Eb 10:35 - Nouvo Testaman dan Kreol Morisien

³⁵ Alor pa perdi kouraz. Pa perdi konfians dan zotmem. Sa pou donn zot enn gran rekonpans.

Nouvo Testaman Kreol Morisien Harmonisation NTPS KM

³⁵ Alor pa perdi kouraz. Pa perdi konfians dan zotmem. Sa pou donn zot enn gran rekonpans.

Eb 10:35 ပူးပေါင်းရင်းမြစ်များ

Mt 10:32

“Si kikenn rekonet mwa anpiblik ki mo ete, mwa osi mo pou rekonet li devan mo Papa dan lesiel;

Mt 10:42

Laverite mo dir zot, si kikenn donn enn ver dilo enn sa bann pli tipti parmi zot, akoz li mo disip, les mo dir zot, li pou gagn so rekonpans.”

Mt 5:12

Zot bizin dan lazwa e santi zot ere parski zot ena enn rekonpans dan lesiel; koumsamem zot ti persekit bann ansien profet.

Lk 14:14

koumsa to pou beni, parski bannla pa kapav rann twa parey. To pou rekonpanse ler rezireksion bann zis vini.”

1 Ko 15:58

Alor, mo bann frer ek ser, debout ferm. Pa les nanye destabiliz zot. Kontign progrese dan travay Lesegner, parski zot kone ki nanye pa perdi kan zot servi Lesegner.

Ef 3:12

Par Lekris ek par nou lafwa dan li nou kapav ena kouraz pou rant dan prezans Bondie ar konfians.

Eb 10:19

Mo bann frer ek ser, nou ena enn liberte asterla pou rant dan sanktyer par disan Zezi.

Eb 11:26

Li ti konsidere ki soufer pou Lemesi ena boukou plis valer ki bann trezor Lezip, parski li ti gard so lizie fixe lor rekonpans ki pou vini apre.

Eb 2:2

Si mesaz ki bann anz ti amene lontan ti valid e tou dimoun ki pa ti respekte ek obeir mesaz la, zot ti gagn pinision ki zot ti merite;

Eb 3:14

Ofet nou enn partner avek Lekris, si nou gard sa konfians ki nou ena depi komansman la, ziska lafin.

Eb 3:6

Me Lekris, finn fidel dan lakaz Bondie kouma so Garson. E noumem ki so lakaz, si nou res ferm dan nou lasirans ek fierte dan lesperans.

Eb 4:14

Parski nou ena enn gran pret, Zezi Garson Bondie, ki finn travers lesiel ziska dan prezans Bondie, anou tini ferm dan lafwa ki nou konfese.

2 Zn 1:8

Zot bizin fer atansion pou zot pa perdi fri zot travay, me ki zot resevwar zot rekonpans plin-plin.