Eb 6:18 - Nouvo Testaman dan Kreol Morisien

¹⁸ Bondie pa koz manti. Alor so promes ek so serman, sa de kiksoz ki pa kapav sanze. So promes bizin ankouraz nou pou tini ferm dan lesperans ki finn propoz nou.

Nouvo Testaman Kreol Morisien Harmonisation NTPS KM

¹⁸ Bondie pa koz manti. Alor so promes ek so serman, se de kiksoz ki pa kapav sanze. So promes bizin ankouraz nou pou tini ferm dan lesperans ki finn propoz nou.

Eb 6:18 ပူးပေါင်းရင်းမြစ်များ

Mt 24:35

Lesiel ek later pou disparet me mo parol pa pou disparet.

Mt 3:7

Ler li trouv enn kantite Farizien ek Sadisein vinn kot li pou pran batem, li dir zot, “Bann espes serpan, kisannla finn dir zot ki zot pou kapav evit lakoler Bondie.?

Lk 2:25

Dan Zerizalem ti ena enn dimoun apel Simeon. Li ti viv enn lavi bien drwat, li ti devoue pou Bondie e li ti pe atann seki pou vinn sov Izrael. Lespri Sin ti ar li.

Let pou Romin 15:5

Ki Bondie ki donn landirans ek rekonfor, li osi met lakorite ant zot dapre lexanp Zezi Kris,

Let pou Romin 3:25

Bondie finn ofer li kouma sakrifis pouki par lamor Lekris dimoun gagn pardon zot pese par lafwa ki zot ena dan li. Li ti fer sa pou montre so zistis, parski dan so pasians li ti les bann pese ki ti komet avan res san pinision;

Let pou Romin 3:4

Non, zame! Bondie pou res toultan laverite, mem si bann imin manter. Dan Lekritir finn ekrir, “Bizin rekonet lazistis dan to parol, e ki to triyonfe kan ziz twa.”

Let pou Romin 5:5

Sa lesperans la li pa desevwar nou, parski Bondie finn repann so lamour dan nou leker par Lespri Sin ki li finn donn nou.

Let pou Filipien 2:1

Si zot linion avek Kris ankouraz zot, so lamour rekonfort zot e so Lespri ini zot e rann zot konpatisan,

Let pou Kolosien 1:23

Me bizin ki, par lafwa, zot res solid ek ferm, san ki zot deporte andeor lesperans ki vinn par Bonn Nouvel ki zot finn tande, ki finn proklame ar tou kreatir anba lesiel. Mwa Pol mo finn vinn serviter sa Bonn Nouvel la.

Let pou Kolosien 1:27

Li finn anvi fer zot konn rises ek laglwar sa mister la parmi bann pep: Lekris parmi zot, lesperans laglwar!

Let pou Kolosien 1:5

akoz sa lesperans ki pe atann zot dan lesiel; zot inn tann lanons sa lesperans la avan, par Bonn Nouvel, parol laverite

1 Tes 1:10

e pou atann so Garson Zezi dan lesiel, limem ki Bondie ti resisite parmi bann mor pou sov nou depi zizman Bondie ki pe aprose.

1 Tim 1:1

Mwa, Pol, mo finn vinn apot Zezi Kris gras ar promes Bondie nou Sover ek Zezi Kris nou lesperans,

1 Tim 6:12

Amenn gran konba lafwa, pran posesion lavi eternel pou lekel Bondie finn apel twa parski to finn fer enn zoli konfesion to lafwa anprezans boukou temwin.

2 Tim 2:13

Me si nou, nou pa fidel, Lekris, li pou res fidel parski zame li renie so parol.

Let pou Tit 1:2

Zot pou gagn lesperans lavi eternel ki Bondie finn promet depi lontan. E Bondie zame koz manti.

Eb 11:7

Par so lafwa, Noe finn tann warning Bondie lor kitsoz ki pou arive, ki li pa ankor trouve. Li finn obeir Bondie e finn ranz enn bato, e sa bato la finn permet li sov lavi so fami. Par sa Noe finn kondann lemonn, e akoz so lafwa, Bondie finn konsider li kouma enn eritie lazistis.

Eb 3:11

Dan mo koler mo ti fer enn serman: ‘Zame zot pa pou kapav vini e repoz avek mwa.’ ”

Eb 3:6

Me Lekris, finn fidel dan lakaz Bondie kouma so Garson. E noumem ki so lakaz, si nou res ferm dan nou lasirans ek fierte dan lesperans.

Eb 6:17

Alor kan Bondie anvi montre so bann eritie ki pou resevwar so promes ki so desizion pa kapav kase ditou, li fer enn serman.

Eb 7:19

parski lalwa pa finn amenn nanye ki parfe; lot kote finn ena enn meyer lesperans, e atraver li, nou kapav apros Bondie.

Eb 7:21

Me sa dimoun la ti vinn pret par enn serman kan Bondie ti dir: “Lesegner finn fer enn serman e li pa pou sanz so lide: ‘To enn pret pou touzour.’ ”

1 Zn 1:10

Si nou dir ki nou pa finn fer pese, nou fer li pas pou enn manter, e so parol pa dan nou.

1 Zn 5:10

Dimoun ki krwar dan Garson Bondie, li ena sa temwagnaz la dan so leker. Dimoun ki pa krwar dan Bondie, li finn fer li pas pou enn manter, parski li pa finn krwar temwagnaz ki Bondie finn done lor so Garson.