Eb 10:39 - Nouvo Testaman dan Kreol Morisien

³⁹ Nou, nou pa bann dimoun ki retourn anaryer pouki apre pou perdi. Okontrer nou ena lafwa e nou lor sime delivrans.

Nouvo Testaman Kreol Morisien Harmonisation NTPS KM

³⁹ Nou, nou pa bann dimounn ki retourn an-aryer pou ki apre pou perdi. Okontrer nou ena lafwa e nou lor sime delivrans.

Eb 10:39 ပူးပေါင်းရင်းမြစ်များ

Mk 16:16

Dimoun ki krwar ek resevwar batem pou sove, me dimoun ki pa krwar pou kondane.

Lk 11:26

Lerla li al rod set lespri pli move ki li, e zot rant dan lakaz la e zot instal zot. Leta dimoun la vinn pli pir ki avan.”

Zn 17:12

Kan mo ti avek zot, mo ti gard zot tou par pouvwar to nom ki to finn donn mwa; mo finn vey lor zot, e personn pa finn perdi exsepte sa dimoun ki ti bizin perdi la pouki Lekritir akonpli.

Zn 20:31

Tousala finn ekrir pouki zot krwar ki Zezi-mem Lekris, Garson Bondie e pouki bann seki krwar gagn lavi par so nom.

Zn 5:24

Vremem laverite mo dir zot, dimoun ki tann mo parol e krwar dan Sa-Enn ki finn avoy mwa la, li posed lavi eternel; li pa pou kondane me li finn pas par lamor pou gagn lavi.

Zn 6:40

Samem volonte mo Papa: tou dimoun ki trouv so Garson e krwar dan li, pou gagn lavi eternel, e mwa mo pou resisit zot dan dernie zour.”

1 Tes 5:9

Bondie pa finn fer nou pou soufer pinision me pou gagn delivrans par nou Segner Zezi Kris,

2 Tes 2:3

Dan ninport ki fason, pa les personn anbet zot parski sa zour la pa pou arive avan ki gran rebelion kont Bondie arive e sef rebel ki finn destine pou detrir pou aparet.

1 Tim 6:9

Me bann ki anvi vinn ris, zot tom dan tantasion. Zot bann move dezir met zot dan latrap, e samem ki amenn dimoun dan perdision.

Eb 10:26

Si nou persiste dan pese apre ki nou finn konn laverite, pena okenn sakrifis ankor ki pou kapav efas pese;

Eb 10:38

Me dimoun ki pou krwar dan mwa pou viv par lafwa, me si li derape, mo pa pou satisfe ar li.

Eb 11:1

Lafwa vedir enn lasirans dan bann kitsoz ki to pe atann e enn konviksion dan kitsoz ki to pa trouve.

1 Pi 1:5

Ki pwisans Bondie gard zot dan lafwa, pouki zot fer lexperyans delivrans ki pou revel li dan lafin letan.

2 Pi 3:7

Me, sa mem parol la finn rezerv lesiel ek later zordi pou dife. Zot finn bien prezerve pou zour zizman ek destriksion bann peser.

1 Zn 5:16

Si kikenn trouv so frer oubien so ser pe komet enn pese ki pa mortel, li bizin priye e Bondie pou donn lavi sa dimoun la. Sa li aplik pou tou pese ki pa mortel. Ena pese ki mortel; mo pa pe dir zot priye pou sa.

1 Zn 5:5

Kisannla ki gagn laviktwar lor lemonn? Zis dimoun ki krwar ki Zezi li Garson Bondie.

Revelasion 17:11

Bebet ki ti existe lontan e ki nepli la, limem enn witiem lerwa me li fer parti sa group set la, e li pa pou sape.

Revelasion 17:8

Bebet ki to ti trouve, li ti existe me zordi li nepli la. Li pou remonte, depi pwi-san-fon pou al ver so destriksion. Bann abitan later ki zot nom pa finn ekrir dan liv lavi depi kreasion lemonn, pou etone kan zot pou trouv bebet la, parski li ti existe, li nepli existe me li pou revini.