2 Tim 4:5 - Nouvo Testaman dan Kreol Morisien

⁵ Me twa, gard to lespri kler. Siport leprev, fer to travay predikasion Bonn Nouvel. Ranpli to servis.

Nouvo Testaman Kreol Morisien Harmonisation NTPS KM

⁵ Me twa, gard to lespri kler. Siport leprev, fer to travay predikasion Bonn Nouvel. Ranpli to servis.

2 Tim 4:5 ပူးပေါင်းရင်းမြစ်များ

Mt 25:16

Serviter ki ti resevwar sink talan la, vitvit li finn al fer komers avek sa larzan la e sa finn raport li ankor sink talan.

Mk 13:34

Li parey kouma enn dimoun ki pe parti; avan li kit so lakaz, li donn bann serviter lotorite pou azir, sakenn so latas e li donn gardien lord pou veye.

Mk 13:37

Saki mo pe dir zot, mo pe dir li pou zot tou: Veye.”

Lk 12:37

Bienere bann serviter ki zot met pou trouv dibout kan li rantre. Laverite mo dir zot, li pou tir so palto, fer zot asiz atab, e li pou servi zot.

Zistwar Bann Zapot 21:8

Landime nou ti kit laba e nou ti ariv Sezare. Nou ti res kot Filip, enn evanzelis, enn parmi bann set ki ti swazire depi Zerizalem.

Let pou Romin 15:19

par pwisans sign ek mirak, par pwisans Lespri Sin. Mo finn repann Bonn Nouvel Zezi Kris abondaman depi Zerizalem ziska provins Iliri.

Ef 4:11

Limem ki finn fer don; ena li finn fer apot, lezot profet, evanzelis, paster ek ansegnan,

Ef 4:12

pouki bann krwayan ena kapasite akonplir zot minister, pou grandi lekor Lekris.

Let pou Kolosien 1:25

mo finn vinn serviter par sarz ki Bondie finn konfie mwa pou zot: fer konn Parol Bondie,

Let pou Kolosien 4:17

Pa bliye dir Arsip, “Vey lor minister ki to finn resevwar dan Lesegner e fer ansort akonpli li bien.”

1 Tes 5:6

Alor anou pa dormi kouma lezot, me anou res eveye ek kalm.

1 Tim 4:12

Mo napa oule ki personn souzestim twa akoz to enn zenes. Okontrer, vinn enn lexanp pou zot par to parol, to lamour, to lafwa, to manier viv.

1 Tim 4:15

Pran tousala aker, donn twa afon dan to travay, persevere. Lerla, tou dimoun pou trouv to progre.

2 Tim 1:8

Pa per pou donn to temwagnaz lor nou Segner. Pa gagn onte pou mwa ki dan prizon akoz li. Pran to soufrans pou Bonn Nouvel avek lafors ki Bondie done.

2 Tim 2:10

Mo pe siport tousala pou bann ki Bondie finn swazir. Alor Lekris Zezi pou sov zot ek zot pou gout laglwar eternel.

2 Tim 2:3

Kouma enn vre solda Zezi Kris, pran to par soufrans.

2 Tim 4:17

Me Lesegner ti avek mwa, li ti donn mwa lafors pou proklam so mesaz devan tou bann payin. Li ti tir mwa dan zot grif.

Eb 13:17

Obeir zot dirizan e swiv zot lord, parski bannla pe vey lor zot lam, zot bann dimoun ki bizin rann kont Bondie. Fer zot travay avek boukou lazwa e non pa avek tristes parski sa pa pou amenn okenn lavantaz pou zot.

1 Pi 1:13

Akoz samem zot bizin pare pou azir ar enn lespri eveye; met tou zot lesperans dan lagras ki Zezi Kris pou donn zot kan li pou revel li.

Revelasion 3:2

Revey twa, ranforsi seki to ankor ena avan ki li mor konpletman. Parski mo finn remarke ki okenn to bann aksion pa korek dan lizie Bondie.