Ga 3:16 - Nouvo Testaman dan Kreol Morisien

¹⁶ Bondie finn fer promes ar Abraam ek so desandan. Li pa finn dir, “Ek so bann desandan,” kouma dir li pe koz lor boukou desandan; me li dir, “Ek to desandan,” setadir Lekris.

Nouvo Testaman Kreol Morisien Harmonisation NTPS KM

¹⁶ Bondie finn fer promes ar Abraam ek so desandan. Li pa finn dir, “Ek so bann desandan,” koumadir li pe koz lor boukou desandan; me li dir, “Ek to desandan,” setadir Lekris.

Ga 3:16 ပူးပေါင်းရင်းမြစ်များ

Mt 1:1

Ala lalis bann anset Zezi Kris, desandan David ek Abraam.

Lk 1:55

kouma li ti promet nou bann anset, Abraam ek so desandan ziska leternite.”

Zistwar Bann Zapot 3:25

Zot desandan bann profet ek eritie lalians ki Bondie ti fer avek zot anset, kan li ti dir Abraam, ‘Mo pou beni tou bann fami lor later atraver to bann desandan.’

Let pou Romin 12:5

Dan mem fason, nou ki plizir, nou form enn sel lekor dan linion avek Lekris e sakenn apartenir ar lezot.

Let pou Romin 4:13

Bondie ti promet Abraam ek so bann desandan ki zot pou erit later antie. Sa promes la pa ti fer lor baz ki Abraam ti obeir lalwa, me akoz lafwa ki li ti ena dan Bondie. Sa finn rann li zis devan Bondie.

Let pou Romin 4:16

Pou sa rezon la, promes la baze lor lafwa pouki li enn don Bondie e li valab pou tou bann desandan Abraam; pa zis pou dimoun ki obeir lalwa, me osi pou dimoun ki krwar, parey kouma Abraam ti krwar. Pou nou tou Abraam enn papa spiritiel.

Let pou Romin 9:4

Zot bann Izraelit. Bondie finn adopte zot; li finn donn zot so laglwar, bann lalians, ek bann promes;

1 Ko 12:12

Enn lekor, mem si ena plizir manm, li form enn sel linite. Lekris, li parey.

1 Ko 12:27

Zot tou fer parti lekor Lekris, e sakenn parmi zot enn manm sa lekor la.

2 Ko 11:22

Bannla Ebre? Mwa osi. Izraelit? Mwa osi. Desandan Abraam? Mwa osi.

Ga 3:19

Pou kifer lalwa alor? Lalwa finn azoute pou fer kone ki pese ete. Rol lalwa reste ziska larive sa desandan pouki sa promes la finn fer. Bann anz finn amenn lalwa par enn mediater.

Ga 3:8

Lekritir ti finn prevwar ki Bondie pou rann bann payin zis par zot lafwa. Lakoz samem li ti dir, “Tou pep lor later pou beni atraver twa.”

Ef 5:32

Sa mister la li bien gran; mwa mo dir ki sa ena pou fer avek Lekris e so legliz.

Let pou Kolosien 2:19

Pa les personn detas zot ek Lekris ki latet, ki mintenir ansam lekor antie, ki gard li ini avek bann artikilasion ek bann ligaman, pou li grandi gras a Bondie.

Let pou Kolosien 3:11

la, pena ni Grek ni Zwif, ni seki sirkonsi ni seki pa sirkonsi, etranze, tribi pa sivilize, esklav, lib, me selman Lekris ki tou, Lekris dan zot tou.