Ef 1:13 - Nouvo Testaman dan Kreol Morisien

¹³ Zot finn tann parol laverite, Bonn Nouvel ki sov zot; zot finn krwar dan Lekris, alor Bondie finn mark zot ar stanp Lespri Sin ki li ti promet.

Nouvo Testaman Kreol Morisien Harmonisation NTPS KM

¹³ Zot finn tann parol laverite, Bonn Nouvel ki sov zot; zot finn krwar dan Lekris, alor Bondie finn mark zot ar stanp Lespri Sin ki li ti promet.

Ef 1:13 ပူးပေါင်းရင်းမြစ်များ

Lk 11:13

Move kouma zot move, zot konn donn bon kiksoz zot zanfan; aster mazine komie plis ankor, zot Papa dan lesiel pou fer kado Lespri Sin seki dimann li.”

Lk 24:49

Asterla mo avoy lor zot seki mo Papa finn promet. Res Zerizalem ziska ki zot resevwar pwisans ki sorti lao.”

Zn 1:17

Si par Moiz nou finn resevwar lalwa, par Zezi Kris nou finn resevwar enn lamour infini.

Zn 14:26

Me Sa-Enn ki pou defann zot la, limem Lespri Sin ki mo Papa pou avoy lor mo nom. Li, li pou montre zot tou kiksoz e li pou fer zot rapel tou seki mo finn dir zot.

Zn 15:26

Kan Sa-Enn ki pou defann zot la pou vini, li pou donn so temwagnaz lor mwa. Li sorti kot mo Papa; mo pou avoy li e limem Lespri laverite.

Zn 3:33

Dimoun ki aksepte so temwagnaz sertifie ki Bondie mem laverite.

Zn 6:27

Napa travay pou manze ki kapav gate, travay pou manze ki pa fini zame e ki donn lavi eternel. Sa manze la, samem manze ki Garson Limanite pou donn zot parski Bondie Papa finn met mark so lotorite lor mwa.”

Zistwar Bann Zapot 1:4

Letan li ti pe manze ansam ar zot, li ti donn zot lord napa kit Zerizalem, me atann ki promes so Papa realize kouma li ti dir,

Zistwar Bann Zapot 13:26

Bann frer, desandan Abraam ek zot bann non-Zwif ki ena respe pou Bondie, sa mesaz liberasion la, finn avoye pou nou sa.

Zistwar Bann Zapot 2:33

Bondie ti plas li dan so kote drwat, e li finn resevwar promes Lespri Sin par so Papa; e Zezi finn repann saki zot pe trouve ek tande.

Let pou Romin 1:16

Mo ena konfians total dan Bonn Nouvel. Limem lafors ki Bondie servi pou sov tou seki krwar, bann Zwif dabor, me osi bann non-Zwif.

Let pou Romin 4:11

Plitar ki Abraam ti gagn sirkonsizion kouma enn sign ki Bondie aksepte li akoz so lafwa, mem si li pa ti ankor fer sirkonsizion. Alor Abraam finn vinn papa tou dimoun ki krwar dan Bondie san ki zot fer sirkonsizion, pouki met lazistis lor zot kont.

Let pou Romin 6:17

Granmersi Bondie! Zot ki ti esklav pese, zordi avek tou zot leker zot obeir laverite ki dan lansegnman ki zot ti resevwar.

2 Ko 1:22

li finn met enn sele lor nou pou montre ki nou so zanfan, li finn met Lespri Sin dan nou leker kouma enn garanti bann dibien ki rezerve pou nou.

2 Ko 6:7

par parol laverite, e par pwisans Bondie; avek zarm lazistis dan nou lame drwat e dan nou lame gos.

Ga 3:14

Sa finn arive pouki par Zezi Kris, benediksion Abraam tom osi lor bann payin, e ki nou kapav resevwar promes Lespri dan lafwa.

Ef 4:21

Sirman antan ki Krwayan zot finn tann koz li, e zot finn gagn lansegnman lor laverite dan Zezi.

Ef 4:30

Pa fer Lespri Sin Bondie vinn tris, parski Lespri enn stanp ki Bondie finn met lor zot pou montre ki limem propriyeter; sa enn garanti ziska sa Zour kot Bondie pou delivre zot.

1 Tes 2:13

Nou touzour pe rann gras Bondie parski letan nou finn anons zot so Parol, zot finn ekoute e zot finn aksepte li, pa kouma enn parol imin me kouma enn parol ki vremem sorti kot Bondie e ki pe azir dan zot, bann krwayan.

2 Tim 2:15

Fer tou pouki Bondie trouv dan twa enn bon travayer ki pa per, ni onte, pou propaz parol laverite.

2 Tim 2:19

Me fondasion ki Bondie finn mete li solid. Finn ekrir lor la: Lesegner konn so dimoun. Tou dimoun ki priy Lesegner bizin evit lemal.

2 Tim 3:15

Depi to lanfans, to konn Lekritir ki kapav donn twa sazes pou ena lafwa dan Lekris Zezi ki sov nou.

Let pou Tit 2:11

Lagras Bondie ki sov tou dimoun finn manifeste.

Eb 2:3

kouma nou pou sap nou lavi si nou negliz enn gran delivrans parey? Lesegner ti koz lor la anpremie, apre lezot ti prouv li par zot temwagnaz.

Let Zak 1:18

Par so prop volonte li finn donn nou lavi par so Parol ki laverite, pouki nou kapav vinn kouma bann premie fri kreasion.

Let Zak 1:21

Alor, rezet tou zot move manier ek zot mesanste. Me dan limilite, akeyir parol ki Bondie finn plant dan zot leker, samem parol ki pou sov zot.

1 Pi 2:10

Avan, zot pa ti so pep, me asterla, zot pep Bondie; avan, zot pa ti ankor ena mizerikord, me asterla, zot ena mizerikord.

Revelasion 7:2

Mo trouv enn lot anz monte, sorti kote soley levan. Li ti ena sele Bondie vivan e li ti kriy bien for ver sa kat anz ki ti finn resevwar pouvwar pou detrir later ek lamer.