Ef 4:15 - Nouvo Testaman dan Kreol Morisien

¹⁵ Okontrer, nou bizin koz laverite dan lamour pouki dan tou domenn nou grandi dan Lekris, limem ki latet.

Nouvo Testaman Kreol Morisien Harmonisation NTPS KM

¹⁵ Okontrer, nou bizin koz laverite dan lamour pou ki dan tou domenn nou grandi dan Lekris, limem ki latet.

Ef 4:15 ပူးပေါင်းရင်းမြစ်များ

Zn 1:47

Ler Zezi trouv Natanael pe vini, li dir, “Sa enn vre Izraelit, sa. Pena defo dan li.”

Let pou Romin 12:9

Lamour bizin sinser. Deteste seki move, atas zot ar seki bien.

1 Ko 11:3

Me mo oule ki zot konpran ki Lekris limem ki latet tou bann zom, e ki enn mari limem sef so fam, alor ki Bondie limem latet Lekris.

2 Ko 4:2

Nou finn renons bann plan ki fer dan kasiet ek dan laont; nou pena aksion ki desevwar lezot e nou pa falsifie parol Bondie. Okontrer nou fer konn laverite dan enn fason kler devan konsians tou dimoun dan prezans Bondie.

2 Ko 8:8

Mo pa pe donn okenn lord la. Si mo pe donn lexanp lezot, mo pe zis donn zot lokazion prouve ki zot lamour li vre.

Ef 1:22

Bondie finn met tou anba so lipie e li finn plas li lao tou, kouma latet legliz

Ef 1:4

Avanmem fondasion lemonn li ti finn swazir nou pou limem par Lekris pouki nou vinn sin ek san repros devan li.

Ef 2:21

Limem ki solidite sa konstriksion la anantie; sak bout marye ansam pou mont enn tanp ki konsakre pou Lesegner.

Ef 4:25

Rezet mansonz. Koz laverite ar zot prosin, parski nou tou manm enn sel lekor.

Ef 5:23

parski enn mari limem latet so fam, parey kouma Lekris sef legliz. Lekris limem Sover legliz ki so lekor.

1 Pi 1:22

Aster ki zot finn pirifie zot lam par obeisans ki zot ena pou laverite, pratik enn lamour sinser. Kontan touzour zot kamarad ar enn leker kler.

1 Pi 2:2

Parey kouma bann zanfan ki fek ne, rod dile ki pa koupe e ki spiritiel pouki kan zot bwar li zot kapav grandi pou gagn vre lavi,

2 Pi 3:18

Kontigne progrese dan lagras ek konesans nou Segner ek Sover Zezi Kris. Laglwar pou li azordi ek dan leternite. Amenn.

1 Zn 3:18

Mo bann zanfan, fode pa nou kontan zis avek zoli parol ek bel-bel diskour, me montre vre lamour par nou bann aksion.