Ga 6:12 - Nouvo Testaman dan Kreol Morisien

¹² Sa bann dimoun ki anvi zot fer sirkonsizion la, zot oule zis fer remark zot dan bann zafer laser. Zot fer sa pouki zot pa persekite akoz lakrwa Lekris.

Nouvo Testaman Kreol Morisien Harmonisation NTPS KM

¹² Sa bann dimounn ki anvi zot fer sirkonsizion-la, zot oule zis fer remark zot dan bann zafer laser. Zot fer sa pou ki zot pa persekite akoz lakrwa Lekris.

Ga 6:12 ပူးပေါင်းရင်းမြစ်များ

Mt 23:27

Maler lor zot, dokter lalwa ek Farizien ipokrit. Zot parey bann tonbo ki finn bien blansi, ki paret bien zoli, me ranpli ar lekor mor ek tou kalite salte.

Mt 23:28

Koumsamem zot paret korek e zis pou lizie dimoun, me dan zotmem zot ranpli ar ipokrizi ek malonete.

Mt 23:5

Me zot kontan fer kiksoz pou lizie dimoun, zot bann filakter bien-bien gran e franz zot manto bien long.

Mt 5:10

Bienere zot ki dimoun pe persekite akoz zot fer dibien, Rwayom Bondie li pou zot.

Mt 6:16

Kan zot fer karem, pa bizin fer lakagn, kouma bann ipokrit, zot fer long-long figir pou montre lezot ki zot pe karem. Laverite mo dir zot, zot finn fini gagn zot rekonpans;

Mt 6:2

Kan to fer lasarite, pa bizin sonn tronpet kouma bann ipokrit fer dan bann sinagog ek dan lari, pouki dimoun aplodi zot. Laverite, mo dir zot, zot finn fini resevwar zot rekonpans.

Mt 6:5

Kan zot fer lapriyer, pa fer kouma bann ipokrit ki kontan vinn devan pou priye dan sinagog e dan kat kwin lari pouki dimoun trouv zot. Laverite mo dir zot, sa bann la finn deza gagn zot rekonpans.

Lk 16:15

Zezi dir zot, “Zot fer krwar ki zot ena lazistis zis pou lizie dimoun, me Bondie konn zot leker. Seki ena valer pou dimoun, enn abominasion pou Bondie.

Lk 20:47

Zot devor tikas ki bann vev finn ramase e zot fer long-long lapriyer pouki tou dimoun trouv zot. Zot pou gagn pli gran kondanasion.

Zn 7:18

Dimoun ki koz lor so prop nom, li pe rod so prop laglwar; me dimoun ki rod laglwar Sa-Enn ki finn avoy li la, li dan laverite e pena okenn foste dan li.

Zistwar Bann Zapot 15:1

Ti ena detrwa zom ki ti sorti Lazide e ti vinn Antios, e zot ti ansegn bann frer, “Zot pa pou sove si zot pa fer sirkonsizion dapre lalwa Moiz.”

Zistwar Bann Zapot 15:5

Alor detrwa parmi bann Farizien ki finn konverti, diboute dir, “Li neseser ki bann payin fer sirkonsizion e nou exize ki zot obeir lalwa Moiz.”

2 Ko 10:12

Nou pena toupe pou klas noumem ou konpar noumem ar sertin ki fer zot fanor. Zot bet! Zot etablir zot prop kriter pou fer konparezon ek zizman lor zotmem.

2 Ko 11:13

Sa bannla pa bann vre apot; zot bann foser ki finn degize kouma apot Lekris.

Ga 2:14

Me kan mo ti remarke ki zot pa pe konport zot dapre Bonn Nouvel, mo dir Pier devan zot tou, “Si twa, enn Zwif, to viv kouma enn payin e pa kouma enn Zwif, kouma to kapav fors bann payin pou viv kouma Zwif?”

Ga 2:3

Tit ti avek mwa. Mem si li enn Grek, zot pa ti fors li pou fer sirkonsizion,

Ga 5:11

Me si mwa mo ankor pe pres sirkonsizion, alor kifer zot pe persekit mwa? Dan sa ka la, Lekris lor lakrwa nepli enn skandal.

Ga 6:13

Parski mem bann ki resevwar sirkonsizion pa obeir lalwa; sa bann dimoun la anvi ki zot sirkonsi pou zot fer vantar ki zot finn kapav inpoz sa sign la lor zot.

Let pou Filipien 1:15

Li vre ki ena ki anons Kris par lanvi ek zalouzi, me lezot fer li avek enn bonn volonte.

Let pou Filipien 2:4

Pa rod zot prop lintere, me rod lintere lezot avan.

Let pou Filipien 3:18

Mo finn deza dir zot e avek larm dan mo lizie mo pe redir zot ankor ki ena boukou dimoun ki viv kouma lennmi lakrwa Kris.

Let pou Kolosien 2:23

Zot bon rod pran laparans lasazes: relizion personel, devosion, privasion; tousala pena okenn valer pou metriz bann dezir nou prop natir.