Eb 10:12 - Nouvo Testaman dan Kreol Morisien

¹² Me kan Lekris finn ofer enn fwa pourtou sakrifis ki efas pese, “Li ti asiz dan kote drwat Bondie”

Nouvo Testaman Kreol Morisien Harmonisation NTPS KM

¹² Me kan Lekris finn ofer enn fwa pourtou sakrifis ki efas pese, “Li ti asiz dan kote drwat Bondie”

Eb 10:12 ပူးပေါင်းရင်းမြစ်များ

Mk 16:19

Apre sa, Lesegner Zezi, letan li finn fini koz ar zot, li finn mont dan lesiel e li finn asiz kote drwat Bondie.

Let pou Romin 8:34

Ki sannla kapav kondann zot? Personn. Parski Lekris limem ki ti mor, me plis ki sa, li finn resisite e li adrwat Bondie pou intersed pou nou.

Ef 5:2

Zot manier viv bizin inspire par lamour, parey kouma Lekris ti kontan nou e li ti donn limem pou nou, kouma enn lofrand ek enn sakrifis ki ena enn bon parfin ki fer Bondie plezir.

Let pou Kolosien 3:1

Zot finn resisite avek Lekris, rod seki lao, la kot Lekris ete, dan kote drwat Bondie;

Eb 1:3

Li reflet laglwar Bondie e li reprezant exakteman natir Bondie ki siport liniver par pwisans so parol. Apre ki li finn pirifie pese tou bann imin, li finn asiz dan kote drwat Bondie ki nou sel gran Segner dan lesiel.

Eb 10:10

Akoz Zezi Kris finn fer volonte Bondie, nou finn vinn sin atraver sakrifis lekor Zezi Kris enn fwa pourtou.

Eb 10:14

Par enn sel lofrand, li finn rann parfe tou dimoun ki li finn sanktifie.

Eb 5:1

Sak gran pret ki finn swazir parmi bann zom, finn mandate pou azir dan faver tou bann imin dan zot relasion avek Bondie, pou ofer bann don ek sakrifis.

Eb 5:3

Akoz sa li oblize ofer sakrifis pou so prop pese e osi pou pese tou lezot dimoun.

Eb 7:27

Li pa kouma lezot gran pret, li pa bizin ofer sakrifis tou lezour, dabor pou so prop pese apre pou pese lepep. Sa li finn fini fer enn sel fwa pou tou, kan li finn ofer limem an sakrifis.

Eb 8:1

Ala pwin ki nou ti anvi dir: nou ena enn gran pret ki pe asiz lor kote drwat tronn samazeste Bondie dan lesiel,

Eb 9:12

Li finn rant enn fwa pou tou dan sanktyer, non pa avek disan bouk oubien toro, me avek so prop disan. Koumsamem li finn delivre nou pou toultan.

Eb 9:14

asterla, ki kantite disan Kris pli efikas! Par Lespri eternel, li finn ofer limem ar Bondie kouma enn sakrifis parfe, pou pirifie nou konsians; nou pena pou fer bann rit initil, me nou kapav servi Bondie vivan.