Ef 4:14 - Nouvo Testaman dan Kreol Morisien

¹⁴ Lerla nou pa pou kouma bann zanfan, ki balote, ki sakouye dan siklonn toukalite doktrinn ki bann dimoun rize servi pou antrenn lezot dan lerer.

Nouvo Testaman Kreol Morisien Harmonisation NTPS KM

¹⁴ Lerla nou pa pou kouma bann zanfan, ki balote, ki sakouye dan siklonn tou kalite doktrinn ki bann dimounn rize servi pou antrenn lezot dan lerer.

Ef 4:14 ပူးပေါင်းရင်းမြစ်များ

Mt 11:7

Apre ki bann disip Zan finn ale, Zezi koz ar lafoul lor size Zan, e li dir: “Ki zot finn al gete dan dezer? Enn fatak balanse dan divan?

Mt 24:11

Boukou fos profet pou leve e pou anbet dimoun.

Mt 24:24

Parski bann fos mesi ek fos profet pou vini; zot pou fer bann gran-gran sign ek mirak pou tronp mem bann ki Bondie finn swazir.

Zistwar Bann Zapot 23:21

Pa ekout zot. Ena plis ki karant zom ki finn prepar enn piez pou li. Zot inn fer serman pou pa manze ek bwar ziska ki zot finn touy li. Zot finn pare, pe zis atann ou desizion.”

1 Ko 12:2

Letan zot ti ankor payin, zot ti antrene ver bann idol ki pa koze.

1 Ko 14:20

Frer ek ser, pa rezonn kouma zanfan. Kan ena pou fer avek lemal, wi, la zot kapav kouma zanfan; me kan li konsern larezon, la zot bizin adilt.

1 Ko 3:19

Lasazes dapre sa lemonn la, li enn foli devan Bondie. Lekritir dir, “Bondie may bann saz dan zot prop riz.”

2 Ko 2:17

Nou pa kouma boukou lezot ki fer trafik marsandiz ar parol Bondie; okontrer parski Bondie finn avoy nou, nou koz avek sinserite dan so prezans kouma serviter Lekris.

2 Ko 4:2

Nou finn renons bann plan ki fer dan kasiet ek dan laont; nou pena aksion ki desevwar lezot e nou pa falsifie parol Bondie. Okontrer nou fer konn laverite dan enn fason kler devan konsians tou dimoun dan prezans Bondie.

Ga 3:1

Ayo, bann Galat, ala zot bet! Kisannla finn zet enn sor lor zot? Pourtan, devan zot lizie, zot finn gagn enn prezantasion kler kouma Zezi Kris finn krisifie lor lakrwa.

Ef 6:11

Met tou ekipman solda ki Bondie fourni; met li lor zot pouki zot kapav reziste kont manigans diab.

1 Tim 3:6

Fodre pa osi ki li fek konverti, ki li pa ankor fer so prev. Lorgey kapav mont dan so latet e li fini kouma diab.

2 Tim 1:15

To kone, tou bann ki dan provins Lazi, finn tourn ledo ar mwa, parmi ena Fizel ek Ermozenn.

2 Tim 3:13

Me tou bann fos krwayan ek bann sarlatan pou touzour fer progre dan lemal. Zot pou tronp dimoun ek zot pou tronp zotmem.

2 Tim 4:3

Ler pou arive kot dimoun pou nepli anvi ekout bon lansegnman. Zot pou prefer swiv zot dezir ek ekout bann predikater ki pou vinn met dan zot zorey seki zot anvi tande.

Eb 13:9

Pa les tousort lansegnman etranze anbet zot. Li bon ki zot fortifie zot leker avek lagras Bondie, e non pa par bann regleman konsernan manze. Bann ki finn obzerv sa bann regleman la pa finn tir okenn benefis ladan.

Let Zak 1:6

Me demann avek lafwa, zame doute, parski seki doute li parey kouma vag lamer dirize par divan;

Let Zak 3:4

Sinon, get bann bato, mem si zot larz e bizin gro-gro divan pou pous zot, pourtan zot dirize par enn ti gouvernay, e kot kapitenn la anvi fer zot ale, zot ale.

2 Pi 2:18

Zot fer bel-bel diskour ki pena sans; zot servi zot dezir obsenn pou piez lezot ki fek fini sap dan piez bann ki amenn move lavi.

1 Zn 2:19

Sa bann zans la finn sorti kot nou me zot pa ti vremem ar nou, lakoz samem zot inn kit nou; parski si zot ti ar nou, zot ti pou res avek nou, me zot finn fer li kler ki personn parmi zot pa ar nou.

1 Zn 2:26

Mo pe ekrir sa lor size bann dimoun pe rod tronp zot.

1 Zn 4:1

Mo bann frer ek ser bieneme, pa met zot lafwa dan tou sort kalite lespri; teste zot pou gete si lespri la sorti kot Bondie parski ena boukou fos profet ki finn vinn dan lemonn.

Let Zid 1:12

Zot prezans li enn skandal dan zot bann repa fraternel, kot zot fer lafet san okenn laont e zot nek okip zot mem. Zot parey bann niaz ki pena lapli e ki divan pe pouse. Zot parey bann zarb ki mem dan lotonn pa donn fri, enn fwa derasinn zot, zot mor pou toultan.

Revelasion 19:20

Alor zot finn trap bebet la anmemtan ki sa fos profet ki ti fer bann mirak dan so prezans; ki ti sedwir tou bann ki ti ena mark bebet e ti ador so zimaz. Ti zet bebet la ek fos profet dan enn landrwa ranpli ar dife ki brile kouma souf.