Let pou Filipien 2:2 - Nouvo Testaman dan Kreol Morisien

² alor rann mwa osi zwaye par lakorite ant zot; ena enn sel leker, enn sel lamour e rod touzour linite.

Nouvo Testaman Kreol Morisien Harmonisation NTPS KM

² alor rann mwa osi zwaye par lakorite ant zot; ena enn sel leker, enn sel lamour e rod touzour linite.

Let pou Filipien 2:2 ပူးပေါင်းရင်းမြစ်များ

Zn 3:29

Nouvo marye, limem ki ena lamarye; kamarad nouvo marye nek zis debout pre ar li e ekout li; kamarad la dan lazwa letan li tann lavwa nouvo marye. Akoz samem aster, mo lazwa li bien-bien gran.

Zistwar Bann Zapot 1:14

Zot tou ti plonze dan lapriyer ansam avek detrwa fam. Parmi ti ena Marie, mama Zezi ek so bann frer.

Zistwar Bann Zapot 2:1

Kan zour Lapantkot ti arive, tou bann krwayan ti reyni ansam dan mem landrwa.

Zistwar Bann Zapot 2:46

Zour apre zour zot ti rasanble kouma enn group dan Tanp, zot ti kas dipin ansam dan lakaz, e ti pran zot repa ansam avek enn leker sinser e ranpli ar lazwa.

Zistwar Bann Zapot 5:12

Bann apot ti fer enn kantite mirak ek mervey parmi lepep. Zot tou ti ansam anba galri Salomon kot ti ena bann kolonn.

Let pou Romin 12:16

Viv dan lakorite ant zotmem. Fode pa ena lorgey, me aksepte servi dan enn manier modes. Pa ena enn tro gran lopinion lor zotmem.

1 Ko 1:10

Dan nom nou Segner Zezi Kris, mo fer enn lapel pouki zot tou res dakor ant zot, pouki pena okenn divizion parmi zot e ki zot bien ini dan enn sel panse ek enn sel konviksion.

2 Ko 13:11

Finalman, bann frer ek bann ser, viv dan lazwa, fer zefor pou vinn parfe, ankouraz zot kamarad, res dakor ant zot, viv dan lape, e Bondie ki lamour ek lape pou avek zot.

2 Ko 2:3

Ala kifer mo finn ekrir zot sa manier la, koumsa kan mo vini mo pa pou sibir tristes par dimoun ki ti bizin donn mwa lazwa. Mo ena lasirans ki si mo dan lazwa, zot tou pou dan lazwa.

2 Ko 7:7

me pa selma par so larive, me osi par konsolasion ki zot ti donn li. Li ti rakont nou kouma zot anvi trouv mwa, komie zot tris, komie zot pare pou defann mwa; akoz sa mo lazwa li vremem gran.

Let pou Filipien 1:4

sak lapriyer ki mo fer pou zot, li touzour avek lazwa ki mo priye,

Let pou Filipien 2:16

Parski zot finn port mesaz ki donn lavi, zour Lesegner li pou enn fierte pou mwa. Mo pou kone ki mo pa finn galoupe ek travay pou nanye.

Let pou Filipien 2:20

Mo pena personn isi kouma li, pou pran swin zot bienet.

Let pou Filipien 4:2

Mo inplor Evodi ek Sintik pou viv anakorite dan Lesegner.

Let pou Kolosien 2:5

Li vre ki mo lekor absan, me mo lespri ar zot e mo kontan trouv zot fidel e ferm dan zot lafwa pou Lekris.

2 Tes 2:13

Nou bizin touzour pe rann gras Bondie pou zot bann frer ek ser, parski Bondie finn swazir zot depi komansman mem pou sov zot par pouvwar Lespri e par zot krwayans dan laverite, pou fer zot vinn enn pep sin.

2 Tim 1:4

Kan mo rapel to larm, mo anvi trouv twa, pou mo leker kontan.

Let pou Filemon 1:20

Wi, mo frer, rann mwa enn servis pou lamour Lesegner; rekonfort mo leker dan Kris.

2 Zn 1:4

Sa finn fer mwa enn gran lazwa pou trouv inpe parmi to bann zanfan pe mars dan laverite parey kouma Bondie Papa inn komann nou.

3 Zn 1:4

Pena nanye ki fer mwa pli kontan ki tann dir ki mo bann zanfan pe mars dan laverite.