Eb 12:22 - Nouvo Testaman dan Kreol Morisien

²² Me zot, zot finn apros montagn Sion, lavil Bondie vivan, zot finn apros Zerizalem ki dan lesiel, kot enn lafoul anz pe fete.

Nouvo Testaman Kreol Morisien Harmonisation NTPS KM

²² Me zot, zot finn apros montagn Sion, lavil Bondie vivan, zot finn apros Zerizalem ki dan lesiel, kot enn lafoul anz pe fete.

Eb 12:22 ပူးပေါင်းရင်းမြစ်များ

Mt 16:16

Simon Pier reponn, “To Lemesi, Garson Bondie Vivan.”

Mt 5:35

ou par later, parski samem so marspie, ou par Zerizalem parski samem lavil gran Lerwa,

Let pou Romin 11:26

Koumsa tou Izrael pou sove, parey kouma Lekritir dir: “Liberater pou vinn depi Sion; li pou anlev tou inpiete dan desandan Zakob.

Let pou Romin 9:26

“E dan sa mem plas kot Bondie ti dir, ‘To pa mo pep,’ lamem pou apel zot, ‘Zanfan Bondie vivan.’ ”

Ga 4:26

Me Zerizalem ki lao dan lesiel, li lib e limem nou mama.

Ef 2:19

Ala kimanier zot nepli etranze, ni imigre, me zot sitwayin ansam ar bann krwayan e manm lafami Bondie.

Let pou Filipien 3:20

Me nou, nou bann sitwayin lesiel e nou pe atann nou Sover ek Segner Zezi Kris vini, li ki sorti depi laba.

1 Tes 1:9

Tou dimoun pe rakonte ki kalite lakey nou ti gagne kot zot e kouma zot ti abandonn bann idol pou servi vre Bondie vivan,

2 Tim 4:18

Lesegner pou delivre mwa ankor depi tou bann piez ek li pou gard mwa pou so rwayom. Laglwar pou li dan leternite. Amen.

Eb 10:31

Li enn kitsoz terib si ou tom dan lame Bondie vivan.

Eb 11:10

Abraam ti pe atann sa lavil avek enn fondasion solid la, ki Bondie limem arsitek e konstrikter.

Eb 11:16

Me anrealite, zot ti anvi enn pei pli meyer, setadir, enn pei dan lesiel mem. Akoz samem Bondie pa onte ki zot apel li zot Bondie; parski li finn prepar enn lavil pou zot.

Eb 13:14

Nou pena enn lavil permanan isi lor later; me nou pe atann sa lavil ki pe vini la.

Eb 3:12

Pran kont, mo bann frer, mo bann ser, pouki personn parmi zot pa ena enn leker move ek dezobeisan, ki kapav separ li avek Bondie vivan.

Eb 9:14

asterla, ki kantite disan Kris pli efikas! Par Lespri eternel, li finn ofer limem ar Bondie kouma enn sakrifis parfe, pou pirifie nou konsians; nou pena pou fer bann rit initil, me nou kapav servi Bondie vivan.

Let Zid 1:14

Enok, setiem desandan Adam ti profetize, li dir: “Gete, Lesegner pe vini avek dis mil anz,

Revelasion 14:1

Apre sa mo gete e mo trouv Annyo pe dibout lor montagn Sion. Avek li ti ena san karann-kat mil dimoun, e lor zot fron ti finn ekrir so nom ek nom so Papa.

Revelasion 21:10

Lerla, Lespri Bondie vinn dan mwa e li sarye mwa lor enn montagn bien ot, e li montre mwa lavil sin Zerizalem ki sorti kot Bondie pe desann depi lesiel.

Revelasion 21:2

E mo ti trouv lavil sin, nouvo Zerizalem, sorti kot Bondie e desann depi lesiel. Li ti bien abiye parey kouma nouvel-marye pe atann so bieneme.

Revelasion 22:19

E si kikenn retir kiksoz dan sa bann parol profetik la, Bondie pou retir so bout dan pie lavi e dan lavil sin ki finn dekrir dan sa liv la.

Revelasion 3:12

Dimoun ki gagn laviktwar, mo pou fer li vinn enn kolonn dan tanp mo Bondie e zame li pa pou kapav kit tanp la. Mo pou ekrir lor li nom mo Bondie, nom lavil Bondie, nouvo Zerizalem ki desann depi kot Bondie dan lesiel ek mo nouvo nom.

Revelasion 7:2

Mo trouv enn lot anz monte, sorti kote soley levan. Li ti ena sele Bondie vivan e li ti kriy bien for ver sa kat anz ki ti finn resevwar pouvwar pou detrir later ek lamer.