Ef 4:1 - Nouvo Testaman dan Kreol Morisien

¹ Mwa ki prizonie parski mo servi Lesegner, mo sipliy zot viv enn lavi ki dign sa lapel ki zot finn gagne la,

Nouvo Testaman Kreol Morisien Harmonisation NTPS KM

¹ Mwa ki prizonie parski mo servi Lesegner, mo sipliy zot viv enn lavi ki dign sa lapel ki zot finn gagne la,

Ef 4:1 ပူးပေါင်းရင်းမြစ်များ

Zistwar Bann Zapot 9:31

Legliz dan Zide, Galile ek Samari ti viv enn letan lape. Legliz ti vinn for e ti ena gran respe pou Lesegner e par led Lespri Sin legliz ti pe ogmante.

Let pou Romin 11:29

parski Bondie pa sanz so panse lor kisannla li apele e kisannla li beni.

Let pou Romin 12:1

Alor, mo bann frer, mo bann ser, par konpasion ki Bondie ena pou nou, mo exort zot ofer zotmem kouma bann sakrifis vivan, sin e agreab, konsakre pou servi Bondie; sa vre adorasion ki zot ofer.

1 Ko 4:16

Alors mo sipliy zot, swiv mo lexanp.

2 Ko 10:1

Par douser ek bonte Lekris, mwa, Pol mo pe fer enn lapel ar zot; mwa ki dimoun dir ki mo “timid” kan mo ar zot, me ki ena “lodas” kan mo lwin.

2 Ko 5:20

Alor dan nom Lekris, nou vinn bann anbasader, komsi Bondie pe fer so lapel atraver nou; dan nom Lekris nou sipliye zot: les zot rekonsilie avek Bondie.

2 Ko 6:1

Antan ki bann travayer ki kolabor ar Bondie, nou sipliy zot: pa negliz lagras ki zot finn resevwar ar li.

Ga 4:12

Mo bann frer e ser, mo sipliy zot, vinn parey kouma mwa; parski mo finn vinn parey kouma zot. Zot pa ti maltret mwa.

Ef 2:10

Nou, nou louvraz Bondie, li finn fasonn nou, li finn kre nou dan Zezi Kris pouki nou realiz bann bonaksion ki Bondie finn prepare davans.

Ef 3:1

Pou sa rezon la mwa, Pol, prizonie Zezi Kris pou zot ki bann non-Zwif, mo priye Bondie.

Ef 4:17

Dan nom Lesegner, mo averti zot: zot bizin aret viv kouma bann non-krwayan viv; bannla zot panse pena okenn valer,

Ef 4:4

Ena enn sel lekor, enn sel Lespri, e Bondie ti apel zot pou enn sel lesperans.

Ef 5:2

Zot manier viv bizin inspire par lamour, parey kouma Lekris ti kontan nou e li ti donn limem pou nou, kouma enn lofrand ek enn sakrifis ki ena enn bon parfin ki fer Bondie plezir.

Let pou Filipien 1:27

Me selman, amenn zot lavi dapre Bonn Nouvel Lekris. Mem si mo vinn get zot ou pa, mo espere tande ki zot pe tini ferm dan enn sel lespri pou lit ansam pou fer lafwa avanse dapre Bonn Nouvel.

Let pou Filipien 3:14

Mo galoup vit pou rant dan bit pou resevwar pri ki Bondie ofer mwa dan lesiel par Zezi Kris.

Let pou Kolosien 1:10

pouki zot amenn enn lavi dign Lesegner, e ki zot rod fer li plezir. Par tou saki zot pou fer de bon, zot pou prodwir bann fri e zot pou progrese dan vre konesans Bondie.

Let pou Kolosien 2:6

Kontign viv zot lavi selon seki finn transmet zot lor Lekris Zezi Lesegner,

Let pou Kolosien 4:12

Epafras, ki enn parmi zot e enn serviter Zezi Kris, dir zot bonzour. Li touzour priy pou zot avek tou so leker, pouki zot res ferm, avek bann konviksion for, e ki zot donn enn wi total pou fer volonte Bondie.

1 Tes 2:12

Nou finn ankouraz zot, rekonfort zot ek plede pouki zot amenn enn lavi korek dapre Bondie, ki apel zot pou partaz ar li so rwayom ek so laglwar.

2 Tes 1:11

Akoz samem nou priye pou zot, nou dimann Bondie ki zot reste fidel ar so lapel e ki so lagras permet zot realiz zot dezir pou fer seki bien e rann zot lafwa aktif.

2 Tim 1:9

Li finn sov nou ek li apel nou, non pa akoz nou kapasite, me par so prop volonte. Li donn nou so la gras dan Lekris Zezi avan tou siek.

Let pou Tit 2:10

Fode pa zot lame long; okontrer zot bizin onet. Lerla zot pou onor lansegnman Bondie nou Sover.

Eb 13:21

Ki sa Bondie lape la, fer zot pratik tou seki bon pou zot fer so volonte; ki li realiz dan nou seki bon devan so lizie atraver Zezi Kris, pou li laglwar pou touzour.

Eb 3:1

Alor mo bann frer, mo bann ser Kretien, zot ki partaz enn lapel sorti dan lesiel, konsider Zezi kouma enn apot e enn gran pret ki nou lafwa proklame.

1 Pi 2:11

Mo bann kamarad, mo dimann zot antan ki etranze ek exile lor later, pa rant dan piez instale par bann dezir imin ki andezakor ar zot lam.

1 Pi 3:9

Pa rann lemal par lemal, oubien, insilt pou insilt; okontrer reponn par enn benediksion, parski Bondie finn promet zot benediksion kan li finn apel zot.

1 Pi 5:10

Zot ena pou soufer ankor inpe letan. Bondie, ki lasours lagras, ki finn apel zot pou so laglwar eternel dan Zezi Kris, pou limem beni zot, donn zot lafors e ranz zot lexistans lor enn baz solid.

2 Pi 1:3

Pwisans Bondie finn donn nou tou seki nou bizin pou viv enn lavi sin; li fer nou konn sa kikenn ki finn apel nou par so laglwar ek lafors so laksion.

2 Zn 1:5

Asterla Madam, mo pa pe ekrir twa enn nouvo komannman, me samem komannman ki nou finn gagne depi komansman. Mo dimann twa ki: “Sakenn kontan so kamarad.”