Ga 2:14 - Nouvo Testaman dan Kreol Morisien

¹⁴ Me kan mo ti remarke ki zot pa pe konport zot dapre Bonn Nouvel, mo dir Pier devan zot tou, “Si twa, enn Zwif, to viv kouma enn payin e pa kouma enn Zwif, kouma to kapav fors bann payin pou viv kouma Zwif?”

Nouvo Testaman Kreol Morisien Harmonisation NTPS KM

¹⁴ Me kan mo ti remarke ki zot pa pe konport zot dapre Bonn Nouvel, mo dir Pier devan zot tou, “Si twa, enn Zwif, to viv kouma enn payin e pa kouma enn Zwif, kouma to kapav fors bann payin pou viv kouma Zwif?”

Ga 2:14 ပူးပေါင်းရင်းမြစ်များ

Zistwar Bann Zapot 10:28

Li dir zot, “Zot tou bien kone ki dapre lalwa, enn Zwif pa asosie limem ar enn etranze, e li pa frekant lezot ki pa Zwif. Me Bondie finn montre mwa ki fode pa mo konsider okenn dimoun inpir oubien indign pou mo frekant li.

Zistwar Bann Zapot 15:1

Ti ena detrwa zom ki ti sorti Lazide e ti vinn Antios, e zot ti ansegn bann frer, “Zot pa pou sove si zot pa fer sirkonsizion dapre lalwa Moiz.”

Zistwar Bann Zapot 15:24

Nou finn tann dir ki detrwa dimoun ki sorti kot nou, finn trakas zot ek boulvers zot par seki zot finn dir. Nou pa ti donn bannla okenn instriksion.

Zistwar Bann Zapot 15:5

Alor detrwa parmi bann Farizien ki finn konverti, diboute dir, “Li neseser ki bann payin fer sirkonsizion e nou exize ki zot obeir lalwa Moiz.”

Let pou Romin 14:14

Par lafwa ki mo ena dan Lesegner Zezi, mo kone ek mo garanti ki nanye anlimem pa inpir. Me si kikenn panse ki enn kiksoz inpir, li inpir zis pou sa dimoun la.

Ga 1:18

Plitar, apre trwa-zan mo ti al Zerizalem pou vizit Pier e mo ti res avek li pou kinz zour.

Ga 1:6

Sa etonn mwa avek ki vites zot finn tourn zot ledo ar Bondie ki ti apel zot par lagras Lekris, pou zot al aksepte enn lot Bonn Nouvel.

Ga 2:3

Tit ti avek mwa. Mem si li enn Grek, zot pa ti fors li pou fer sirkonsizion,

Ga 2:5

Nou pa finn soumet nou ditou ar bannla, pouki nou prezerv laverite Bonn Nouvel pou zot, nou frer ek ser.

Ga 2:7

Okontrer, zot ti trouve ki Bondie finn konfie mwa Bonn Nouvel pou anons bann non-Zwif parey kouma Pier pou bann Zwif.

Ga 2:9

Letan Zak, Pier ek Zan, bann gran pilie legliz, rekonet lagras ki Bondie finn donn mwa, zot ser nou lame, Barnabas ek momem, kouma enn sign lakorite. Nou tom dakor ki nou al kot bann non-Zwif e zot kot bann Zwif.

Ga 6:12

Sa bann dimoun ki anvi zot fer sirkonsizion la, zot oule zis fer remark zot dan bann zafer laser. Zot fer sa pouki zot pa persekite akoz lakrwa Lekris.

Let pou Kolosien 1:5

akoz sa lesperans ki pe atann zot dan lesiel; zot inn tann lanons sa lesperans la avan, par Bonn Nouvel, parol laverite

1 Tim 5:20

Si kikenn fer pese, repran li anpiblik koumsa lezot pou fer atansion.

Eb 12:13

e fer enn santie drwat pou zot lipie, pouki seki bwate pa paralize me okontrer gagn gerizon.

Eb 9:10

Me li konsern selman manze, bwar ek diferan seremoni pirifikasion, enn bann rit imin ki finn inpoze ziska ki tou pou sanze pou toultan.