Ga 5:1 - Nouvo Testaman dan Kreol Morisien

¹ Kris finn liber nou pouki nou vinn vremem lib. Alor zot bizin tini ferm, pa les zot kraze anba fardo lesklavaz ankor.

Nouvo Testaman Kreol Morisien Harmonisation NTPS KM

¹ Kris finn liber nou pou ki nou vinn vremem lib. Alor zot bizin tini ferm, pa les zot kraze anba fardo lesklavaz ankor.

Ga 5:1 ပူးပေါင်းရင်းမြစ်များ

Mt 23:4

Parski zot atas bann gro fardo difisil pou amene lor zepol lezot, me ki zot, mem zot ti ledwa, zot pale bouze.

Lk 5:38

Met divin nouvo dan barik nef.

Zistwar Bann Zapot 15:10

Alors, kifer nou bizin inpoz enn fardo lor ledo bannla pouki nou defie Bondie? Enn fardo ki ni nou bann anset, ni noumem pa finn kapav sarye.

Let pou Romin 6:14

Anefe, pese pou nepli dominn zot parski zot nepli anba lalwa, me zot pe viv dan lagras Bondie.

Let pou Romin 6:18

Bondie finn liber zot depi zot pese e zot finn vinn esklav lazistis.

Let pou Romin 7:3

Si letan so mari ankor vivan li viv avek enn lot zom, dimoun konsider li kouma enn adilter; me si so mari mor, li lib par rapor ar lalwa, li pa enn adilter si li marye enn lot zom.

Let pou Romin 7:6

Asterla nou lib par rapor ar lalwa. Nou finn mor par rapor ar seki ti gard nou esklav. Koumsa nou servi dan enn nouvo fason dapre Lespri, nou pa servi dan vie fason dapre lalwa ki finn ekrir.

Let pou Romin 8:15

Sa Lespri ki zot finn gagne la, li pa enn lespri esklavaz, e ki replonz zot dan lafreyer, me zot finn resevwar enn Lespri ki fer zot zanfan Bondie, e ki fer nou kriye, “Abba! Papa!”

Let pou Romin 8:2

Anefe, lalwa Lespri Sin ki donn lavi par Zezi Kris finn liber twa depi lalwa pese ek lamor.

1 Ko 15:58

Alor, mo bann frer ek ser, debout ferm. Pa les nanye destabiliz zot. Kontign progrese dan travay Lesegner, parski zot kone ki nanye pa perdi kan zot servi Lesegner.

1 Ko 16:13

Res lor zot gard, ferm dan lafwa, gard kouraz ek lafors.

1 Ko 7:22

Parski enn esklav ki Lesegner apele li enn zom lib ki depann lor Lesegner; parey, zom lib ki Lekris apele, li so esklav.

2 Ko 11:20

Ofet, zot siport ninport ki, ki tret zot kouma esklav, ki explwat zot, ki depouy zot, ki fer fezer, ki klak zot dan figir.

2 Ko 3:17

Lesegner limem Lespri, ek la kot Lespri prezan, la ena liberte.

Ga 2:4

malgre ki enn bann fos frer ti glis anba-anba pou espionn liberte ki nou ena dan Zezi Kris e pou anprizonn nou dan lalwa.

Ga 3:25

Aster ki dimoun krwar, nou nepli bizin enn gardien.

Ga 4:26

Me Zerizalem ki lao dan lesiel, li lib e limem nou mama.

Ga 4:31

Alor mo bann frer ek ser, nou pa zanfan enn fam esklav me zanfan enn fam lib.

Ga 4:9

Me asterla zot konn Bondie - ou plito asterla Bondie konn zot - kouma zot kapav retourn ankor anba sa bann lespri elemanter ki feb ek pov la? Zot anvi revinn zot esklav ankor?

Ga 5:13

Me zot, mo bann frer ek ser, finn apel zot pouki zot lib. Selma fode pa zot mal servi zot liberte e viv dapre zot prop natir imin. Okontrer, les zot gide par lamour e met zot oservis zot bann kamarad.

Ef 6:14

Pare zot! Met sintir laverite otour zot lerin, e ladrwatir kouma enn zile proteksion;

Let pou Filipien 1:27

Me selman, amenn zot lavi dapre Bonn Nouvel Lekris. Mem si mo vinn get zot ou pa, mo espere tande ki zot pe tini ferm dan enn sel lespri pou lit ansam pou fer lafwa avanse dapre Bonn Nouvel.

1 Tes 3:8

Aster la nou pe kapav viv parski zot finn tini ferm dan zot latasman avek Lesegner.

2 Tes 2:15

Mo bann frer ek ser, tini ferm avek sa tradision ki nou finn montre zot la, ki li par parol ou par let.

Eb 10:23

Anou tini ferm lesperans ki nou proklame, parski Bondie gard touzour so promes.

Eb 3:14

Ofet nou enn partner avek Lekris, si nou gard sa konfians ki nou ena depi komansman la, ziska lafin.

Eb 3:6

Me Lekris, finn fidel dan lakaz Bondie kouma so Garson. E noumem ki so lakaz, si nou res ferm dan nou lasirans ek fierte dan lesperans.

Eb 4:14

Parski nou ena enn gran pret, Zezi Garson Bondie, ki finn travers lesiel ziska dan prezans Bondie, anou tini ferm dan lafwa ki nou konfese.

1 Pi 2:16

Konport zot kouma bann dimoun lib. Pa bizin servi zot liberte kouma enn vwal pou kasiet lemal, me azir kouma serviter Bondie.

2 Pi 2:19

Zot promet laliberte, kan zotmem zot esklav pouritir; parski enn dimoun li esklav seki dominn li.

Let Zid 1:3

Mo bann kamarad, mo ti pe fer tou pou ekrir zot lor size ladelivrans ki nou ena ankomin, me mo finn trouv li neseser pou adres zot sa let la, pou ankouraz zot pou lite dan lafwa ki Bondie finn donn so pep sin.

Revelasion 2:25

me seki zot ena gard li bien ziska mo vini.

Revelasion 3:3

Rapel bien lansegnman ki to finn resevwar e fason ki to finn tann li. Res touzour fidel ar Bondie e sanz to konportman. Si to pa revey twa, mo pou vinn may twa par sirpriz kouma enn voler dan lanwit san ki to kone ki ler.