Eb 13:15 - Nouvo Testaman dan Kreol Morisien

¹⁵ Alor anou kontign ofer Bondie nou louanz kouma enn sakrifis, setadir fri bann parol ki rekonet li kouma Segner.

Nouvo Testaman Kreol Morisien Harmonisation NTPS KM

¹⁵ Alor anou kontign ofer Bondie nou louanz kouma enn sakrifis, setadir fri bann parol ki rekonet li kouma Segner.

Eb 13:15 ပူးပေါင်းရင်းမြစ်များ

Mt 11:25

Samem lepok la Zezi dir “Mo remersie twa, Papa, Segner lesiel ek later, parski to pa finn montre sa bann kiksoz la bann saz ek bann intelizan, me to finn revel zot ar bann pli tipti.

Lk 10:21

Lerlamem, Zezi, ranpli dan lazwa Lespri Sin dir, “Papa, Segner lesiel ek later, mo remersie twa parski to finn fer bann tipti konn kiksoz ki to finn kasiet bann saz ek bann intelizan. Wi, papa, samem to volonte.

Zn 10:9

Momem laport; seki pas par mwa, mo pou sov li, li pou kapav rantre sorti kouma li anvi e pou touzour ena patiraz pou li.

Zn 14:6

Zezi dir li, “Momem sime, laverite, lavi; personn pa kapav al kot mo Papa si li pa pas par mwa.

Let pou Romin 12:1

Alor, mo bann frer, mo bann ser, par konpasion ki Bondie ena pou nou, mo exort zot ofer zotmem kouma bann sakrifis vivan, sin e agreab, konsakre pou servi Bondie; sa vre adorasion ki zot ofer.

Let pou Romin 6:19

Mo pe explik sa dan langaz sinp parski zot natir feb. Parey kouma zot ti abitie livre zot lekor pou esklavaz inpirte ek lemal ki deplizanpli pe grandi, asterla ofer zotmem kouma esklav lavi drwat devan Bondie ki pou amenn zot ver enn lavi sin.

Ef 2:18

Par Lekris nou tou, Zwif ek non-Zwif, nou kapav prezant nou devan Bondie Papa dan enn sel Lespri.

Let pou Kolosien 1:12

remersie Bondie Papa ki finn fer zot gagn zot par dan leritaz bann disip dan lalimier.

Eb 12:28

Alor, anou montre nou rekonesans, parski nou resevwar enn rwayom ki pa tranble. Anou ador Bondie avek reverans ek lakrint;

Eb 7:25

Alor samem li kapav sov dimoun ki vinn kot Bondie atraver li, parski li touzour vivan pou pled dan zot faver.

1 Pi 2:5

Zot osi, parey kouma bann ros vivan, pran zot plas dan konstriksion enn lakaz spiritiel. Form enn kominote pret ki konsakre pou Bondie, pou kapav ofer bann sakrifis spiritiel ki fer Bondie plezir atraver Zezi Kris.

1 Pi 4:11

Si kikenn koze, li bizin transmet mesaz Bondie; seki servi, li bizin servi avek lafors ki sorti kot Bondie, pouki par Zezi Kris, nou kapav glorifie Bondie dan tou kiksoz.