Eb 10:27 - Nouvo Testaman dan Kreol Morisien

²⁷ nek reste zis pou atann dan lafreyer zizman Bondie ek dife lanfer ki pou detrir tou dimoun ki kont Bondie.

Nouvo Testaman Kreol Morisien Harmonisation NTPS KM

²⁷ nek zis reste pou atann dan lafreyer zizman Bondie ek dife lanfer ki pou detrir tou dimounn ki kont Bondie.

Eb 10:27 ပူးပေါင်းရင်းမြစ်များ

Mt 13:42

Li pou zet zot dan enn gran dife, kot pou ena plore, kriye ek grinsman ledan.

Mt 13:50

Seki move pou zet zot dan sa gran dife la, kot pou ena boukou plore ek kriye e grinsman ledan.”

Mt 25:41

Apre lerwa pou dir bann ki dan so kote gos: ‘Al lwin ar mwa zot modi! Al dan dife eternel ki pa pou zame tegn e ki finn prepare pou Satan ek so bann asosie.

Mt 3:10

Asterlamem laserp finn fini pare pou koup bann pie depi zot rasinn. Tou bann pie ki pa raport bon fri pou koupe zet dan dife.

Mt 3:12

Li, li pou batiz zot ar Lespri Sin ek dife. Ena enn gro fours dan so lame pou separ lagrin dible ek lapay. Lagrin dible, li ramas dan stor, lapay, li bril li dan dife ki zame pou tegn.”

Mt 8:29

Zot kriye for-for, “Ki to le ar nou, Garson Bondie? Eski to finn vinn isi pou fatig nou avan ler?”

Lk 16:24

Li kriye, ‘Papa Abraam, papa Abraam, pitie mwa. Avoy Lazar tranp so bout ledwa dan dilo pou rafresi mo lalang parski mo pe soufer lagoni dan sa laflam la.’

Lk 19:27

Asterla, mo bann ennmi, ki pa ti oule mo vinn zot lerwa, amenn zot isi e eliminn zot devan mwa.’ ”

Lk 21:26

Dimoun pou tom sek telman zot gagn per letan zot mazinn seki pe vinn lor later; bann pwisans dan lesiel pou tranble.

Lk 23:30

Alor dimoun pou dir bann montagn, Tom lor nou, ek kolinn Kasiet nou,

Zn 5:29

Ler pou sorti dan tom, tou dimoun ki finn fer dibien pou leve e pou gagn lavi; tou dimoun ki finn fer lemal pou leve e pou kondane.

Eb 12:25

Tansion! Pa refiz ekout dimoun ki pe koze ar zot. Bann ki ti refiz ekout seki ti pe averti zot lor later, pa ti sove. Alor ena plis rezon pou krwar ki nou pa pou kapav sape, si nou rezet seki pe averti nou depi lesiel.

Eb 12:29

parski, ofet nou Bondie, li enn dife ki devor tou.

Eb 2:3

kouma nou pou sap nou lavi si nou negliz enn gran delivrans parey? Lesegner ti koz lor la anpremie, apre lezot ti prouv li par zot temwagnaz.

Eb 9:27

Parey kouma tou dimoun pou bizin mor enn sel fwa, apre sa Bondie pou ziz zot.

Let Zak 5:3

Zot lor ek zot larzan pe rouye. Sa larouy la pou servi kouma enn temwagnaz kont zot e li pou manz zot laser kouma dife. Zot finn anpil enn ta larises dan sa bann dernie zour la.

Revelasion 20:15

Dimoun ki so nom pa ti ekrir dan liv lavi, ti zet li dan basin dife.