Ga 5:16 - Nouvo Testaman dan Kreol Morisien

¹⁶ Mwa, mo dir zot: les zot lavi dirize par Lespri, lerla zot pa pou viv dapre dezir laser imin.

Nouvo Testaman Kreol Morisien Harmonisation NTPS KM

¹⁶ Mwa, mo dir zot: les zot lavi dirize par Lespri, lerla zot pa pou viv dapre dezir laser imin.

Ga 5:16 ပူးပေါင်းရင်းမြစ်များ

Let pou Romin 6:12

Alor, pa les pese dominn zot lekor mortel pou fer zot obeir so bann move dezir.

Let pou Romin 8:1

Asterla pena okenn kondanasion pou bann dimoun ki dan Zezi Kris.

1 Ko 7:29

Seki mo pe rod dir, bann frer ek bann ser, letan ki reste bien tigit. Depi aster bann zom marye bizin viv kouma dir zot pena fam;

2 Ko 7:1

Mo bann kamarad, tou sa bann promes la valab pou nou. Akoz sa nou bizin pirifie noumem, separ nou avek tou seki kapav sali nou lekor ek nou lam; e anou viv enn lavi konpletman sin, dan respe pou Bondie.

Ga 3:17

Ala seki mo anvi dir: Bondie finn etablir ek ratifie enn testaman; lalwa ki vinn anviger katsantrant-an apre sa, pa kapav anil lalians la ek siprim promes Bondie.

Ga 6:8

Si li sem dapre so natir imin, li pou rekolte koripsion; si li sem dapre Lespri, li pou rekolte lavi eternel.

Ef 2:3

Nou osi, nou tou ti parmi sa bann la, nou ti pe viv dapre bann dezir natir pese, nou ti pe fer volonte nou natir e swiv so bann inpilsion. Nou ti vwe pou gagn koler Bondie kouma lezot.

Let pou Kolosien 2:11

Dan Lekris, zot finn resevwar enn sirkonsizion ki pa fer par bann imin e ki finn anlev pese ki ti dan zot limanite: se sa sirkonsizion la ki dan Lekris.

1 Pi 1:14

Parey kouma bann zanfan, zot bizin obeir Bondie e pa sviw zot bann move dezir ki zot ti ena lontan kan zot ti dan lignorans.

1 Pi 1:22

Aster ki zot finn pirifie zot lam par obeisans ki zot ena pou laverite, pratik enn lamour sinser. Kontan touzour zot kamarad ar enn leker kler.

1 Pi 2:11

Mo bann kamarad, mo dimann zot antan ki etranze ek exile lor later, pa rant dan piez instale par bann dezir imin ki andezakor ar zot lam.

1 Pi 4:6

Akoz samem nou pres Bonn Nouvel ar bann mor, parski mem si zot finn zize dan zot lekor parey kouma tou dimoun, zot pou kapav viv dapre lansegnman Bondie dan zot lespri.