disip ki dan lavil Kolos, bann frer e bann ser fidel dan Lekris: Ki labonte ek lape Bondie nou Papa res lor zot.

Let pou Kolosien 3:12

Zot, zot bann ki Bondie finn swazir, finn sanktifie, finn kontan, alor met dan zot leker bann santiman konpasion, bienveyans, imilite, douser, pasians.

Let pou Kolosien 3:15

Ki lape Lekris regn dan zot leker, pou samem ki zot tou inn apele pou form enn sel lekor. Viv dan rekonesans.

1 Tes 1:1

Mwa Pol, ansam avek Silas ek Timote, nou pe ekrir legliz pep Bondie Papa ek Segner Zezi Kris, dan Tesalonik. Ki lagras ek lape res ar zot.

1 Tes 1:3

Devan nou Bondie ek Papa nou rapel seki zot finn fer akoz zot lafwa, kouma zot finn travay dir akoz zot lamour pou Zezi e kouma zot finn tini ferm dan lesperans pou Zezi Kris.

1 Tes 1:4

Mo bann frer ek ser, nou kone ki Bondie kontan zot e li finn swazir zot,

1 Tes 4:7

Bondie pa finn apel nou pou viv dan imoralite, me pou viv enn lavi sin.

1 Tes 5:28

Ki lagras Zezi Kris nou Segner res avek zot.

2 Tes 1:2

Nou souete ki Bondie nou Papa ek Segner Zezi Kris donn zot lagras ek lape.

2 Tes 3:16

Ki Segner, sours lape, li donn zot limem toultan lape e dan tou sort fason. Ki Bondie res ar zot tou.

2 Tes 3:18

Ki lagras nou Segner Zezi Kris res ar zot tou.

1 Tim 1:2

mo pe adres twa sa let la Timote, twa mo zanfan seri dan lafwa; mo demann Bondie Papa ek Zezi Kris nou Segner akord twa so lagras, so pardon ek so lape.

1 Tim 6:2

Bann esklav fode pa mank respe zot met krwayan sou pretex ki bann met frer ar zot. Okontrer zot bizin fer plis parski zot devouman pou profit bann krwayan ek bann frer e ser. Ala seki to bizin ansegne ek rekomande.

2 Tim 1:2

Pou twa Timote, mo zanfan bieneme, Bondie Papa ek Zezi Kris nou Segner donn twa gras, mizerikord ek lape.

2 Tim 4:22

Mo priye ki Lesegner beni to lavi e donn twa so Lagras.

Let pou Tit 1:4

Mo adres sa let la pou twa Tit, mo vre zanfan dan lafwa. Mo priye Bondie nou Papa ek Lekris Zezi nou Sover: ki li amenn lagras ek lape lor twa.

Let pou Filemon 1:25

Ki lagras Segner Zezi Kris li res ar twa.

Let pou Filemon 1:3

Ki Bondie nou papa ek Segner Zezi Kris, akord zot so lagras ek so lape.

Let Zak 1:1

Mwa, Zak, enn serviter Bondie ek Segner Zezi Kris, Mo pe salye zot tou pep Bondie disperse dan lemonn antie.

1 Pi 1:15

Okontrer, parey kouma Bondie ki finn apel zot, li sin, zot osi zot bizin vinn sin dan zot konportman.

1 Zn 3:1

Zot trouve ki kantite Bondie Papa kontan nou. So lamour li telman gran pou nou ki li apel nou zanfan Bondie; e vremem, samem ki nou ete. Ala kifer lemonn pa konn nou, parski li pa finn konn Bondie.

2 Zn 1:3

Ki Bondie Papa, ek Zezi Kris, so Garson, akord nou lagras, lamizerikord ek lape dan laverite ek lamour.

Revelasion 2:1

Let ki finn ekrir pou anz legliz dan Efez: “Ala deklarasion sa kikenn ki tini set zetwal dan so lame drwat e ki mars omilie set lalanp an-or.

Revelasion 2:12

Let ki finn ekrir pou anz dan legliz Pergam: “Sa kikenn ki ena lepe ki koup de kote deklare:

Revelasion 2:18

Let ki finn ekrir pou anz dan legliz Tiatir: “Ala seki garson Bondie ki ena lizie kouma enn laflam dife ek lipie parey kouma bronz ki finn bien poli deklare.

Revelasion 2:29

Dimoun ki ena zorey, ekoute pou tande seki Lespri pe dir bann legliz.”

Revelasion 2:8

Let ki finn ekrir pou anz dan legliz Smirn: “Sa kikenn ki premie ek dernie ki ti finn mor e ki finn resisite deklare:

Revelasion 22:21

Lagras Segner Zezi res avek zot tou.

Revelasion 3:14

Let ki finn ekrir pou anz dan legliz Laodise: “Ala parol Amen, vre temwin fidel ki lasours kreasion Bondie:

Revelasion 3:22

Dimoun ki ena zorey, ekout seki Lespri ena pou dir ar bann legliz.”

Revelasion 3:7

Let ki finn ekrir pou anz dan legliz Filadelfi: “Sa kikenn ki sin ek vre, ki ena lakle David, li ouver e personn pa kapav ferme, li ferme e personn pa kapav ouver: