Let pou Romin 1:30 - Nouvo Testaman dan Kreol Morisien

³⁰ pans dimal lor lezot, zot ennmi Bondie, zot insolan, arogan, vantar, zot invant tou kalite lide pou fer lemal, dezobeir bann paran;

Nouvo Testaman Kreol Morisien Harmonisation NTPS KM

³⁰ pans dimal lor lezot, zot lennmi Bondie, zot insolan, arogan, vantar, zot invant tou kalite lide pou fer lemal, dezobeir bann paran;

Let pou Romin 1:30 ပူးပေါင်းရင်းမြစ်များ

Mt 15:4

Bondie finn dir, ‘Onor to papa ek to mama; e osi, ninport kisannla ki modi so papa ek so mama, li merit lamor.’

Mt 16:21

Depi sa, Zezi koumans montre so bann disip ki li bizin al Zerizalem, soufer boukou dan lame bann ansien, bann sef pret ek dokter lalwa e ki zot pou touy li me li pou resisite lor trwaziem zour.

Lk 21:16

Zot prop papa, zot prop mama, zot prop frer, zot bann konesans ek zot bann kamarad pou livre zot, e plizir parmi zot pou kondane amor.

Zn 7:7

Lemonn pa kapav deteste zot, me mwa, li deteste mwa parski mo pe kontigne montre li ki so bann travay pa bon.

Zistwar Bann Zapot 5:36

Parski pa tro lontan enn kikenn ki ti apel Teodas ti deklar li enn terib; kat san zom ti mars ar li. Me li ti trouv lamor, e tou seki ti pe swiv li ti disperse, e mouvman la ti tegn.

Let pou Romin 2:17

Me si twa, ki dir to enn Zwif, ki met tou to konfians dan lalwa Moiz, ki fier lor to relasion ar Bondie,

Let pou Romin 2:23

Twa ki koz gran-gran koze lor lalwa, to pa dezonor Bondie letan to fer lekontrer ki lalwa dir?

Let pou Romin 3:27

Eski ena rezon pou nou fer vantar? Non, pena okenn rezon! Kifer? Parski nou obeir lalwa? Non, me akoz lafwa.

2 Ko 10:15

Nou pa al andeor limit pou deklar travay ki lezot finn fer. Okontrer, nou espere ki zot lafwa pou ogmante e ki nou pou kapav akonplir enn travay pli gran ankor, me touzour dan limit ki Bondie finn fixe.

2 Ko 12:20

Mo per ki letan mo arive, mo pa trouv zot kouma mo souete trouv zot, e ki zot osi zot pa trouv mwa kouma zot ti anvi mo ete. Mo per ki mo trouv lager, zalouzi, lakoler, rivalite, insilt, komeraz, lorgey ek dezord.

2 Tes 2:4

Li pou lev kont tou seki dimoun priye ek adore. Li pou instal so tronn dan tanp Bondie apre sa deklar limem kouma Bondie.

2 Tim 3:2

Dimoun pou konn zis zotmem ek zot larzan. Zot pou egois, gourman, vantar. Lorgey ek difamasion pou trap zot. Pou ena rebel anver paran. Dimoun pou ingra, zot pou komet sakrilez,

Let pou Tit 3:3

Lontan nou pa ti servi nou lespri, nou ti rebel ek dan erer. Nou ti esklav tou sort kalite plezir. Nou ti viv dan lemal ek lanvi. Lezot ti air nou, e nou ti air zot.

Let Zak 3:5

Li parey avek lalang ki enn ti parti nou lekor, me li kapav fer vantar gran-gran explwa. Panse kouma enn gran lafore kapav pran dife avek zis enn ti laflam.

Let Zak 4:16

Kouma li ete la, zot pe fer vantar, e sa kalite vantar la, li move.

2 Pi 2:18

Zot fer bel-bel diskour ki pena sans; zot servi zot dezir obsenn pou piez lezot ki fek fini sap dan piez bann ki amenn move lavi.

Let Zid 1:16

Sa bann dimoun la, zot toultan plegne, zot pa kontan zot sor; zot swiv zot prop dezir; zot dir bann parol ranpli ar lorgey e zot flat dimoun par intere.