Eb 10:36 - Nouvo Testaman dan Kreol Morisien

³⁶ Zot bizin landirans pouki letan zot finn fer volonte Bondie, zot kapav resevwar seki li finn promet zot.

Nouvo Testaman Kreol Morisien Harmonisation NTPS KM

³⁶ Zot bizin landirans pou ki letan zot finn fer volonte Bondie, zot kapav resevwar seki li finn promet zot.

Eb 10:36 ပူးပေါင်းရင်းမြစ်များ

Mt 10:22

Tou dimoun pou air zot akoz mwa, me seki tini ferm ziska dan bout, li pou sove.

Mt 12:50

Parski dimoun kifer dapre volonte mo Papa ki dan lesiel, limem mo frer, mo ser ek mo mama.”

Mt 21:31

Kisannla ant sa de garson la finn fer volonte so papa?” Zot dir, “Premie la.” Alor Zezi dir zot, “Laverite, mo dir zot, bann ramaser tax ek bann prostitie pou ariv dan Rwayom Bondie avan zot tou.

Mt 24:13

Me dimoun ki persevere ziska lafin pou sove.

Mt 7:21

“Pa tou dimoun ki dir mwa, ‘Segner, Segner’ ki pou rant dan rwayom lesiel, me zis bann ki fer volonte mo papa ki dan lesiel.

Mk 3:35

Dimoun ki fer volonte Bondie, limem mo frer, limem mo ser, limem mo mama.”

Lk 21:19

Tini ferm par zot perseverans, zot pou gagn lavi.”

Lk 8:15

Seki tom dan bon later, sa bann ki ekout laparol, gard li dan enn leker bon ek onet, e zot raport fri ar pasians ek perseverans.

Zn 7:17

Dimoun ki anvi fer so volonte pou kone si mo lansegnman sorti kot Bondie oubien si mo pe koz dapre mo prop lide.

Zistwar Bann Zapot 13:22

Kan Bondie ti finn rezet Sail, li ti elev David pou vinn zot lerwa. Ala temwagnaz ki li ti rann lor David: ‘Mo finn trouv dan David, garson Zese, kikenn ki mo leker bien kontan e ki pou fer mo volonte.’

Zistwar Bann Zapot 13:36

Me David, apre ki li finn akonpli plan Bondie dan so lepok, li finn mor e finn anter li ansam ar so bann anset. So lekor finn pouri dan tom.

Let pou Romin 12:12

Montre lazwa dan lesperans, montre pasians dan ladetres, priye avek fidelite.

Let pou Romin 12:2

Pa rant dan moul sa lemonn la, me les Bondie transform zot par enn intelizans nouvo, pouki zot kapav diserne ki volonte Bondie, setadir seki bon, seki agreab, seki parfe.

Let pou Romin 2:7

Li pou donn lavi eternel bann ki persevere pou fer dibien, bann ki pe rod laglwar, loner ek lavi imortel.

Let pou Romin 8:25

Me si nou esper seki nou pankor ena, nou atann avek boukou pasians.

1 Ko 13:7

Lamour toultan pe proteze, toultan pe fer konfians, toultan ena lesperans, toultan persevere.

Ga 6:9

Anou pa dekouraze fer dibien, parski ler peryod larekolt arive nou pou rekolte si nou pa bes lebra.

Ef 6:6

Pa fer sa zis kan bannla pe vey zot, pou fer bannla plezir; me fer volonte Bondie ar tou zot leker kouma bann esklav Lekris.

Let pou Kolosien 1:11

Lafors so laglwar pou fortifie zot par tou fason e pou amenn zot ver enn perseverans ek enn pasians ki siport tou. Dan lazwa,

Let pou Kolosien 3:24

Parski zot kone ki leritaz zot pou resevwar an rekonpans ar Lesegner. Se Lekris ki Lemet, e zot pe servi li.

Let pou Kolosien 4:12

Epafras, ki enn parmi zot e enn serviter Zezi Kris, dir zot bonzour. Li touzour priy pou zot avek tou so leker, pouki zot res ferm, avek bann konviksion for, e ki zot donn enn wi total pou fer volonte Bondie.

1 Tes 1:3

Devan nou Bondie ek Papa nou rapel seki zot finn fer akoz zot lafwa, kouma zot finn travay dir akoz zot lamour pou Zezi e kouma zot finn tini ferm dan lesperans pou Zezi Kris.

Eb 11:39

Akoz zot lafwa, zot tou finn resevwar enn bon temwagnaz, me pourtan zot pa finn trouv promes Bondie realize.

Eb 12:1

Alor parski nou osi nou ena enn lafoul temwin otour nou, anou debaras tou fardo ki lor nou sime ki anpes nou bouze, ek pese ki pe pez lor nou. Anou galoup lekours ki finn met devan nou avek determinasion.

Eb 13:21

Ki sa Bondie lape la, fer zot pratik tou seki bon pou zot fer so volonte; ki li realiz dan nou seki bon devan so lizie atraver Zezi Kris, pou li laglwar pou touzour.

Eb 6:12

Pa vinn pares; kontigne swiv lexanp bann ki finn krwar avek perseverans e finn erit promes Bondie.

Eb 6:15

Abraam finn atann avek pasians e li finn gagn seki Bondie ti promet li.

Eb 6:17

Alor kan Bondie anvi montre so bann eritie ki pou resevwar so promes ki so desizion pa kapav kase ditou, li fer enn serman.

Eb 9:15

Ala kifer li mediater enn nouvo lalians, pouki bann ki finn apele kapav resevwar leritaz eternel ki finn promet, parski finn ena enn lamor ki finn vinn efas fot ki zot finn komet anba ansien lalians.

1 Pi 1:9

parski zot pe rekolte fri zot lafwa; delivrans zot lam.

1 Zn 2:17

Lemonn avek so bann dezir pe al fini, me bann ki fer volonte Bondie pou viv pou touzour.

Revelasion 13:10

Si kikenn finn fer pou vinn prizonie, li pou al dan prizon; si kikenn finn fer pou mor avek lepe, li pou mor avek lepe. Ala enn lapel pou landirans ek lafwa pou lepep Bondie.

Revelasion 14:12

Sa enn lapel pou lepep Bondie ena landirans, bann ki gard komannman Bondie e ki res fidel ar Zezi.