Eb 10:24 - Nouvo Testaman dan Kreol Morisien

²⁴ Anou panse kouma nou kapav ankouraz nou kamarad pou ena lamour ek pou fer dibien.

Nouvo Testaman Kreol Morisien Harmonisation NTPS KM

²⁴ Anou panse kouma nou kapav ankouraz nou kamarad pou ena lamour ek pou fer dibien.

Eb 10:24 ပူးပေါင်းရင်းမြစ်များ

Zistwar Bann Zapot 11:29

Bann disip deside pou avoy otan led ki zot kapav bann krwayan ki abit dan Zide.

Let pou Romin 11:4

Ki repons Bondie ti donn li? “Mo finn rezerv set-mil zom ki pa finn azenou devan Baal.”

Let pou Romin 12:15

Partaz lazwa avek bann ki dan lazwa, partaz lapenn avek bann ki dan lapenn.

1 Ko 10:33

Koumsamem mo viv pou fer plezir tou dimoun; olie mo rod mo prop lintere, mo rod lintere tou dimoun pouki zot kapav sap dan pese.

1 Ko 9:22

Ar bann feb, mo viv kouma enn feb pou gagn zot. Mo donn tou mo posib pou sov inpe dimoun par sa manier la.

2 Ko 8:8

Mo pa pe donn okenn lord la. Si mo pe donn lexanp lezot, mo pe zis donn zot lokazion prouve ki zot lamour li vre.

2 Ko 9:2

Mo konn zot bon lintansion, ek avek fierte mo finn dir bann Masedonien ki Akai finn pare depi lane dernier, ek sa finn ankouraz bannla pou azir.

Ga 5:13

Me zot, mo bann frer ek ser, finn apel zot pouki zot lib. Selma fode pa zot mal servi zot liberte e viv dapre zot prop natir imin. Okontrer, les zot gide par lamour e met zot oservis zot bann kamarad.

Ga 5:22

Me bann fri ki Lespri li prodwir, li lamour, lazwa, lape, pasians, bonte, konpreansion, fidelite,

Ga 5:6

Pou kikenn ki avek Zezi Kris, sirkonsizion ou pa sirkonsizion, sa pena okenn linportans; lafwa ki azir par lamour ki konte.

Ga 6:1

Mo bann frer, mo bann ser, si kikenn arive tom dan pese, zot ki ena Lespri Bondie, avek douser zot bizin ramenn li dan bon sime. Pran bien kont zotmem pou zot pa tom dan tantasion.

Let pou Kolosien 3:16

Ki parol Lekris prezan parmi zot dan tou so rises: ansegn zot prosin, fer zot ledikasion ar lasazes; par bann Psom, bann sante e bann kantik inspire par Lespri, sant zot rekonesans pou Bondie

1 Tes 1:3

Devan nou Bondie ek Papa nou rapel seki zot finn fer akoz zot lafwa, kouma zot finn travay dir akoz zot lamour pou Zezi e kouma zot finn tini ferm dan lesperans pou Zezi Kris.

1 Tes 5:11

Alor ankouraz zotmem e fortifie zot bien, parey kouma zot deza pe fer.

2 Tes 3:9

Nou fer sa, pa parski nou pena drwa resevwar zot led, me parski nou anvi donn zot enn lexanp pou swiv.

1 Tim 6:18

Rekomann zot fer lebien. Zot bizin ris ar bonaksion, fer bann don ek partaze.

Let pou Tit 2:4

pou aprann bann zenn fam kontan zot mari ek zot zanfan,

Let pou Tit 3:8

Sa enn parol sir. Mo oule ki to met lanfaz lor sa bann kestion la afin ki bann ki finn met zot lafwa dan Bondie, zot ena aker pou fer lebien devan tou dimoun, seki enn bon zafer an limem.

Eb 13:1

Kontigne kontan zot kamarad kouma bann frer ek ser.

Eb 13:3

Mazinn bann ki dan prizon, fer koumadir zot osi, zot ansam dan prizon e parski zot enn mem lekor, partaz soufrans bann ki pe gagn maltrete.

Eb 3:13

Me ki sakenn ankouraz so kamarad zour apre zour. Zot bizin kontigne osi lontan ki ena enn letan ki apel “zordi” pouki personn parmi zot pa les so leker vinn ros, oubien les zot anbete par pese.

1 Zn 3:18

Mo bann zanfan, fode pa nou kontan zis avek zoli parol ek bel-bel diskour, me montre vre lamour par nou bann aksion.