Eb 1:14 - Nouvo Testaman dan Kreol Morisien

¹⁴ Bann anz, eski zot pa zis bann lespri ki Bondie anvwaye pou servi tou seki pou sove?

Nouvo Testaman Kreol Morisien Harmonisation NTPS KM

¹⁴ Bann anz, eski zot pa zis bann lespri ki Bondie avoye pou servi tou seki pou sove?

Eb 1:14 ပူးပေါင်းရင်းမြစ်များ

Mt 1:20

Letan Zozef pe kalkil tousala, anz Lesegner paret devan li dan enn rev. Anz la dir li, “Zozef, garson David, pa per pou pran Marie kouma to fam. Zanfan ki dan so vant li sorti depi Lespri Sin.

Mt 13:41

Garson Limanite pou avoy so bann anz; zot pou ramas tou bann ki finn antrenn lezot dan lemal pou met zot andeor so rwayom e li pou fer parey ar bann ki finn komet lemal.

Mt 18:10

Fer sir ki zot pa mepriz enn sa bann ti zanfan la; parski les mo dir zot, ki zot bann anz toultan dan prezans mo Papa dan lesiel.

Mt 2:13

Apre ki bann savan finn fini ale, enn anz Lesegner paret devan Zozef dan enn rev e li dir li, “Leve, pran sa zanfan la ek so mama, sove al dan Lezip; res laba ziska ki mo dir twa retourne, parski Erod pou rod sa zanfan la pou touy li.”

Mt 24:31

Avek son tronpet, li pou avoy so bann anz ki pou rasanble tou bann ki li finn swazir dan kat kwin later.”

Mt 25:34

Alor lerwa pou dir ar bann ki dan kote drwat, ‘Vini, zot ki mo papa finn beni. Resevwar rwayom ki Bondie finn prepare pou zot depi kreasion lemonn.

Mt 4:11

Alor diab kit li ale, e bann anz vinn servi li.

Mk 10:17

Letan Zezi ti pe sorti pou ale, enn dimoun galoupe, vini, tom dan so lipie e dimann li, “Met, twa ki bon, ki mo bizin fer pou gagn lavi eternel aneritaz?”

Lk 1:19

Anz la reponn li, “Mwa, mo Gabriel; mo devan Bondie pou servi li; li finn avoy mwa koz ar twa, pou anons twa sa bonn nouvel la.

Lk 1:23

Zakari retourn kot li letan so tour servi dan tanp ti fini.

Lk 16:22

Arive ki pov malere la mor e bann anz amenn li pre kot Abraam. Ris la osi mor e zot anter li.

Lk 2:13

Enn sel kout enn larme bann anz arive pou zwenn ansam ar sa enn anz la, zot loue Bondie e zot dir:

Lk 2:9

Enn anz Lesegner paret devan zot e laglwar Lesegner anvlop zot ar enn lalimier. Bannla gagn per.

Zistwar Bann Zapot 11:22

Sa nouvel la ti ariv dan zorey bann ki ti dan Legliz Zerizalem. Lerla zot avoy Barnabas Antios.

Zistwar Bann Zapot 12:23

Anplas enn anz Lesegner zet Erod anba parski li pa finn glorifie Bondie, me finn pran loner la pou li. Lever manz li e li mor.

Zistwar Bann Zapot 12:7

Ala ki enn selkout enn anz Bondie paret ek enn lalimier briye dan kaso. Anz la bouz Pier, li kas so somey, e li dir li, “Degaze-leve!” Lerla lasenn ki ti otour so lame tonbe.

Zistwar Bann Zapot 13:2

Letan zot ti pe ador Lesegner e zot ti pe gard karem, Lespri Sin dir zot, “Met Barnabas ek Sol enn kote pou enn mision ki mo ena pou zot.”

Zistwar Bann Zapot 16:26

Enn selkout gagn enn gran tranblemandeter, bann fondasion ti sede, tou laport prizon ti ouver e lasenn bann prizonie ti large.

Zistwar Bann Zapot 27:23

Yer swar, Bondie ki mo adore e ki mo servi, finn avoy mwa enn anz ki finn dir mwa,

Zistwar Bann Zapot 5:19

Me dan lanwit enn anz Lesegner ti ouver laport prizon, fer zot sorti e dir zot,

Let pou Romin 11:14

dan lespwar ki mo kapav fer mo prop pep zalou, koumsa detrwa kapav sove.

Let pou Romin 13:6

Akoz sa osi ki zot bizin pey tax, parski bannla pe donn zotmem pou akonplir sa travay la kouma bann serviter Bondie.

Let pou Romin 15:16

pou vinn enn serviter Lekris Zezi pou bann non-Zwif. Mo akonplir travay sakre anons Bonn Nouvel Bondie pouki lepep non-Zwif vinn enn ofrand ki fer Bondie plezir e ki sanktifie par Lespri Sin.

Let pou Romin 15:27

Zot ti desid sa par zotmem, anrealite zot pran sa kouma enn det anver Zerizalem. Si bann non-Zwif finn gagn enn partaz dan benediksion spiritiel bann Zwif, li zis ki bann non-Zwif partaz zot benediksion materyel ar bann Zwif.

Let pou Romin 8:17

Si nou zanfan Bondie, alor nou eritie Bondie, ek nou eritie ansam ar Lekris. Si nou soufer avek Lekris nou pou osi partaz so laglwar.

1 Ko 1:21

Bann imin avek tou zot sazes pa finn kapav rekonet Bondie, la kot li finn manifeste so sazes. Akoz sa ki Bondie finn desid pou sov seki krwar par so mesaz swadizan fou.

2 Ko 9:12

Sa kontribision la, li pa zis konble seki lepep Bondie pe manke, me li fer enn debordman aksiondegras pou dir Bondie mersi.

Ga 3:29

E si zot pou Kris, alor zot enn desandan Abraam, zot bann eritie dapre promes Bondie.

Ga 3:7

Alor, zot bizin konpran ki bann ki viv dan lafwa, zot mem ki desandan Abraam.

Ga 3:9

Pou sa rezon la, tou dimoun ki krwar, zot pou beni avek Abraam ki ti krwar.

Ef 3:6

Ala mister la: bann non-Zwif gagn mem leritaz ki bann Zwif, zot manm mem lekor, e zot partaz mem promes dan Lekris Zezi par Bonn Nouvel.

Let pou Filipien 2:17

Mem si mo disan bizin fane pou sakrifis ek servis zot lafwa, mo zwaye e mo rezwir avek zot tou.

Let pou Filipien 2:25

Mo finn deside ki mo bizin avoy osi nou frer Epafrodit, enn mo koleg travay, limem zot ti avoye pou ed mwa.

2 Tes 1:7

Bondie pou soulaz zot, ki pe soufer, e parey nou osi. Li pou fer sa kan Lesegner Zezi retourne depi dan lesiel avek so bann anz bien pwisan,

Let pou Tit 3:7

e kan li rann nou zis par lagras, nou gagn dan lesperans leritaz lavi eternel.

Eb 10:11

Zour apre zour sak pret dibout pou ofer so sakrifis ankor ek ankor, pourtan zot zame kapav efas pese.

Eb 2:3

kouma nou pou sap nou lavi si nou negliz enn gran delivrans parey? Lesegner ti koz lor la anpremie, apre lezot ti prouv li par zot temwagnaz.

Eb 5:9

E sa finn rann li parfe e li finn vinn lasours enn delivrans eternel pou tou dimoun ki obeir li.

Eb 6:12

Pa vinn pares; kontigne swiv lexanp bann ki finn krwar avek perseverans e finn erit promes Bondie.

Eb 6:17

Alor kan Bondie anvi montre so bann eritie ki pou resevwar so promes ki so desizion pa kapav kase ditou, li fer enn serman.

Eb 8:6

Me, avredir Lekris finn resevwar enn minister ankor pli siperyer, parski dan sa pozision la, limem mediater enn meyer lalians, baze lor bann meyer promes.

Eb 9:28

Alor Kris, ki finn ofer limem enn sel fwa pou efas pese enn kantite dimoun, li pou paret enn deziem fwa, non pa pou efas pese, me pou sov bann ki pe vremem atann so retour.

Let Zak 2:5

Mo bann frer ek ser bieneme, ekout mwa: Bondie finn swazir bann ki pov dapre lemonn pouki zot vinn ris dan lafwa e posed rwayom ki finn promet bann ki kontan li.

1 Pi 1:12

Bondie ti revel ar bann profet ki zot pa ti pe servi zot prop lintere, me ti pou zot ki li ti transmet sa mesaz ki ti finn deza anonse par pwisans Lespri Sin depi dan lesiel. Mem bann anz ti anvi konn sa mesaz la.

1 Pi 1:4

enn leritaz ki finn rezerve pou zot dan lesiel, ki pa pou disparet, ni gate oubien fletri.

1 Pi 3:7

Zot osi, bann mari, montre konsiderasion pou zot madam parski bannla pa osi for ki zot. Tret zot avek respe parski zot osi zot eritie lagras Bondie. Lerla nanye pa pou kapav blok zot lapriyer.

Let Zid 1:14

Enok, setiem desandan Adam ti profetize, li dir: “Gete, Lesegner pe vini avek dis mil anz,

Revelasion 5:6

Lerla mo trouv enn Annyo pe diboute ant tronn ek kat kreatir vivan. Li ti parmi bann ansien koumadir finn sakrifie li. Li ti ena set korn ek set lizie, set lespri Bondie ki ti finn anvwaye partou lor later.